పెదవుల నలుపును కంప్లీట్ గా తొలగించే భలే చిట్కా..! పెదవులు నల్లగా కావడానికి చాలా కారణాలు ఉన్నాయి.  కొందరికి టాన్ కారణంగా పెదవులు నల్లబడతాయి.  మరికొందరికి పిగ్మెంటేషన్ కారణంగా నల్లగా మారతాయి.  ఇంకొందరికి పెదవుల  విషయంలో సరైన సంరక్షణ తీసుకోకపోవడం వల్ల నల్లగా మారతాయి.  మరికొందరికి నీరు సరిగా తాగకపోవడం వల్ల పెదవుల మీది చర్మం పొడిబారి నల్లగా మారుతుంది. అయితే కారణం ఏదైనా పెదవుల మీద నలుపు రంగును పొగొట్టుకోవడం కోసం చాలా మంది చాలా రకాల టిప్స్ ఫాలో అవుతుంటారు.  ఇంకొందరు పెదవుల రంగు కవర్ చేయడానికి విప్స్టిక్, లిప్ బామ్ వాడతారు. అయితే పెదవుల మీద నలుపును పూర్తీగా తొలగించే చిట్కా ఉంది. అది ఇంట్లోనే తయారు చేసుకున్నఔషద గుణాలు కలిగిన లిప్ బామ్..  దీన్ని వాడితే పెదవుల మీద నలుపు రంగు పోయి పెదవులు గులాబీ రంగులోకి మారతాయి.  దీన్నెలా తయారు చేయాలో తెలుసుకుంటే.. రత్నజోత్.. రత్నజోత్ అనేది ఒక రకమైన మూలిక.  ఇది ఆహారం నుండి ఆరోగ్యం వరకు చాలా విధాలుగా ఉపయోగిస్తారు.  సాధారణంగా దీన్ని రంగు కోసం ఉపయోగిస్తుంటారు. ఇది శరీరంలోని అనేక ఆరోగ్యి సమస్యలకు ఔషదంగా పనిచేస్తుంది.  రత్నజోత్ ఆకులను చూర్ణం చేసి దాని రసాన్ని కొబ్బరి నూనెలో కలిపి ముఖానికి రాసుకుంటే మచ్చలు,  ముఖం మీద మచ్చల తాలుకూ గుర్తులు వంటివి లేకుండా పోతాయి. ఈ మూలికను పెదవుల మీద కూడా అప్లై చేయవచ్చు. దీంతో లిప్ బామ్ ఎలా తయారు చేయాలంటే.. కావలసిన పదార్థాలు.. ఎండిన రత్నజోత్  ఆకులు - 1 టీస్పూన్ స్వచ్చమైన కొబ్బరి నూనె - 2 టీస్పూన్లు నెయ్యి - 1 స్పూన్ లిప్ బామ్ తయారీ.. ముందుగా, ఒక పాన్ తీసుకొని దానిలో సగం నీరు నింపాలి.  ఒక గుడ్డను నీటిలో ముంచి, దానిపై ఒక గిన్నెలో రత్నజోత్  ఆకులు,   కొబ్బరి నూనె వేసి వేడి చేయాలి. ఇలా చేసిన తర్వాత గిన్నెలో ఉంచిన రత్నజోత్  దాని రంగును విడుదల చేస్తుంది.  ఇది స్పష్టంగా కనిపిస్తుంది. రత్నజోత్ విడుదల చేసిన రంగు కారణంగా గిన్నెలో ఉంచిన కొబ్బరినూనె గులాబీ రంగులోకి మారుతుంది. ఇలా రంగు మారినప్పుడు  గ్యాస్ ఆపివేయాలి. ఇప్పుడు ఒక చిన్న కంటైనర్ తీసుకుని అందులో  ఒక చెంచా దేశీ నెయ్యి వేయాలి. దీని తరువాత అందులో  రత్నజోత్  ద్రావణాన్ని నెయ్యితో కలపాలి. అదంతా సెట్ అయ్యేలా కొద్దిసేపు వదిలేయాలి.  ఇది గట్టి పడిన తరువాత పెదవుల నల్లదనాన్ని తగ్గించే హెర్బల్ లిప్ బామ్ నిమిషాల్లో సిద్దమైనట్టే.. ప్రయోజనాలు.. కొబ్బరి నూనె అయినా లేదా నెయ్యి అయినా రెండింటినీ పెదవులపై రాసుకోవడం వల్ల పొడిబారిన,  పగిలిన పెదవుల సమస్య పరిష్కారమవుతుంది. ఇది  పెదవుల నల్లదనాన్ని తగ్గించడంలో సహాయపడుతుంది. పెదవులను  మృదువుగా గులాబీ రంగులోకి మారుస్తుంది.                                        *రూపశ్రీ.

