ప్రశ్నించడానికి ఇంత టైం తీసుకొంటే ఎలా పవనూ?

Publish Date:Mar 5, 2015

Advertisement

 

నిజమే! పవన్ కళ్యాణ్ నిజాయితీని శంఖించడానికి వీలులేదు. ఆయన ఏది మాట్లాడిన చాలా నిజాయితీగా హృదయంతోనే మాట్లాడుతారు తప్ప సగటు రాజకీయ నాయకుడిలా ఎన్నడూ వ్యవహరించరని అందరికీ తెలుసు. ఆ కారణంగానే ఆయన రాజకీయాలకి అసలు సరిపోరని రాజకీయ విశ్లేషకులు అభిప్రాయపడుతుంటారు. ఆయన పార్టీ పెట్టినప్పటి నుండి నేటి వరకు కూడా సందిగ్ధంలోనే ఉన్నట్లు కనిపిస్తున్నారు. తన సోదరుడు చిరంజీవి ఎదుర్కొన్న చేదు అనుభవాలను చూసిన తరువాత కూడా ఆయన ఎంతో అట్టహాసంగా జనసేన పార్టీని స్థాపించారు. కానీ రెండో సమావేశంతోనే దానిని అటకెక్కించారు. అధికారం కోసం కాదు ప్రశ్నించడానికే రాజకీయాలలోకి వచ్చేనని చెప్పి అభిమానులను నిరాశపరిచారు.

 

తరువాత అహ్మదాబాద్ వెళ్లి మోడీని కలిసి ఆయనకి మద్దతు తెలిపారు. అయితే బీజేపీకి మద్దతు తెలిపిన పవన్ కళ్యాణ్ దానితో పొత్తులు పెట్టుకొన్న తెదేపా గురించి మాట్లాడకుండా చాలా రోజులు మౌనం వహించారు. కానీ తరువాత తెదేపాకు కూడా మద్దతు ఇచ్చేరు. ఆ రెండు పార్టీల తరపున ఆంద్ర, తెలంగాణా రాష్ట్రాలలో గట్టిగా ప్రచారం చేసారు. అవసరమయితే వాటినీ ప్రశ్నిస్తానని చెప్పిన వ్యక్తి ఆ తరువాత మళ్ళీ సినిమాలలోకి వెళ్ళిపోయారు.

 

గత తొమ్మిది నెలలుగా ఆంద్ర, తెలంగాణా ప్రభుత్వాల మధ్య అనేక సమస్యలు తలెత్తాయి. ఇరు రాష్ట్రాలు విభిన్న సమస్యలతో కొట్టుమిట్టాడుతున్నాయి. ఇరు రాష్ట్రాల ముఖ్యమంత్రులు సమస్యల పరిష్కారం కోసం, నిధుల కోసం, ప్రాజెక్టుల కోసం కేంద్రం చుట్టూ ప్రదక్షిణాలు చేస్తూనే ఉన్నారు. రాజకీయాలలో ఉండాలనుకొన్న ఏ వ్యక్తి అయినా ఇటువంటి సందర్భాలలో తప్పనిసరిగా స్పందిస్తాడని ప్రజలు ఆశిస్తారు. కానీ పవన్ కళ్యాణ్ ఏనాడు ఏ విషయంపైనా స్పందించలేదు. ఆయన ప్రశ్నించడానికే పార్టీ పెట్టి ఉండవచ్చును. కానీ సమయం కాని సమయంలో ఇప్పుడు ప్రశ్నిస్తున్నారు.

 

తుళ్ళూరులో రాజధాని నిర్మిస్తామని ప్రభుత్వం ప్రకటించినపుడు అన్ని రాజకీయ పార్టీలు స్పందించాయి ఒక్క జనసేన తప్ప. భూసేకరణ విషయంలో కూడా అన్ని పార్టీలు స్పందించాయి. ఒక్క జనసేన తప్ప. పవన్ కళ్యాణ్ తెదేపాకు మద్దతు ఇస్తున్నారు గనుకనే స్పందించడం లేదని జనాలు సరిబెట్టుకొన్నారు. అందుకే ఆయనను ఎవరూ కూడా ప్రశ్నించలేదు. కానీ రాష్ట్ర ప్రభుత్వం భూసేకరణ కార్యక్రమం పూర్తయిందని ప్రకటించి, రాజధాని నిర్మాణానికి శంఖు స్థాపన తేదీలను కూడా ఇంచుమించు ఖరారు చేసిన తరువాత ఇప్పుడు అకస్మాత్తుగా ఊడిపడి భూసేకరణను తను వ్యతిరేకిస్తున్నానని, అవసరమయితే ఆమరణ నిరాహార దీక్ష కూడా చేస్తానని తను మద్దతు ఇస్తున్న రాష్ట్ర ప్రభుత్వంపైనే యుద్దం ప్రకటించడంతో ఆయన అభిమానులు, ప్రజలు, రాజకీయ నేతలు కూడా విస్తుపోయారు.

