నిర్మాతగా మారిన దర్శకుడు వేణు ఊడుగుల!
on Nov 19, 2024
'నీది నాది ఒకే కథ', 'విరాట పర్వం' వంటి సినిమాలతో విమర్శకుల ప్రశంసలు పొందిన దర్శకుడు వేణు ఊడుగుల నిర్మాతగా మారుతున్నాడు. రాహుల్ మోపిదేవితో కలిసి డోలాముఖి సబాల్టర్న్ ఫిల్మ్స్, మాన్సూన్స్ టేల్స్ బ్యానర్స్ పై 'రాజు వెడ్స్ రాంబాయి' అనే సినిమాని నిర్మిస్తున్నాడు. ఈటీవీ విన్ కూడా నిర్మాణంలో భాగస్వామి కావడం విశేషం. సాయిలు కంపాటి (బోస్) ఈ సినిమాతో దర్శకుడిగా పరిచయమవుతున్నాడు. (Raju Weds Rambhai)
తాజాగా విడుదలైన 'రాజు వెడ్స్ రాంబాయి' టైటిల్ గ్లింప్స్ ఆకట్టుకుంటోంది. ఖమ్మం-వరంగల్ సరిహద్దుల్లో ఉండే ఒక గ్రామంలో జరిగిన యదార్థ సంఘటనల ఆధారంగా ఈ చిత్రం రూపొందుతోంది. గ్లింప్స్ లో యెనగంటి రాంబాయిగా హీరోయిన్ తనని తాను పరిచయం చేసుకోవడం బాగుంది. ఒక అమ్మాయి ప్రేమించడానికి ఉండాల్సిన ఏ అర్హత లేనప్పటికీ, రాజుని తాను ప్రేమించానని చెప్పడం ఆసక్తికరంగా ఉంది. బ్యూటిఫుల్ విజువల్స్, మ్యూజిక్ తో 'రాజు వెడ్స్ రాంబాయి' గ్లింప్స్ మెప్పించింది.
'రాజు వెడ్స్ రాంబాయి' సినిమాని ప్రేమికుల రోజున ఫిబ్రవరి 14, 2025న విడుదల చేస్తామని మేకర్స్ అనౌన్స్ చేశారు. సురేష్ బొబ్బిలి సంగీతం అందిస్తున్న ఈ చిత్రానికి సినిమాటోగ్రాఫర్ గా వాజిద్ బేగ్, ఎడిటర్ గా నరేష్ అడుప, ప్రొడక్షన్ డిజైనర్ గా గాంధీ నడికుడికర్ వ్యవహరిస్తున్నారు. మిట్టపల్లి సురేందర్ సాహిత్యం అందిస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
