-ఆసియాలోనే నెంబర్ వన్ 
-పూణే, బెంగుళూరు తర్వాత హైదరాబాద్ 
- డిసిఐ ఫ్లాట్ అంటే ఏమిటి 

పాన్ ఇండియా సిల్వర్ స్క్రీన్ కి దొరికిన స్టార్స్ లో ఐకాన్ స్టార్ 'అల్లు అర్జున్'(Allu Arjun)కూడా ఒకడు. ముఖ్యంగా తెలుగు సినిమా మార్కెట్ ని పెంచి తెలుగు సినిమా బ్రాండ్  ఏ స్థాయిలో ఉంటుందో ఒక స్పష్టత కూడా తెచ్చాడు. అల్లు అర్జున్ తో పాటు ఆయన తండ్రి అల్లు అరవింద్(Allu Aravind)కూడా సుదీర్ఘ కాలం నుంచి నిర్మాణ రంగంలో ఉంటూ ఎన్నో ఉత్తమమైన చిత్రాలు నిర్మిస్తూ వస్తున్నారు. తాత అల్లు రామలింగయ్య(Allu Ramalingaiah)గురించి చెప్పక్కర్లేదు. సినీ రంగంలో ఒక లెజండ్. దీన్ని బట్టి అల్లు ఫ్యామిలీకి తెలుగు సినిమాతో పాటు తెలుగు ప్రేక్షకులతో ఉన్న అనుబంధం ఏ పాటిదో తెలిసిందే. ఇప్పుడు ఆ ఇద్దరు గర్వపడేలా అల్లు ఫ్యామిలీ హైదరాబాద్ లోని కోకాపేట ఏరియాలో డాల్బీ స్క్రీన్ తో కూడిన థియేటర్  నిర్మించింది. మరి ఆ విశేషాలేంటో చూద్దాం.

'అల్లు సినిమాస్'(Allu cinemas)పేరుతో డాల్బీ స్క్రీన్  థియేటర్ ని నిర్మించారు. స్రీన్ సైజు 75 అడుగులు కాగా డిసిఐ ఫ్లాట్ స్క్రీన్. ఈ విధమైన థియేటర్ మన తెలుగు రాష్ట్రాల్లో మొదటిది. ఇండియాలోనే మూడోది. ఇప్పటి వరకు పూణే. బెంగుళూరులో మాత్రమే డాల్బీ స్క్రీన్స్ అందుబాటులో ఉన్నాయి. అలాంటిది ఇప్పుడు అల్లు సినిమాస్ తో హైదరాబాద్ పేరు కూడా వాటి సరసన చేరింది. ఇంకో విశేషమేమిటంటే ఆసియా లోనే అతి పెద్ద స్క్రీన్ సైజు గా (75 అడుగులు డిసిఐ ఫ్లాట్ స్క్రీన్) కూడా అల్లు సినిమాస్ రికార్డు సృష్టించింది.

also read:  Balakrishna: ఇక బ్లాస్టింగే తరువాయి. బాలకృష్ణ కీలక నిర్ణయం

ఇక ధురంధర్ పార్ట్ 2(Dhurandhar 2) ప్రీమియర్స్ తో థియేటర్ ప్రారంభం కానుంది. మరి ఈ లెక్కన  ఉస్తాద్ భగత్ సింగ్(Ustaad Bhagat Singh)కూడా ప్రదర్శించడంతో అభిమానులకి సరికొత్త సినీ అనుభూతి అందడం ఖాయం. అల్లు సినిమాస్ లో మొత్తం నాలుగు స్క్రీన్ లు ఉండగా, స్క్రీన్ 1 లో డాల్బీ విజన్ సౌలభ్యం ఉంది. సీటింగ్ సామర్ధ్యం 644 .