ముచ్చటగా మూడు.. షాకిస్తున్న అక్కినేని అఖిల్!
on Mar 25, 2025
అక్కినేని అఖిల్ ఒక భారీ విజయాన్ని అందుకుంటే చూడాలని అక్కినేని అభిమానులు ఎంతగానో ఎదురుచూస్తున్నారు. అఖిల్ ఐదు సినిమాల్లో హీరోగా నటించగా, అందులో 'మోస్ట్ ఎలిజిబుల్ బ్యాచ్‌ల‌ర్' మాత్రమే కమర్షియల్ సక్సెస్ సాధించింది. మిగతా నాలుగు సినిమాలు బాక్సాఫీస్ ఫెయిల్యూర్ గా మిగిలాయి. ముఖ్యంగా గత చిత్రం 'ఏజెంట్' డిజాస్టర్ గా నిలిచింది. ఏజెంట్ వచ్చి దాదాపు రెండేళ్లవుతున్నా ఇంతవరకు అఖిల్ కొత్త సినిమా అనౌన్స్ మెంట్ రాలేదు. దీంతో అక్కినేని ఫ్యాన్స్ తీవ్ర నిరాశలో ఉన్నారు. అయితే వారి నిరాశకు త్వరలోనే శుభం కార్డు పడబోతోంది. అఖిల్ ఒకేసారి మూడు ప్రాజెక్ట్ లతో సర్ ప్రైజ్ చేయడానికి సిద్ధమవుతున్నట్లు తెలుస్తోంది. (Akhil Akkineni)
ఏజెంట్ తర్వాత యూవీ క్రియేషన్స్ బ్యానర్ లో అఖిల్ ఒక సినిమా కమిట్ అయ్యాడు. అనిల్ అనే నూతన దర్శకుడితో వంద కోట్లకు పైగా బడ్జెట్ తో ఈ సినిమాని ప్లాన్ చేశారు. కానీ, ఇంతవరకు అఫీషియల్ గా అనౌన్స్ చేయలేదు. ప్రస్తుతం ప్రీ ప్రొడక్షన్ వర్క్ జరుగుతోందని వినికిడి.
అలాగే 'వినరో భాగ్యము విష్ణుకథ' ఫేమ్ మురళి కిషోర్ అబ్బూరు డైరెక్షన్ లో కూడా అఖిల్ ఒక సినిమా కమిట్ అయ్యాడు. నాగార్జున నిర్మిస్తున్న ఈ రూరల్ బ్యాక్ డ్రాప్ మూవీకి 'లెనిన్' అనే టైటిల్ ప్రచారంలో ఉంది. అంతేకాదు, అనౌన్స్ మెంట్ లేకుండానే సైలెంట్ గా ఈ మూవీ షూట్ జరుగుతున్నట్లు వార్తలొస్తున్నాయి. ఈ ఏడాదిలోనే లెనిన్ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నట్లు సమాచారం.
ఇక తాజాగా అఖిల్ మరో ప్రాజెక్ట్ కి గ్రీన్ సిగ్నల్ ఇచ్చినట్లు తెలుస్తోంది. 'సామజవరగమన' మాటల రచయిత నందు సవిరిగాన ఈ చిత్రానికి దర్శకత్వం వహిస్తాడట. శ్రీనివాస్ చిట్టూరి నిర్మించనున్న ఈ మూవీ.. 'సామజవరగమన' తరహాలోనే ఎంటర్టైనర్ గా తెరకెక్కనుందని టాక్.
ఏప్రిల్ 8న అఖిల్ పుట్టినరోజు ఉంది. ఆ రోజున ఈ మూడు ప్రాజెక్ట్ లకి సంబంధించిన అప్డేట్స్ వచ్చే అవకాశముంది.
.WEBP)
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