వయసు  ప్రకారం సీరమ్ ఎంచుకోవాలా...అసలు నిజాలు ఇవీ..!     అమ్మాయిలకు చర్మ సంరక్షణ పట్ల ఉన్న ఆసక్తి అంతా ఇంతా కాదు.   చాలామంది అమ్మాయిలు ముఖ చర్మం అందంగా ఉండటానికి  పేస్ సీరమ్ వాడుతుంటారు.  ఇది చర్మాన్ని యవ్వనంగా ఉంచడంతో పాటు చర్మం క్లియర్ కావడంలో సహాయపడుతుంది. అయితే చాలామంది ఫేస్ సీరమ్ వాడుతున్నా సరే చర్మంలో మెరుగుదల లేదని,  చర్మం మరింత పాడవుతోందని అంటుంటారు. అయితే ఫేస్ సీరమ్ ను ఎంచుకోవడానికి ఒక ప్రత్యేక పద్దతి ఉందని.  వయసును బట్టి ఫేస్ సీరమ్ ఎంచుకోవాలని చర్మ సంరక్షణ నిపుణులు అంటున్నారు.  అలా చేయకపోవడం వల్లే చర్మం పాడవుతుందని అంటున్నారు.ఇంతకూ వయసును బట్టి ఫేస్ సీరమ్ ఎలా ఎంపిక చేసుకోవాలి తెలుసుకుంటే..  ఏ వయసులోనైనా..  ఏ వయసులోనైనా ఉపయోగించగల కొన్ని సీరమ్‌లు ఉన్నాయి.  ఈ జాబితాలో సూర్యరశ్మి నుండి రక్షణ కల్పించే విటమిన్ సి,  బ్లాక్ హెడ్స్ కు ఉపయోగపడే సాలిసిలిక్ యాసిడ్ ఉన్నాయి. వీటిని ఉపయోగించడం ద్వారా చర్మాన్ని శుభ్రంగా,  ప్రకాశవంతంగా మార్చుకోవచ్చు. 20 ఏళ్ల మధ్యలో..  20 ఏళ్ల మధ్యలో 23, 24, 25, 26 ఏళ్ల వయస్సు గలవారు ఎంచుకోవలసిన సీరమ్ కు కొన్ని ప్రత్యేకతలు ఉన్నాయి. ఈ వయస్సులో ముఖం నుండి తగ్గడం ప్రారంభం అవుతుంది.  ఈ  కొల్లాజెన్‌ను సరిచేయడానికి  రెటినోల్‌ను ఉపయోగించవచ్చు . మరోవైపు  చర్మపు రంగును సమం చేసుకోవాలనుకుంటే నియాసినమైడ్ సీరం ఉపయోగించడం మంచిది. 26 ఏళ్ల తర్వాత.. 25-26 సంవత్సరాల వయస్సు అంటే  చర్మంపై ఎక్కువ శ్రద్ధ చూపలేని వయస్సు.  పని కారణంగా, మన కళ్ళ కింద నల్లటి వలయాలు,  తేలికపాటి ముడతలు కనిపించడం ప్రారంభిస్తాయి. వయస్సుకు అనుగుణంగా సరైన సీరం ఎంచుకోవడం ద్వారా వృద్ధాప్య సంకేతాలను తగ్గించుకునే సమయం ఇది.  అదే సమస్యను మీరు  ఎదుర్కొంటున్నట్లయితే, 20 ఏళ్ల మధ్యలో ఉన్నవారికి డాక్టర్ సిఫార్సు చేసిన పెప్టైడ్స్ సీరం ఉపయోగించాలి. 30 ఏళ్లు పైబడిన వారికి.. 30 ఏళ్ల తర్వాత చర్మంపై మచ్చలు కనిపించడం ప్రారంభిస్తాయి.  మనం మనల్ని మనం జాగ్రత్తగా చూసుకోకపోతే, మన చర్మం పొడిగా,  నిర్జీవంగా మారడం ప్రారంభమవుతుంది. అందువల్ల, హైలురానిక్,  గ్లైకోలిక్ యాసిడ్ వాడకం ఏ వయసు వారైనా, ముఖ్యంగా  30 ఏళ్లలోపు మహిళలకు కూడా ప్రయోజనకరంగా ఉంటుంది. ఎందుకంటే ఇది మన చర్మాన్ని హైడ్రేట్ చేయడంలో,  హైపర్పిగ్మెంటేషన్ తగ్గించడంలో ప్రయోజనకరంగా ఉంటుంది.                        *రూపశ్రీ

మేకప్ మెరిసిపోవాలంటే.. ఈ టిప్స్ ఫాలో అవ్వాల్సిందే..!   మేకప్ అమ్మాయిలకు ఎంతో ఇష్టమైన వాటిలో ఒకటిగా మారింది.  ఫంక్షన్,  పెళ్లి, పండుగ.. సరదాగా బయటకు వెళ్లడం, ఫ్రెండ్స్ తో ఎక్కడైనా టూర్ కు వెళ్లడం.. ఇలా ఒకటనేమిటి.. ప్రతి సందర్భంలోనూ మేకప్ వేసుకుంటేనే వారికి తృప్తి.  ఎక్కువ మేకప్ అలవాటు లేనివారు కూడా సింపుల్ గా లిప్స్టిక్,  ఫౌండేషన్ మొదలైనవి వేసుకుంటారు.  అయితే మేకప్ వేసుకోవడం పెద్ద సమస్య కాదు.. వేసుకున్న మేకప్ ను ఎక్కువ  సేపు ఉంచుకోవడం, మేకప్ అట్రాక్షన్ గా ఉంచుకోవడంలోనే అసలు సమస్య దాగుంది. మేకప్ వేసుకోవడం చాలామందికి వచ్చు కానీ మరింత ఆకర్షణగా వేసుకోవడం మాత్రం రాదు.  మేకప్ మరింత ఆకర్షణగా వేసుకోవాలి అంటే ఏం చేయాలో తెలుసుకుంటే.. క్లెన్సర్.. మేకప్ మెరుస్తూ ఉండాలంటే చర్మ రకానికి తగినట్టు తేలికపాటి క్లెన్సర్ ఉపయోగించాలి. ఇది మేకప్ బాగా వచ్చేలా చేస్తుంది. మాయిశ్చరైజర్.. చర్మం హైడ్రేట్ గా ఉండాలంటే చర్మానికి తేలికగా మాయిశ్చరైజర్ వేసుకోవాలి.  ఇలా చేయడం వల్ల చర్మం పొడిబారకుండా తేమగా ఉంటుంది. ఫౌండేషన్.. ఫౌండేషన్ ను అప్లై చేయడానికి తడి స్పాంజ్ లేదా బ్రష్ ఉపయోగించాలి. దీని వల్ల ఫౌండేషన్ చర్మంలోకి బాగా కలిసిపోతుంది.  సహజమైన మెరుపును కూడా ఇస్తుంది. అలా చేయకపోతే తెరలు తెరలు లేదా చారలుగా ఫౌండేషన్ ముఖం మీద ఉండిపోతుంది. కన్సీలర్.. కళ్ల కింద ఏవైనా నల్లటి వలయాలు,  లేదా మచ్చలు ఉంటే వాటిని కవర్ చేయడానికి కన్సీలర్ ఉపయోగించాలి. వేళ్లతో లేదా బ్రష్ తో కన్సీలర్ ను అప్లై చేసి బాగా బ్లెండ్ చేయాలి. హైటైటర్.. నిగనిగలాడే మేకప్ లో హైలైటర్ చాలా  ముఖ్యం.  మఖంలో సహజ కాంతి పడే భాగాలలో హైలైటర్ ను అప్లై చేయాలి.  ఇలా చేస్తే చర్మం మెరుస్తుంది. ఎండింగ్.. మేకప్ ముగించే ముందు లిక్విడ్ రూపంలో ఉన్న లేదా క్రీమ్ రూపంలో ఉన్న హైలైటర్ ను ఉపయోగించాలి.  ఇది అయితే బాగా బ్లెండ్ అయ్యి మొత్తం పరుచుకునేలా చేస్తుంది. ఐ షాడో.. ముఖంలో ఆకర్షించేవి కళ్లు.  ఈ కళ్ల ఆకర్షణ మరింత పెంచాలి అంటే మెరుపుతో కూడిన ఐ షాడో ను ఉపయోగించాలి. పెదవులు.. పెదవులు కూడా ఆకర్షణగా మెరుస్తూ ఉండాలంటే లిప్ గ్లాస్ లేదా గ్లాసీ లిప్ స్టిక్ ను ఉపయోగించాలి.                                  *రూపశ్రీ.  

