నందమూరి బాలకృష్ణ కెరీర్‌లో గుర్తుండిపోయే సినిమాల్లో ‘భగవంత్ కేసరి’ కూడా ఒకటి. అనిల్ రావిపూడి దర్శకత్వంలో తెరకెక్కిన ఈ సినిమా బాక్సాఫీస్ దగ్గర మంచి విజయాన్ని అందుకోవడమే కాకుండా.. మహిళా సాధికారత అనే అంశాన్ని కూడా బలంగా చూపించింది. బాలయ్య మాస్ యాక్షన్‌కు, ఎమోషన్స్ తోడవడంతో ప్రేక్షకులను ఆకట్టుకుంది. అక్టోబర్ 19, 2023 న విడుదలైనఈ సినిమా నేటితో మూడేళ్లు పూర్తి చేసుకుంది.
ఈ సినిమాలో బాలకృష్ణ పోషించిన భగవంత్ కేసరి పాత్రకు మంచి గుర్తింపు వచ్చింది. ముఖ్యంగా తన సంరక్షణలో పెరిగిన విజయలక్ష్మి అలియాస్ విజ్జి (శ్రీలీల) భయాన్ని వీడి ధైర్యంగా నిలబడాలని ఆయన చెప్పే మాటలు ప్రేక్షకులను ఆకట్టుకున్నాయి. ‘బానో బేటీ కో షేర్’ అనే నినాదంతో అమ్మాయిల్లో ఆత్మవిశ్వాసాన్ని పెంచే ప్రయత్నం చేశారు. యాక్షన్‌తో పాటు మహిళలు తమ కాళ్లపై తాము నిలబడాలనే సందేశాన్ని కూడా ఈ సినిమా ద్వారా అందించారు.
ఇక శ్రీలీలకు కూడా ఈ సినిమా కెరీర్‌లో ప్రత్యేకంగా నిలిచింది. అమాయకంగా కనిపించే అమ్మాయి నుంచి ధైర్యంగా నిర్ణయాలు తీసుకునే యువతిగా ఆమె పాత్రలో వచ్చిన మార్పు కథకు కీలకంగా నిలిచింది. బాలకృష్ణ, శ్రీలీల మధ్య వచ్చే ఎమోషనల్ సీన్స్ ప్రేక్షకులను ఆకట్టుకున్నాయి. అనిల్ రావిపూడి తనదైన కామెడీ, మాస్ యాక్షన్, ఎమోషన్స్‌ను కలిపి ఈ సినిమాను రూపొందించారు.
బాక్సాఫీస్ దగ్గర కూడా ‘భగవంత్ కేసరి’ మంచి వసూళ్లను సాధించింది. ట్రేడ్ అంచనాల ప్రకారం ఈ సినిమా ప్రపంచవ్యాప్తంగా సుమారు రూ.130 కోట్ల గ్రాస్ వసూలు చేసింది. అంతేకాదు, 71వ జాతీయ చలనచిత్ర అవార్డుల్లో ఉత్తమ తెలుగు ఫీచర్ ఫిల్మ్ అవార్డును కూడా గెలుచుకుంది.
సినిమా విడుదలై మూడేళ్ల పూర్తయిన సందర్భంగా ‘భగవంత్ కేసరి’ గురించి అభిమానులు ప్రత్యేకంగా పోస్టులు పెడుతున్నారు. బాలయ్య పవర్‌ఫుల్ స్క్రీన్ ప్రెజెన్స్, శ్రీలీల నటన, సినిమాలోని సందేశాన్ని గుర్తుచేసుకుంటున్నారు. ఈ కాంబినేషన్ మరోసారి రిపీట్ కావాలని కొందరు అభిమానులు తమ అభిప్రాయాలను వ్యక్తం చేస్తున్నారు.
మాస్ సినిమాల్లోనూ బలమైన సందేశాన్ని చెప్పొచ్చని నిరూపించిన ‘భగవంత్ కేసరి’.. బాలయ్య అభిమానులకు మాత్రమే కాకుండా, మహిళా సాధికారతను ప్రోత్సహించే సినిమాలను ఇష్టపడే ప్రేక్షకులకు కూడా గుర్తుండిపోయే చిత్రంగా నిలిచింది.
[3 Years For Bhagavanth Kesari, 3 Years Of Bhagavanth Kesari, Bhagavanth Kesari 3 Years, Bhagavanth Kesari, Nandamuri Balakrishna, Sreeleela, Anil Ravipudi, Telugu Film News]
