ఇండియా కూటమిలో ఐక్యత బలపడుతోంది. ఇంత వరకూ కూటమిలో కాంగ్రెస్ అగ్రనేత రాహుల్ గాంధీని ప్రధాని అభ్యర్థిగా అంగీకరించే విషయంలో ఉన్న భిన్నాభిప్రాయం మారుతున్న పరిస్థితి కనిపిస్తోంది. రాహుల్ ప్రధాని అభ్యర్థిత్వంపై ఏకాభిప్రాయం దిశగా ఇండియా కూటమి పార్టీల అడుగులు పడుతున్న పరిస్థితి కనిపిస్తోంది. ఇందుకు ప్రధాన కారణంగా పరిశీలకులు ఇటీవల హస్తిన వేదికగా జరిగిన జన్ జీ ఉద్యమం కారణమని అంటున్నారు.  

గత కొంతకాలంగా రాహుల్ గాంధీ చేపట్టిన సుదీర్ఘ పాదయాత్రలు, ప్రజా సమస్యలపై ఆయన చేస్తున్న పోరాటాలు దేశవ్యాప్తంగా ప్రజలను ఆకట్టుకున్నాయి.   పార్లమెంట్ వేదికగా అధికార పార్టీ విధానాలను ఎండగట్టడంలో ఆయన చురుకుగా, చొరవగా వ్యవహరిస్తున్న తీరుతో ఇండియా కూటమి పార్టీలు ఆయన నాయకత్వం పట్ల సానుకూలత వ్యక్తం చేస్తున్నాయి. అలాగే  యువతను ఆకట్టుకునేందుకు ఆయన చేస్తున్న ప్రయత్నాలు కూడా ఇండియా కూటమి పార్టీలలో ప్రధాని అభ్యర్థిగా రాహుల్ వైపు మొగ్గు చూపేందుకు దోహదపడుతున్నాయని అంటున్నారు.   ఈ నేపథ్యంలో తాజాగా సీపీఎం ప్రధాన కార్యదర్శి ఎం.ఏ.బేబీ  ఇండియా కూటమి ప్రధాని అభ్యర్థి రాహుల్ గాంధీయేనని ప్రకటించారు.   ప్రతిపక్ష నాయకుడిగా ఆయనే కూటమి ప్రధాని అభ్యర్థి అని పేర్కొన్నారు.  వచ్చే సార్వత్రిక ఎన్నికలలో ఇండియా కూటమి మెజారిటీ సాధిస్తే సహజంగానే రాహుల్ ప్రధాని అభ్యర్థిగా ఉంటారని అన్నారు.  ఇప్పటికే టీవీకే అధినేత టీవీకే విజయ్ తాను ప్రధాని రేసులో లేననీ, కూటమి భాగస్వామ్య పార్టీగా తన మద్దతు రాహుల్ గాంధీ అభ్యర్థిత్వానికేనని ప్రకటించిన సంగతి తెలిసిందే.  

 ఇండియా కూటమిలో  ప్రధాని అభ్యర్థి విషయంలో భిన్నాభిప్రాయాలు, భేదాభిప్రాయాలు ఉన్నాయన్న ప్రచారం నేపథ్యంలో సీపీఎం ప్రకటన ప్రాధాన్యత సంతరించుకుంది.  ఏది ఏమైనప్పటికీ వచ్చే సార్వత్రి ఎన్నికల ఫలితాలు వెలువడిన తరువాతనే ఈ విషయంలో క్లారిటీ వస్తుందంటున్న పరిశీలకులు, రాహుల్ ప్రధాని అభ్యర్థిత్వం పట్ల ఇండియా కూటమి పార్టీలు ఒకదాని తరువాత ఒకటిగా న్నికల ఫలితాలు వెలువడిన తర్వాత పరిస్థితులను బట్టి  నిర్ణయం తీసుకుంటాయయంటున్నారు.  

ప్రస్తుత రాజకీయ పరిస్థితులలో బీజేపీ ప్రభుత్వాన్ని గద్దె దించడమే ప్రధాన లక్ష్యంగా ఐండియా కూటమి పార్టీల అడుగులు పడుతున్నాయి.  ఐక్యంగా ఉంటేనే బలమైన ప్రత్యామ్నాయంగా జనం భావిస్తారనీ, గుర్తిస్తారనీ  కూటమి పార్టీలు భావిస్తున్నాయి. భావసారూప్యత కలిగిన పార్టీలన్నీ ఒకే తాటిపైకి వచ్చి ప్రజల ముందు ఒక బలమైన ప్రత్యామ్నాయాన్ని ఉంచాలని ప్రయత్నిస్తున్నాయి. అందెలొ భాగంగారు నే నాయకత్వ అంశంపై ఒక స్పష్టతను ఇచ్చే ప్రయత్నం చేస్తున్నాయంటున్నారు పరిశీలకులు.

[INDIA Allience Unity, Rahul Gandhi PM Post, MA Baby CPIM, Opposition Alliance India, Lok Sabha Elections, Congress Party Leadership, Telugu One]