జనం కోసమే జీవిస్తున్న జగనన్ననే అనుమానిస్తే ఎలా?

Publish Date:Mar 4, 2015

Advertisement

 

ఏమిటో...ఈ పాడు లోకం ఎప్పుడూ మంచి వాళ్ళనే అనుమానిస్తుంటుంది. నీతి నిజాయితీ, మడమ తిప్పని గుణం, ఇచ్చిన మాట కోసం ఎన్ని లక్షల మందినయినా ఓదార్చే ఓర్పు, నేర్పు అన్నీ ఉన్నా కూడా పాపం జగన్మోహన్ రెడ్డిని జనాలు ఇంకా అనుమానిస్తూనే ఉంటారు. తెలంగాణా ప్రభుత్వం ఆంధ్రాప్రభుత్వంతో చెడుగుడు ఆడేసుకొంటుంటే మధ్యలో దూరడం భావ్యం కాదు కనుక ఆయన దూరంగా కూర్చొని చూస్తుంటే, దానికి జనాలు తప్పు పడతారు. ఆంద్ర ప్రయోజనాలు కాపడవలసింది పోయి ఆంధ్రాలో తెరాస ఏజంటుగా వ్యవహరిస్తున్నావంటూ దెప్పిపొడుస్తుంటారు. ఆంధ్రా ప్రయోజనాలను కాపాడటం లేదని ఆయనని ఆడిపోసుకొన్న వాళ్ళే, ఆయన రాష్ట్రానికి నిధులు విడుదల చేయమని అడిగేందుకు డిల్లీ వెళ్లి హోం మంత్రి రాజ్ నాథ్ సింగ్ ని, ఆర్ధిక మంత్రి అరుణ్ జైట్లీని కలిస్తే అనుమానంగా చూస్తూ ‘సీబీఐ కేసులు మాఫీ చేయించుకోవడానికే వెళ్ళేరేమో...ఏమో ఎవరికీ తెలుసు? అంటూ మళ్ళీ సన్నాయి నొక్కులు నొక్కుతూ ప్రజల కోసమే కేటాయించిన ఆయన సున్నితమయిన మనసుని కుళ్ళబొడిచేసి ఆనందిస్తుంటారు.

 

పోనీ డిల్లీ వెళ్ళకుండా పక్కనే ఉన్న తుళ్ళూరు వెళ్ళినా రాజధాని కట్టనీయకుండా సైంధవుడిలా అడ్డుతగులుతున్నాడు” అని ఆక్షేపిస్తారు జనాలు. కేంద్రం రాష్ట్రానికి ఎందుకు నిధులు ఇవ్వలేదు? ప్రత్యేక హోదా ఎందుకు ఇవ్వలేదు? రైల్వే జోన్ ఎందుకు ఇవ్వలేదు? పోలవరం కోసం, రాజధాని కోసం ఎందుకు నిధులు ఇవ్వడం లేదు? అని రాష్ట్రంలో జనాలు అందరూ గగ్గోలు పెట్టేస్తుంటే ఆంధ్ర ప్రజల కోసం, రాష్ట్ర అభివృద్ధి కోసమే రాజకీయాలలోకి వచ్చిన జగన్మోహన్ రెడ్డి ఒక్కడే కేంద్రాన్ని ఎందుకు ప్రశ్నించలేదంటూ జనాలు ఆయనను ప్రశ్నించడం మరీ అన్యాయం. ఎందుకంటే ఆయన ప్రశ్నించడం కోసం రాజకీయాలలోకి రాలేదు. ఏదోలాగ ముఖ్యమంత్రి అయ్యి రాష్ట్ర ప్రజలను కాపాడేందుకే జగన్ రాజకీయాలలోకి వచ్చిన సంగతి మరిచిపోయి, ఇలా మరొకరు చేయవలసిన పనిని ఆయనని చేయమనడం ఏమి బావుంది? ప్రశించడం కోసం వేరే వ్యక్తి ఒకడు ఉన్నాడు. ఆయనకు అధికారం అక్కరలేదు. అతనిని వదిలిపెట్టి మళ్ళీ రాష్ట్రానికి స్వర్ణ యుగం తీసుకువచ్చేందుకు కంకణం కట్టుకొన్న వ్యక్తిని పట్టుకొని జనాలు ఇలా ప్రశ్నించడం ఏమీ బాలేదు.