ఈ 5 చిట్కాలు  పాటిస్తే చాలు.. 40 ఏళ్లు దాటినా యవ్వనంగా కనిపిస్తారు..!     యవ్వనంగా కనిపించాలని కోరుకోని వారు ఉండరంటే అతిశయోక్తి లేదు.  మహిళలు ఎప్పుడూ అందంగా తయారవుతారు.  అయితే మేకప్ లు గట్రా లేకుండా సహజంగా అందంగా కనిపించడంలోనే మహిళల క్రెడిట్ దాగి ఉంటుంది.  సాధారణంగా మహిళలకు 40 సంవత్సరాల వయసు అంటే ఒకరో,  ఇద్దరో పిల్లలతో ముఖం మీద ముడతలతో,  తెల్లని జుట్టుతో వయసును బయటకు వ్యక్తం చేస్తూ ఉంటుంది శరీరం. అయితే అలా కాకుండా 40 ఏళ్లు వచ్చినా సంతూర్ మామ్ లాగా కనిపించాలని అనుకుంటారు మహిళలు.  అందుకోసం చాలా  చిట్కాలు కూడా ఫాలో అవుతారు. అయితే ఈ కింద చెప్పుకునే 5 చిట్కాలు ఫాలో అవ్వడం వల్ల 40 ఏళ్ళు దాటినా చర్మం యవ్వనంగా ఉంటుంది.  ఇంతకీ ఈ టిప్స్ ఏంటో తెలుసుకుంటే.. 40 సంవత్సరాల తర్వాత మెడ చర్మం వదులుగా మారి  త్వరగా ముడతలు పడవచ్చు.  వయసు పెరిగే కొద్దీ, కొల్లాజెన్ తగ్గడం వల్ల చర్మం ఎలాస్టిన్ గుణం తగ్గిపోతుంది. ఈ కారణంగా చర్మం ముడతలు పడుతుంది. చర్మం బిగుతుగా ఉండాలంటే ఇలా చేయాలి. గ్లైకోలిక్ లేదా సాలిసిలిక్ యాసిడ్ తో ఎక్స్‌ఫోలియేషన్..  మెడ చర్మాన్ని ఆరోగ్యంగా ఉంచుకోవడానికి, వారానికి రెండుసార్లు గ్లైకోలిక్ లేదా సాలిసిలిక్ యాసిడ్ ఉపయోగించాలి. ఈ ఎక్స్‌ఫోలియేటింగ్ యాసిడ్‌లు చనిపోయిన చర్మ కణాలను తొలగించడానికి, కొత్త కణాలను పునరుత్పత్తి చేయడానికి, ముడతలను తగ్గించడానికి సహాయపడతాయి. రాత్రిపూట వీటిని అప్లై చేయడం వల్ల మంచి ఫలితాలు వస్తాయి. తర్వాత మంచి మాయిశ్చరైజర్‌ను అప్లై చేయడం మర్చిపోకూడదు. రెటినాయిడ్స్.. రెటినాయిడ్స్ ముడతలను తగ్గించడంలో,  కొల్లాజెన్ ఉత్పత్తిని పెంచడంలో సహాయపడతాయి. అవి చర్మాన్ని లోతుగా రిపేర్ చేసి, కణాల పునరుద్ధరణను పెంచుతాయి. చర్మానికి మరింత యవ్వన రూపాన్ని ఇస్తాయి. రాత్రిపూట రెటినాయిడ్స్‌ను పూయాలి,  ఉదయం ఎండలో బయటకు వెళ్ళే ముందు సన్‌స్క్రీన్‌ను ఉపయోగించాలి. ఎందుకంటే రెటినాయిడ్స్  చర్మాన్ని సూర్యకాంతికి మరింత సున్నితంగా చేస్తాయి. హైలురోనిక్ యాసిడ్,  నియాసినమైడ్ మాయిశ్చరైజర్..  చర్మాన్ని ఎక్కువ కాలం పాటు హైడ్రేటెడ్ గా,  మృదువుగా ఉంచడానికి, హైలురానిక్ ఆమ్లం,  నియాసినమైడ్ కలిగిన మాయిశ్చరైజర్లను ఉపయోగించాలి. హైలురానిక్ ఆమ్లం తేమను నిలుపుకోవడంలో సహాయపడుతుంది. అయితే నియాసినమైడ్ చర్మాన్ని బిగుతుగా చేసి ముడతలను తగ్గిస్తుంది. రెండు పదార్థాలు  మెడ చర్మాన్ని  యవ్వనంగా ఉంచడంలో ప్రభావవంతంగా ఉంటాయి. యాంటీఆక్సిడెంట్లు, ఒమేగా-3 అధికంగా ఉండే ఆహారం..  చర్మాన్ని ఆరోగ్యంగా ఉంచడంలో సరైన ఆహారం కీలక పాత్ర పోషిస్తుంది. బెర్రీలు, సిట్రస్ పండ్లు, క్యారెట్లు, పాలకూర,  చిలగడదుంపలు వంటి యాంటీఆక్సిడెంట్లు అధికంగా ఉండే ఆహారాలను  ఆహారంలో చేర్చుకోవాలి. అవిసె గింజలు,  వాల్‌నట్‌లలో లభించే ఒమేగా-3 కొవ్వు ఆమ్లాలు చర్మాన్ని హైడ్రేట్ గా ఉంచడంలో,  మంటను తగ్గించడంలో సహాయపడతాయి. సరైన డైలీ స్కిన్ కేర్ రొటీన్.. మెడ చర్మాన్ని యవ్వనంగా ఉంచుకోవడానికి డైలీ స్కిన్ కేర్ న ఫాలో అవ్వాలి. ఉదయం తేలికపాటి క్లెన్సర్‌తో  ముఖం,  మెడను శుభ్రం చేసుకోవాలి. విటమిన్ సి సీరం లేదా నియాసినమైడ్ ఉన్న మాయిశ్చరైజర్‌ను అప్లై చేయాలి. ఆ తర్వాత SPF 50 సన్‌స్క్రీన్‌ను అప్లై చేయాలి. సాయంత్రం పూట ముఖాన్ని మళ్ళీ తేలికపాటి క్లెన్సర్‌తో శుభ్రం చేసుకోవాలి. వారానికి రెండుసార్లు గ్లైకోలిక్ యాసిడ్ రాయాలి. ప్రతి రాత్రి రెటినోయిడ్ వాడాలి. ప్రతి రాత్రి  చర్మ సంరక్షణ దినచర్యను హైలురానిక్ యాసిడ్ కలిగిన మాయిశ్చరైజర్‌తో పూర్తి చేయాలి.  