 

ఆయన భూసేకరణను వ్యతిరేకిస్తున్నట్లయితే మరి ఇంతకాలం ఎందుకు మౌనంగా ఉండిపోయారు. ఆ ప్రక్రియ ముగిసిన తరువాత ఇప్పుడు వచ్చి ఎందుకు హడావుడి చేస్తున్నారు? ఒకవేళ ఆయన ఈ ప్రక్రియ ఆరంభం కాక మునుపే వచ్చి అడ్డుకొనే ప్రయత్నం చేసి ఉండి ఉంటే, బహుశః రాష్ట్ర ప్రజలు చాలా మంది ఆయనకు మద్దతు పలికేవారేమో. కానీ అంతా పూర్తయిన తరువాత ఇప్పుడు వచ్చి హడావుడి చేయడం వలన ఆయన ఏమి సాధించదలచుకొన్నారు?

 

రైతుల భూములు తిరిగి ఇప్పించాలని భావిస్తే, అదిప్పుడు సాధ్యమేనా? సాధ్యమేననుకొంటే రాజధాని నిర్మాణం నిలిపివేయాలా...లేక రాజధానిని వేరే చోటికి తరలించాలా? అనే ప్రశ్నలకు ఆయన సమాధానం చెప్పాల్సి ఉంటుంది.

 

ఇక ఇంతకాలం రాష్ట్రానికి రావలసిన నిధులు, ప్రత్యేక హోదా, ప్రాజెక్టుల గురించి కేంద్రప్రభుత్వం రేపు...మాపు...అంటూ  తిప్పిస్తున్నప్పుడు పవన్ కళ్యాణ్ ఎందుకు స్పందించలేదు? మోడీతో తనకున్న పరిచయాన్ని ఉపయోగించుకొని ఎందుకు ఆయనపై ఒత్తిడి చేయకుండా మౌనంగా ఊరుకొన్నారు. ఇప్పుడు పరిస్థితి చేయి దాటిపోయిన తరువాత వచ్చి ఆయనని ప్రశ్నించడం వలన ఏమి ప్రయోజనం? కేంద్రాన్ని ఒప్పించే భాద్యత యంపీలదేనని ఒకపక్క చెపుతూనే మళ్ళీ మధ్యలో తను కలుగజేసుకోవడం ఎందుకు? తను కలుగజేసుకొన్నా ఎటువంటి ప్రయోజనమూ ఉండదని మళ్ళీ చెప్పుకోవడం ఎందుకు?

 

రాజకీయాలలో ఉండదలచిన వ్యక్తులు ఎవరయినా సరే ఏ అంశంపైనైనా సరయిన సమయంలో స్పందించినపుడే దానికి ఒక విలువ, ప్రజల మన్ననలు ఉంటాయి. కానీ ఆనాడు నేను తెలంగాణా ఉద్యమాలకి ఎందుకు మద్దతు పలకలేదంటే...ఆనాడు నేను ఎన్నికలలో ఎందుకు పాల్గొననలేదంటే...ఆనాడు నేను భూసేకరణ గురించి ఎందుకు పోరాడలేదంటే...ఆనాడు నేను ప్రత్యేక హోదా గురించి ఎందుకు ప్రశ్నించలేదంటే....అని సంజాయిషీలు చెప్పుకోవడాన్ని ఎవరూ హర్షించరు. రాజకీయాలలో అది పద్ధతి కాదు కూడా. కనుక ఇప్పుడు ఆందోళనకు, నిరాహార దీక్షలకు దిగడం కంటే, అటు రైతులు నష్టపోకుండా, రాజధాని నిర్మాణానికి ఆటంకం ఏర్పడకుండా ఈ సమస్యను ఏవిధంగా పరిష్కరించవచ్చో ఆలోచించి ప్రభుత్వానికి తగిన సూచనలు ఇస్తే బాగుంటుంది.

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.