 

ఏ రాజకీయ నాయకుడయినా ఏ అంశంపైనైనా స్పందించకుండా సైలెంట్ గా ఉండిపోయాడంటే అది కూడా వ్యూహాత్మకమేనని కొత్త సూత్రం కనుగొన్న తరువాత కూడా ఇలా జనాలు అపార్ధం చేసేసుకోనవసరం లేదు. రాష్ట్రానికి తీరని అన్యాయం జరిగిపోతోందని అందరూ గగ్గోలు పెడుతున్నప్పటికీ జగన్ సైలంట్ గా ఉండిపోతే దానినీ సీబీఐ కేసులకి లింక్ పెట్టేయడమేనా? ఎంత అన్యాయం? అయినా ఇప్పుడు మౌనంగా ఉండిపోయినంత మాత్రాన్న సీబీఐ కేసులు మాఫీ అయిపోతాయా...? అని కూడా ఆలోచించకుండా జనాలు నోటికి వచ్చినట్లు ఏవేవో చెప్పేసుకొంటుంటారు. ఈరోజు కాకపోతే రేపయినా బీజేపీతో జత కట్టేందుకే జగన్ బాబు వ్యూహాత్మకంగా సైలెన్స్ మెయిన్ టెయిన్ చేస్తున్నాడంటూ జనాలు తమ రాజకీయ పరిజ్ఞానం ప్రదర్శించేసుకొంటుంటే పాపం జగన్ మాత్రం ఏమి చేయగలడు?

 

డిల్లీ వెళ్లి కేంద్రమంత్రులను కలిస్తే ఒక తప్పు. కేంద్రాన్ని ప్రశ్నించకపోతే మరో తప్పు అంటే ఇంకా ఎలాగా బ్రతాకాలి? మంచి వాళ్ళకే అన్ని కష్టాలు వస్తాయి. నీతి నిజాయితీని నమ్ముకొన్నవాళ్ళకే ఈ నీలాపనిందలు భరించవలసివస్తుంది. మడమ తిప్పలేని వాళ్ళకే ఆ నొప్పి ఏమిటో తెలుస్తుంది...కానీ జనాలకి ఇవేమీ అర్ధం కావు. కనుక ముఖ్యమంత్రి అయ్యే వరకు మౌనంగా భరించక తప్పదు. కానీ జగనన్న ముఖ్యమంత్రి అయ్యేదెప్పుడు? అనే ప్రశ్నకు ఆయనే జోస్యం చెప్పాలి. ఎందుకంటే అందులో ఆయనకు ఆయనే సాటి.

 

కానీ ఇంతకు ముందు ఎన్నికలలో చెప్పుకొన్న జోస్యాలేవే ఎందుకో ఫలించలేదు. ఎందుకేమిటి...తను నీతి నిజాయితీకి కట్టుబడిపోవడం వలననే ఓడిపోయాడు...లేకపోతేనా...అప్పుడు ఎన్నికల హడావుడిలో ఏవో తప్పు లెక్కలు కట్టుకోవడం వలన జోస్యం ఫలించలేదేమో గానీ ఇప్పుడు మరే పని లేదు కనుక ఈసారి చెపుతున్న జోస్యం ఫలిస్తుందని జగన్ తన చిలక సాక్షిగా చెపుతున్నాడు. కానీ ఇప్పుడు కూడా ప్రజలెన్నుకొన్న ప్రభుత్వం ఎప్పుడు కుప్పకూలిపోతుందో జోస్యం చెప్పగలుగుతున్నాడు గానీ తను ఎప్పుడు ముఖ్యమంత్రి కాబోతున్నాడో, తన భవిష్యత్ ఏవిధంగా ఉండబోతోందో మాత్రం ఖచ్చితంగా చెప్పలేకపోతున్నాడు పాపం.

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.