మెడ చర్మం,  ముఖ చర్మం లాగా సున్నితమైనది.  దానిని జాగ్రత్తగా చూసుకోవడం కూడా అంతే ముఖ్యం. సరైన చర్మ సంరక్షణ,  ఆరోగ్యకరమైన జీవనశైలితో  ముడతలు,  వదులుగా ఉండే చర్మాన్ని నివారించవచ్చు. క్రమం తప్పకుండా జాగ్రత్త తీసుకుంటే   చాలా కాలం పాటు అందంగా మరియు యవ్వనంగా ఉండవచ్చు.                                                 *రూపశ్రీ.

బంగాళదుంప రసం చర్మానికి రాస్తే జరిగేదేంటి...     బంగాళాదుంపలను సాధారణంగా ప్రతి ఇంట్లో ఉపయోగిస్తారు. పిల్లల నుండి వృద్ధుల వరకు అందరూ దీనితో చేసే కూరను  ఎంతో ఇష్టంగా తింటారు. ఇది సాధారణ శాకాహారంగా ఎలాంటి మసాలాలు లేకుండా వండినా రుచిగా ఉంటుంది.  మసాలాతో కలిపి వండితే రుచి ఇనుమడిస్తుంది.  దీన్ని స్నాక్స్ గా చేస్తే భలే బావుంటుంది.  ఇక నాన్ వేజ్ ను పోలి ఘుమఘుమలాడించినా అదరగొట్టేస్తుంది.  అయితే బంగాళదుంపలు కేవలం రుచికే కాదండోయ్ చర్మ సంరక్షణలో కూడా చాలా బాగా పనిచేస్తాయి.   చర్మ సమస్యలను దూరం చేయడంలో కూడా సహాయపడతాయి. బంగాళదుంప రసాన్ని చర్మానికి రాయడం వల్ల జరిగేదేంటో తెలుసుకుంటే.. బంగాళాదుంపలో ఫైబర్, పొటాషియం, విటమిన్ సి,  విటమిన్ బి6 వంటి అనేక లక్షణాలు ఉంటాయి.  ఇవి చర్మ సంబంధిత సమస్యలను తొలగించడంలో సహాయపడతాయి. బంగాళాదుంప రసం వల్ల కలిగే చర్మ ప్రయోజనాలను తెలుసుకుంటే.. మచ్చల కోసం.. బంగాళాదుంప రసం ముఖ మచ్చలను తగ్గించడంలో ఉపయోగకరంగా పరిగణించబడుతుంది. మచ్చలేని,  మెరిసే చర్మాన్ని పొందడానికి  దీన్ని ఉపయోగించవచ్చు. దీని కోసం బంగాళాదుంపను తురుమి దాని రసాన్ని తీయాలి. తర్వాత మచ్చలు ఉన్న ప్రదేశంలో అప్లై చేయాలి. 15 నిమిషాల తరువాత ముఖం కడుక్కోవాలి. నల్లటి వలయాలు.. కళ్ళ కింద బంగాళాదుంప రసం లేదా బంగాళాదుంప ముక్కలను పూయడం వల్ల నల్లటి వలయాల సమస్య తగ్గుతుంది. ఇది వాపును తగ్గించడంలో కూడా ఉపయోగకరంగా పరిగణించబడుతుంది. మెరిసే చర్మం.. బంగాళాదుంప రసం చర్మానికి సహజమైన మెరుపును ఇవ్వడంలో ఉపయోగకరంగా పరిగణించబడుతుంది. దీన్ని ఉపయోగించడం వల్ల ముఖం మీద వేరే మెరుపు కనిపిస్తుంది.   మెరిసే చర్మాన్ని పొందాలనుకుంటే బంగాళాదుంపను పేస్ట్ చేసి ఫేస్ ప్యాక్ లేదా బంగాళాదుంప రసాన్ని ఉపయోగించవచ్చు. సన్ బర్న్.. బంగాళాదుంప రసం కూడా సన్ బర్న్ సమస్య నుండి బయటపడటానికి సహాయపడుతుంది. ఇది ఎండ కారణంగా దెబ్బతిన్న చర్మాన్ని బాగు చేస్తుంది. ముడతలు.. బంగాళాదుంపలలో ఉండే యాంటీఆక్సిడెంట్లు చర్మాన్ని ఫ్రీ రాడికల్స్ వల్ల కలిగే నష్టం నుండి రక్షిస్తాయి. ముడతల సమస్య నుండి ఉపశమనం కలిగిస్తాయి. మొటిమలు..  మొటిమల సమస్యతో బాధపడుతుంటే బంగాళాదుంప రసం  ప్రయోజనకరంగా ఉంటుంది. బంగాళాదుంప రసాన్ని ఉపయోగించడం ద్వారా  మొటిమల సమస్య నుండి సులభంగా బయటపడవచ్చు.                                         *రూపశ్రీ.

