టాక్సిక్ రేపు ఉదయం ఆరున్నర గంటల ఆటతో రెండు తెలుగు రాష్ట్రాల్లో టేక్ ఆఫ్ అవుతుంది. అడ్వాన్స్ బుకింగ్స్ కూడా వరల్డ్ ఫాస్టెస్ట్ రైలు పట్టాలపై వెళ్తున్నట్టుగా జెట్ స్పీడ్ వేగంతో జరుగుతున్నాయి. ఇక ఈ చిత్రాన్ని రెండు తెలుగు రాష్ట్రాల్లో దిల్ రాజు రిలీజ్ చేస్తున్నాడు. సుమారు 120 కోట్లకి టాక్సిక్ హక్కులని దక్కించుకున్నాడనే వార్త ట్రేడ్ వర్గాల్లో పెద్ద హాట్ టాపిక్గా మారింది. తెలుగులో ఇప్పటివరకు ఒక అదర్-లాంగ్వేజ్ హీరో సినిమాకి జరిగిన బిగ్గెస్ట్ డీల్ ఇదే.
అయితే, 120 కోట్ల బిజినెస్ అంటే బాక్సాఫీస్ వద్ద బ్రేక్ ఈవెన్ సాధించి, సేఫ్ జోన్లోకి వెళ్లాలంటే దాదాపు 200 కోట్ల వరకు గ్రాస్ వసూళ్లు సాధించాల్సి ఉంటుంది. ఈ నేపథ్యంలో దిల్ రాజు ఒడ్డున పడే అవకాశాలు ఎంతవరకు ఉన్నాయో ఒకసారి విశ్లేషిస్తే: దిల్ రాజు సేఫ్ అవ్వడానికి ఉన్న అనుకూల అంశాలు
Also Read: ఇరుముడి మణమ్మకి ధనుష్ స్పెషల్ సర్ప్రైజ్
ప్లస్ పాయింట్స్
యష్ ఇమేజ్ & KGF KGF Chapter 2 సినిమా తెలుగు రాష్ట్రాల్లో 100 కోట్లకి పైగా షేర్ సాధించింది. యష్కు తెలుగులో ఉన్న క్రేజ్ వల్ల ఓపెనింగ్స్ చాలా భారీ స్థాయిలో వస్తాయి.
డీల్ టైప్ (Advance on Commission): టాక్సిక్ హక్కులను పూర్తిగా ప్లాట్ రేట్కి కాకుండా "అడ్వాన్స్ కమీషన్" బేసిస్పై ఒప్పందం చేసుకున్నారనే వార్తలు ఉన్నాయి. అంటే సినిమా ఫలితాన్ని బట్టి కొంతవరకు ఫైనాన్షియల్ రిస్క్ తగ్గే వెసులుబాటు ఉంటుంది.
నెట్వర్క్: నైజాం, ఆంధ్రా వ్యాప్తంగా దిల్ రాజుకు ఉన్న బలమైన థియేటర్ల పట్టు వల్ల మొదటి వారాంతంలో గరిష్ట స్థాయిలో స్క్రీన్లు కేటాయించి రికార్డు వసూళ్లు రాబట్టవచ్చు.
ఎదురయ్యే ప్రధాన సవాళ్లు
కంటెంట్ నచ్చాల్సిందే: 120 కోట్ల మార్క్ చేరుకోవాలంటే కేవలం హీరో క్రేజ్ సరిపోదు; కంటెంట్ ఏమాత్రం తేడా కొట్టినా టాక్ నెగెటివ్గా మారి మొదటి వారం తర్వాత కలెక్షన్లు పడిపోయే ప్రమాదం ఉంది. టాక్సిక్ కంప్లీట్ మాస్ యాక్షన్ ప్యాకేజీగా ఉంటేనే తెలుగు ప్రేక్షకులు భారీగా థియేటర్లకు వస్తారు. ఏది ఏమైనా దిల్ రాజు బాక్సాఫీస్ లెక్కలు, డిస్ట్రిబ్యూషన్ బిజినెస్లో అపార అనుభవం ఉన్న మేధావి. యష్పై ఉన్న విపరీతమైన క్రేజ్ను నమ్ముకునే ఈ స్థాయి రిస్క్ తీసుకున్నాడు . టాక్ గనుక పాజిటివ్గా వస్తే 120 కోట్ల మార్క్ను దాటి దిల్ రాజు సునాయాసంగా ఒడ్డున పడటమే కాకుండా మంచి లాభాలు అందుకుంటాడు.
Yash, Toxic, Dil Raju
