విజయకృష్ణ లింగమనేని సమర్పణలో ర్యాడిక్స్ సినిమాస్ బ్యానర్ నిర్మిస్తున్న కొత్త సినిమా టైటిల్ ను తాజాగా మేకర్స్ అనౌన్స్ చేశారు. ఈ చిత్రానికి "గోల్డ్ స్పాట్" టైటిల్ ఖరారు చేస్తూ ఫస్ట్ లుక్ పోస్టర్ రిలీజ్ చేశారు. ప్రొడ్యూసర్ రవితేజ పచ్చిపాల నిర్మిస్తున్న ఈ చిత్రంలో అభిషేక్, కాజల్ చౌదరి హీరో హీరోయిన్స్ గా నటిస్తున్నారు. "అంబాజీపేట మ్యారేజి బ్యాండు" చిత్రంతో దర్శకుడిగా మంచి గుర్తింపు సంపాదించుకున్న దర్శకుడు దుష్యంత్ కటికనేని ఈ సినిమాకు కథ, స్క్రీన్ ప్లే, మాటలు అందిస్తున్నారు.
దుష్యంత్ దగ్గర వర్క్ చేసిన వేణు కార్తికేయన్ "గోల్డ్ స్పాట్" సినిమాతో దర్శకుడిగా పరిచయమవుతున్నారు. ఈ సినిమా ఫస్ట్ లుక్ పోస్టర్ లో పిల్లలంతా ఆడుకుంటూ ఒక పెద్ద చెట్టు దగ్గరకి వెళ్లడం, అటువైపు నుంచి పెద్దవాళ్లుగా అంతే సంతోషంగా తిరిగి రావడం చూపించారు. బాల్య స్నేహితులు పెద్దయ్యాక తాము ఆటపాటలతో సంతోషంగా గడిపిన ప్రదేశాలను, ఆ బాల్యాన్ని గుర్తు చేసుకుంటున్నట్లుగా డిజైన్ చేసిన ఈ పోస్టర్ నోస్టాల్జిక్ ఫీల్ కలిగిస్తూ ఆకట్టుకుంటోంది.
[Gold Spot, First Look, Telugu Cinema, Telugu Film News, Telugu News]