రైస్ పేపర్ ఫేస్ మాస్క్.. మ్యాజిక్ చేసే ఈ మాస్క్ గురించి విన్నారా? షీట్ మాస్క్‌లు ప్రపంచానికి పరిచయం అయినప్పటి నుండి చాలా ట్రెండ్ అవుతూనే ఉన్నాయి. షీట్ మాస్క్ లలో చాలా రకాలు ఉంటాయి. ప్రూట్స్ కాంబినేషన్ లో ఉన్న షీట్ మాస్క్ లు ముఖానికి తాజా మెరుపును,  కాంతిని ఇస్తాయి.  ఇకపోతే చాలామందికి బియ్యం అనేది ఆహార పదార్థం.  బియ్యం కడగగా లేదా బియ్యం ఉడికించగా అందులో మిగిలే నీటిని నిరభ్యరంతంగా సింకులో పోసేస్తుంటారు.  అయితే ఇది పొరపాటని చర్మ సంరక్షణ నిపుణులు చెబుతున్నారు.   బలమైన జుట్టుకు, ఆరోగ్యకరమైన చర్మానికి ఈ రైస్ వాటర్ లేదా బియ్యం ఉడికించిన నీటిని ఉపయోగించవచ్చు.  పెద్దగా ఖర్చు లేకుండానే  సన్నని బియ్యం కాగితపు షీట్లతో తయారు చేసిన మాస్క్ లను ఉపయోగించవచ్చు.  ఈ మాస్క్ చర్మాన్ని హైడ్రేట్ చేయడానికి, చర్మ కాంతిని  మెరుగుపరచడానికి సహాయపడుతుంది.  దీన్ని షాప్స్ లో అయినా  కొనుగోలు చేసి నేరుగా ఉపయోగించవచ్చు లేదా ఇంట్లో అయినా తయారు చేసుకోవచ్చు.  దీని గురించి వివరంగా తెలుసుకుంటే.. బియ్యం షీట్ ఫేస్ మాస్క్.. ఇది బియ్యంతో సన్నని షీట్లుగా  తయారు చేయబడిన ఒక రకమైన బ్యూటీ ట్రీట్మెంట్. ఇది చర్మానికి పోషకాలను  అందించడానికి సహాయపడుతుంది.  ఈ మాస్క్ సాధారణంగా హైడ్రేటింగ్ సీరమ్‌లు, విటమిన్లు, ఖనిజాలు,  యాంటీఆక్సిడెంట్లు వంటి వివిధ పోషక పదార్థాలతో నింపబడి ఉంటుంది. రైస్ పేపర్స్ అని మార్కెట్లో దొరుకుతాయి.  వాటిని కొనుగోలు చేసి అయినా వాడచ్చు. లేదంటే టిష్యూ పేపర్స్ ఉంటాయి.  వాటిని షీచ్ మాస్క్ షేప్ లో కట్ చేసి అన్నం ఉడికించిన చిక్కటి ద్రవంలో ఈ షీట్ ను నాన బెట్టి ఆ తరువాత జాగ్రత్తగా ముఖం మీద మాస్క్ లాగా వేసుకోవాలి.  ఈ షీట్ మాస్క్ చాలా ప్రయోజనాలను అందిస్తుంది. చర్మాన్ని హైడ్రేట్ చేస్తుంది.. ఈ షీట్ మాస్క్ చాలా మాయిశ్చరైజింగ్ గా ఉంటుంది. ఇది హైడ్రేటింగ్ సీరమ్స్ ఏజెంట్స్ ను కలిగి ఉంటుంది.  కాబట్టి ఇది చర్మం  పొడిబారకుండా నిరోధించి,  చర్మానికి  పోషణ ఇస్తుంది.  "ఇది ముఖ్యంగా పొడి చర్మం ఉన్నవారికి , అదనపు హైడ్రేషన్ అవసరమయ్యే వారికి ప్రయోజనకరంగా ఉంటుంది.  చర్మాన్ని కాంతివంతం చేస్తుంది.. బియ్యం కాగితం ఫేస్ మాస్క్‌లో సాధారణంగా విటమిన్ సి, బియ్యం సారం,  నియాసినమైడ్ వంటి పదార్థాలు ఉంటాయి. ఇవన్నీ చర్మాన్ని ప్రకాశవంతం చేస్తాయి. ఈ పదార్థాలు నల్ల మచ్చలు,  హైపర్‌పిగ్మెంటేషన్‌ను తగ్గించడంలో పనిచేస్తాయి.  విటమిన్ సి చర్మంలో వర్ణద్రవ్యం ఉత్పత్తిని నిరోధించడం ద్వారా నల్ల మచ్చలను తగ్గిస్తుంది. సన్ బర్న్ నుండి ఉపశమనం.. ముఖ్యంగా  సన్‌స్క్రీన్ ఉపయోగించకుండా బయటకు వస్తే ఎక్కువసేపు ఎండలో ఉండటం వల్ల చర్మం కందిపోతుంది. బియ్యం ఉత్పత్తులను ఉపయోగించడం వల్ల సూర్యుడి నుండి చర్మ నష్టాన్ని మెరుగుపరచడంలో సహాయపడుతుంది. రైస్ పేపర్‌తో తయారు చేసిన ఫేస్ మాస్క్‌లో చర్మానికి ఓదార్ఫు ఇచ్చే  లక్షణాలు ఉంటాయి. అవి సన్ బర్న్ ను  ఎదుర్కోవడంలో సహాయపడతాయి.  చర్మ ఆకృతి.. ఈ రకమైన ఫేస్ మాస్క్ చర్మ ఆకృతిని మెరుగుపరచడంలో సహాయపడుతుంది. ఎందుకంటే ఇది సున్నితమైన ఎక్స్‌ఫోలియేషన్‌కు సహాయపడుతుంది. ఇది చర్మంపై ఉన్న కఠినమైన మచ్చలను సున్నితంగా చేయడానికి సహాయపడుతుంది. ఇది చర్మ పునరుత్పత్తిని కూడా ప్రోత్సహిస్తుంది. ఇది కాలక్రమేణా చర్మ ఉపరితలం మృదువుగా అనిపించేలా చేస్తుంది. వృద్ధాప్యానికి చెక్ పెడుతుంది. రైస్ పేపర్ ఫేస్ మాస్క్ తరచుగా కొల్లాజెన్,  హైలురోనిక్ యాసిడ్ వంటి పదార్థాలతో నింపబడి ఉంటుంది, ఇవి యాంటీ ఏజింగ్ లక్షణాలకు ప్రసిద్ధి చెందాయి. ఈ పదార్థాలు చర్మ స్థితిస్థాపకతను మెరుగుపరచడం,   చర్మానికి లోతుగా తేమను  అందించడం ద్వారా చక్కటి గీతలు,  ముడతలను  తగ్గించడంలో సహాయపడతాయి.  సున్నితమైన చర్మానికి.. రైస్ షీట్ మాస్క్  మృదువైనది  రాపిడి లేకుండా ఉంటుంది. కాబట్టి సున్నితమైన చర్మం ఉన్నవారికి ఇది ఒక గొప్ప ఎంపిక. బియ్యం నుండి తీసుకోబడిన చర్మ సంరక్షణ ఉత్పత్తులు సురక్షితమైనవి.  చికాకు కలిగించవు. కఠినమైన ఫేస్ మాస్క్‌ల మాదిరిగా కాకుండా, బియ్యం కాగితం ఫేస్ మాస్క్ చర్మానికి సున్నితంగా అంటుకుంటుంది. చికాకు లేదా అసౌకర్యాన్ని కలిగించదు.                                    *రూపశ్రీ.

