చిక్కుల్లో బిగ్ బాస్ బ్యూటీ.. తిరుమలలో బాయ్ ఫ్రెండ్ తో కలిసి చేసిన పనికి జైలు తప్పదా?
on Nov 26, 2024
కొన్నేళ్లుగా ప్రాంక్ వీడియోల ట్రెండ్ నడుస్తోంది. ప్రాంక్ వీడియోలు అంటే అందరూ నవ్వుకునేలా ఉండాలి కానీ.. కొందరిని భయపెట్టేలాగానో, కొందరి మనోభావాలు దెబ్బతీసేలాగానో ఉండకూడదు. కానీ వ్యూస్, మనీ మాయలో పడిపోయిన కొందరు ప్రాంక్ పేరుతో అడ్డమైన వీడియోలు చేస్తున్నారు. అలా చేసే వారిలో కొందరు సెలబ్రిటీలు కూడా ఉంటున్నారు.
బిగ్ బాస్ ఫేమ్ ప్రియాంక జైన్ (Priyanka Jain) తన బాయ్ ఫ్రెండ్ శివ కుమార్ తో కలిసి యూట్యూబ్ లో వీడియోలు చేస్తుంటుంది. అందులో వారి లైఫ్ లో జరిగిన ఇన్సిడెంట్స్ తో పాటు, ప్రాంక్ వీడియోలు కూడా ఉంటాయి. అయితే వీరు వ్యూస్ కోసం తిరుమల నడక దారిలో కూడా ఒక ప్రాంక్ వీడియో చేశారు. "తిరుపతి మా మీద చీతా ఎటాక్" అంటూ ఒక థంబ్ నెయిల్ పెట్టి, 11 నిమిషాల వీడియో పెట్టారు. ఈ వీడియో పోస్ట్ చేసి దాదాపు ఎనిమిది నెలలవుతుంది. అప్పట్లోనే ఈ వీడియోపై తీవ్ర విమర్శలు వచ్చాయి. మీరు తిరుమల వెళ్ళింది శ్రీవారిని దర్శించుకోవడానికా? లేక వీడియోలు చేసి సొమ్ము చేసుకోవడానికా? అంటూ నెటిజన్లు ఫైర్ అయ్యారు. అలాగే "చీతా ఎటాక్" అంటూ తిరుమలకు వెళ్లాలనుకునే భక్తులను భయబ్రాంతులకు గురి చేస్తున్నారంటూ ఆగ్రహం వ్యక్తం చేశారు. అయితే అన్ని విమర్శలు వచ్చినప్పటికీ.. ఆ వీడియోని తొలగించడం కానీ, కనీసం థంబ్ నెయిల్ మార్చడం కానీ ప్రియాంక జైన్ చేయలేదు. కానీ ఎట్టకేలకు కాస్త ఆలస్యమైనా ఈ విషయం ఎవరి దగ్గరకు చేరాలో వారి దగ్గరికే చేరింది.
ప్రియాంక జైన్-శివ కుమార్ తిరుమల నడక దారిలో చేసిన ప్రాంక్ వీడియో విషయం టీటీడీకి చేరింది. దీనిపై తాజాగా టీటీడీ పాలక మండలి సభ్యులు భానుప్రకాష్ రెడ్డి స్పందించారు. "ప్రాంక్ వీడియోలు చేయడానికి హద్దూపద్దూ లేదా?. సెలబ్రిటీలు అయ్యుండి, పవిత్రమైన చోట ఇలాంటి వీడియోలు చేయడానికి ఇంగిత జ్ఞానం ఉండాలి. కావాలంటే టూరిస్ట్ ప్లేస్ లకు వెళ్లి ఇలాంటి వీడియోలు చేసుకోండి. తిరుమలలో ఇలాంటి వీడియోలు చేస్తే ఊరుకునే ప్రసక్తే లేదు. టీటీడీ అధికారులు, న్యాయ నిపుణులతో చర్చించి.. భవిష్యత్ లో ఇలాంటివి పురాణావృతం కాకుండా, కఠిన చర్యలు తీసుకొని, వీటికి ఫుల్ స్టాప్ పెడతాం." అన్నారు.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