జుట్టు పెరుగుదల కోసం రోజ్మేరీ ఆయిల్ వాడుతున్నారా...ఈ ప్రమాదం ఉందని తెలుసా!   ఆరోగ్యకరమైన జుట్టు కోసం అమ్మాయిలు చాలా ఇంపార్టెన్స్ ఇస్తారు.  అంతేనా బోలెజు జుట్టు పెరుగుదల ఉత్పత్తులు ఉపయోగిస్తారు.  జుట్టు ఆరోగ్యం విషయానికి వస్తే కొబ్బరి నూనె, ఉల్లిపాయ నూనె,  బాదం నూనె వంటివి చాలా బాగా పనిచేస్తాయి. కానీ ఈ మధ్యకాలంలో జుట్టు పెరుగుదల విషయంలో   రోజ్మేరీ బాగా పాపులర్ అయ్యింది. చాలా మంది జుట్టు పెరుగుదల కోసం రోజ్మేరీ నూనెను ఉపయోగించమని రికమెండ్ చేస్తున్నారు కూడా. అయితే ఇది  కేవలం సోషల్ మీడియా ట్రెండ్ అయితే కాదు..  ఎందుకంటే రోజ్మేరి చాలా ఏళ్ల నుండే జుట్టు పెరుగుదలలో, జుట్టు సంరక్షణలో ఉపయోగించబడుతోంది.  అయితే రోజ్మేరీ వల్ల జుట్టు పెరుగుదల అని చెప్పడమే కాకుండా.. జుట్టు రాలిపోయే ప్రమాదం కూడా ఉంది.  ఇది నిజమేనా అని చాలా మంది షాకవ్వచ్చు. కానీ ఇది నిజమే.. రోజ్మేరీ జుట్టు పెరుగుదలకు ఎలా సహాయపడుతుందో? ఇదే రోజ్మేరీ జుట్టు రాలిపోవడానికి కూడా ఎలా కారణం అవుతుందో తెలుసుకుంటే.. రోజ్మేరీ ప్రయోజనాలు.. జుట్టు పెరుగుదల.. రోజ్మేరీ నూనె తలకు రక్త ప్రసరణను మెరుగుపరచడం ద్వారా జుట్టు పెరుగుదలను ప్రోత్సహిస్తుంది . ఇది జుట్టు కుదుళ్లకు పోషణ ఇస్తుంది.  ఆరు నెలలు రోజ్‌మేరీ నూనెను ఉపయోగిస్తుంటే జుట్టు పెరుగుదల చాలా ఆశాజనకంగా ఉంటుంది.   చుండ్రును తగ్గిస్తుంది : రోజ్మేరీ  నూనెలో  యాంటీమైక్రోబయల్ లక్షణాలు ఉంటాయి.  ఇవి చుండ్రును ఎదుర్కోవడానికి సహాయపడతాయి. రోజ్మేరీలో రోస్మరినిక్ ఆమ్లం, కార్నోసిక్ ఆమ్లం,  కార్నోసోల్ ఉన్నాయి, ఇవి యాంటీమైక్రోబయల్ యాంటీ ఇన్ఫ్లమేటరీ, యాంటీఆక్సిడెంట్ ప్రభావాలను కలిగి ఉంటాయి.   రోజ్మేరీలో ఉండే యాంటీ ఇన్ఫ్లమేటరీ లక్షణాలు దురద లేదా చికాకు కలిగించే నెత్తిమీద చర్మాన్ని ట్రీట్ చేస్తాయి. కాలక్రమేణా పొరలుగా మారడాన్ని తగ్గిస్తాయి. రోజ్మేరీ ఆయిల్ జుట్టు రాలడానికి కారణమవుతుందా? రోజ్మేరీ నూనె జుట్టు పెరుగుదలకు బాగా సహాయపడినప్పటికీ ఇది జుట్టు రాలడానికి కారణం అవుతుందని కొందరు అంటున్నారు.  దానికి ఈ కింది విషయాలు కారణం కావచ్చు. పలుచన .. రోజ్మేరీ నూనె చాలా గాఢంగా ఉంటుంది. క్యారియర్ ఆయిల్‌తో కలపకుండా నేరుగా తలకు పూయడం వల్ల చికాకు కలుగుతుంది. ఇది చర్మం ఎర్రబడటం, దురద,  వాపుకు దారితీస్తుంది. దెబ్బతిన్న తల చర్మం జుట్టు కుదుళ్లను బలహీనపరుస్తుంది. ఇది జుట్టు రాలడానికి దారితీస్తుంది. అధిక వినియోగం.. రోజ్మేరీ నూనె జుట్టు రాలడానికి  దాన్ని అతిగా వాడటం కూడా కారణం కావచ్చు. దీన్ని తరచుగా రోజువారీగా లేదా అధిక మొత్తంలో ఉపయోగించడం వల్ల నెత్తిమీద నూనె పేరుకుపోతుంది. ఇది జుట్టు కుదుళ్లు మూసుకుపోవడానికి, సహజ నూనె ఉత్పత్తికి అంతరాయం కలిగిస్తుంది.  దీని వల్ల తలలో అధిక జిడ్డును ఏర్పడుతుంది. ఈ రెండూ జుట్టు బలహీనపడటానికి,  జుట్టు రాలడానికి దోహదం చేస్తాయి.  అలెర్జీ.. కొంతమందికి రోజ్మేరీ నూనె అప్లై చేసిన తర్వాత అలెర్జీ రియాక్షన్స్  ఉండవచ్చు. అలెర్జీ రియాక్షన్స్   లక్షణాలలో దురద ఒకటి. ఇది  పదేపదే తలలో గోకడానికి కారణమవుతుంది.  తలపై తరచుగా గోకడం వల్ల  జుట్టు కుదుళ్లు దెబ్బతింటాయి. ఇది  జుట్టు సహజంగా పెరగడానికి  ఆటంకం కలిగిస్తుంది.  జుట్టు రాలడానికి దారితీస్తుంది. బలహీనమైన జుట్టు.. రోజ్మేరీ నూనె జుట్టు రాలడానికి కారణమవుతుంటే దానికి మూలకారణం రోజ్మేరీని కొత్తగా వాడటం మొదలుపెట్టడమ. ఈ నూనె వాడటం ప్రారంభిచిన కొత్తలో కొంతమందికి జుట్టు రాలడం పెరుగుతుంది . దీనికి కారణం రక్త ప్రసరణ మెరుగుపడి కొత్త, ఆరోగ్యకరమైన జుట్టు పెరగడం ప్రారంభించినప్పుడు  బలహీనమైన జుట్టు రాలిపోవచ్చు. ఇలా జుట్టు రాలడాన్ని నూనె సైడ్ ఎఫెక్ట్ గా భావించకూడదు.  ఈ సమస్య కొన్ని వారాలలోనే సాల్వ్ అయిపోతుంది. తల చర్మ ఆరోగ్యం..  సెబోర్హెయిక్ డెర్మటైటిస్, సోరియాసిస్ లేదా ఫంగల్ ఇన్ఫెక్షన్లు వంటి  సమస్లుయ ఉంటే రోజ్మేరీ ఆయిల్ సమర్థవంతంగా పనిచేయకపోవచ్చు. ఇది ఈ నెత్తిమీద సమస్యల లక్షణాలను మరింత తీవ్రతరం చేస్తుంది. జుట్టు రాలడానికి కూడా దారితీయవచ్చు. ఇలాంటి చర్మవ్యాధి సమస్యలు ఉన్నవారు  రోజ్మేరీ ఆయిల్‌తో సహా ఏదైనా ముఖ్యమైన నూనెను ఉపయోగించే ముందు చర్మవ్యాధి నిపుణుడిని సంప్రదించడం చాలా ముఖ్యం.                                              *రూపశ్రీ.

కుంకుడు కాయలు ఇలా వాడితే చాలు.. తెల్ల జుట్టు పరార్..!   తెల్లజుట్టు చాలామందిని వేధిస్తున్న సమస్య.  చిన్న పిల్లల నుండి పెద్దల వరకు ప్రతి ఒక్కరూ తెల్ల జుట్టు సమస్యతో ఇబ్బంది పడుతున్నారు. నేటికాలంలో చెడు జీవనశైలి కారణంగా, అనేక రకాల జుట్టు సంబంధిత సమస్యలు వస్తున్నాయి. జుట్టు సంరక్షణ కోసం  అన్ని రకాల బ్యూటీ ఉత్పత్తులను ఉపయోగిస్తున్నారు. కానీ ఈ ఉత్పత్తులు జుట్టుకు హాని కలిగిస్తాయి. జుట్టు నెరవడానికి,  రాలడానికి అతిపెద్ద కారణం చెడు జీవనశైలి. అయితే  జుట్టు సంరక్షణ కోసం కుంకుడు కాయలను  ఉపయోగించవచ్చు. కుంకుడు కాయలు ఉపయోగించడం వల్ల జుట్టు సమస్యలు తగ్గించుకోవడమే కాదు.. తెల్లజుట్టు కూడా నివారించుకోవచ్చట.  అది ఎలాగో తెలుసుకుంటే.. కుంకుడుకాయ  జుట్టుకు చాలా ఆరగ్యవంతమైనది. దీనిని షాంపూ స్థానంలో ఉపయోగించవచ్చు. దీనిని ఉపయోగించడానికి కుంకుడు కాయలను పగలగొట్టి  రాత్రంతా వేడి నీటిలో నానబెట్టండి. తరువాత ఉదయం దానిని గుజ్జు చేసి, ఆపై ఫిల్టర్ చేయాలి. ఈ నీటిని తల స్నానం కోసం  వాడాలి. కేవలం ఇలా కుంకుడు కాయను నీటిలో నానబెట్టి వాడటమే కాదు.  కుంకుడు కాయలను బాగా ఎండబెట్టి తరువాత పగలకొట్టి అందులో విత్తనాలు తీసేయాలి.  తరువాత ఆ కుంకుడు కాయలను బాగా గ్రైండ్ చేయాలి.  ఇలా చేస్తే పొడి తయారవుతుంది.  తల స్నానానికి కనీసం అరగంట ముందు ఈ పొడిని వేడి నీటిలో వేసి ఉంచితే చాలు చాలా బాగా నురుగు  వస్తుంది.  దీంతో తల స్నానం చేయవచ్చు.  కుంకుడు కాయలు వాడటం వల్ల కలిగే ప్రయజనాలు ఏంటంటే.. జుట్టును బలంగా మారుస్తుంది.. కుంకుడు కాయ నీరు జుట్టు కుదుళ్లను బలోపేతం చేస్తుంది. తద్వారా జుట్టు రాలడం తగ్గుతుంది. ఇది జుట్టును మందంగా,  బలంగా మార్చడంలో సహాయపడుతుంది. చుండ్రును వదిలించుకోవచ్చు.. కుంకుడు కాయ నీటిలో యాంటీ బాక్టీరియల్,  యాంటీ ఫంగల్ లక్షణాలు ఉన్నాయి. ఇవి చుండ్రు,  ఇతర జుట్టు సంబంధిత సమస్యలతో పోరాడటానికి సహాయపడతాయి. దీని వాడకంతో దురద సమస్య కూడా తగ్గుతుంది. నిస్తేజమైన జుట్టు కోసం.. కుంకుడు కాయ నీరు  నిర్జీవంగా ఉన్న జుట్టుకు జీవం పోస్తుంది. ముందుగా ఇది జుట్టు పొడిబారడాన్ని తగ్గిస్తుంది. తరువాత  జుట్టు ఆకృతిని సరిచేసి దానికి జీవం పోస్తుంది.  జుట్టును నల్లగా చేసుకోండి. జుట్టును సహజంగా నల్లగా మార్చడానికి కుంకుడు కాయను పురాతన కాలం నుండి ఉపయోగిస్తున్నారు. ఇది తెల్ల జుట్టును నల్లగా చేయడంలో సహాయపడుతుంది.                           *రూపశ్రీ.  

ఎండ వల్ల చర్మం కందిపోయిందా...ఇలా చేయండి..!   ఉదయం 10 గంటల సమయంలో ఇంట్లో నుండి బయటకు వెళితే చాలు.. ఎండ మిట్టమధ్యాహ్నం కాస్తున్నట్టు ఉంటుంది.  సూర్యుడి కిరణాలు మండుతున్న అగ్నిగోళంలా శరీరాన్ని తాకుతాయి.  చాలా వరకు సున్నితమైన చర్మం ఉన్నవారు సూర్యుడి వేడి కిరణాల వల్ల చాలా ఇబ్బంది పడతారు.  చర్మం ఎండ వేడికి కందిపోయి ఎర్రబడుతుంది.  ఈ సమస్య నుండి బయట పడటానికి చాలా మంది వివిధ చిచ్కాలు ఫాలో అవుతుంటారు. అయితే ఎండ వేడికి కందిపోయిన చర్మానికి ట్రీట్మెంట్ ఇవ్వాలంటే ఈ కింద చిట్కాలు పాటించాలి. కలబంద జెల్.. కలబంద చర్మానికి సహజమైన మాయిశ్చరైజర్,  చర్మానికి ఊరట ఇస్తుంది. ఎండలో కందిపోయిన ప్రదేశంలో తాజా కలబంద జెల్‌ను పూయడం వల్ల చికాకు తగ్గుతుంది,  చర్మం చల్లబడుతుంది. దీన్ని రోజుకు 2-3 సార్లు అప్లై చేయాలి. దీని వల్ల చర్మం చల్లగా మారడమే కాకుండా చర్మం మీద టాన్ కూడా నెమ్మదిగా తగ్గడం ప్రారంభమవుతుంది. చల్లని పాలు.. చల్లటి పాలలో ఒక గుడ్డను నానబెట్టి ఎండలో కందిపోయిన ప్రదేశంలో ఉంచాలి. ఇలా చేయడం వల్ల కూడా ప్రయోజనం ఉంటుంది. నిజానికి పాలలో ఉండే లాక్టిక్ ఆమ్లం చర్మపు చికాకును తగ్గించడంలో సహాయపడుతుంది.  సరిపడినన్ని పాలు లేకపోతే పాలలో కాస్త నీరు లేదా రోజ్ వాటర్ వంటివి మిక్స్ చేసుకోవచ్చు. పెరుగు, పసుపు ప్యాక్.. పెరుగులో పసుపు కలిపి చర్మానికి అప్లై చేయాలి. ఈ పెరుగు,  పసుపు ప్యాక్ వేసుకోవడం వల్ల చర్మం చల్లబడుతుంది. పసుపు వాపును,  ఎరుపును తగ్గించే  లక్షణాలను కలిగి ఉంటుంది. పెరుగు చర్మానికి మాయిశ్చరైజర్ లా మృదుత్వాన్ని ఇస్తుంది. దోసకాయ రసం.. దోసకాయ చర్మానికి చాలా మేలు చేస్తుంది. వడదెబ్బ నుండి బయటపడటానికి, దోసకాయను పలుచని ముక్కలుగా కోసి, ఎండలో కందిపోయిన ప్రదేశంలో ఉంచాలి.  లేదంటే దసకాయ  రసాన్ని తీసి చర్మంపై పూత లాగా పూయవచ్చు. ఇలా చేయడం వల్ల చర్మం చల్లగా ఉంటుంది. కొబ్బరినూనె.. కొబ్బరి నూనె చర్మాన్ని తేమగా ఉంచి మృదువుగా చేయడానికి సహాయపడుతుంది. ఎండలో కందిపోయిన ప్రదేశంలో కొబ్బరి నూనెను తేలికగా రాయాలి.  ఇది చర్మం  తేమను కాపాడుతుంది,  చికాకును తగ్గిస్తుంది. దీనితో పాటు సన్‌బర్న్ లేదా టాన్‌ను తొలగించడానికి బేకింగ్ సోడా, ఓట్ మీల్,  గ్రీన్ టీని కూడా ఉపయోగించవచ్చు.                                   *రూపశ్రీ.

టానింగ్ తొలగించే సూపర్ సోప్.. ఇంట్లోనే ఇలా చేస్కోండి..!   వేసవి కాలం వచ్చిందంటే చాలు అమ్మాయిలు టానింగ్ గురించి ఆందోళన చెందుతారు. మండే ఎండలు చర్మాన్ని చాలా దెబ్బతీస్తాయి. దీని కారణంగా టానింగ్,  వడదెబ్బ వంటి సమస్యలు మొదలవుతాయి. టానింగ్ వల్ల చర్మం రంగు నల్లగా మారుతుంది. దీన్ని తొలగించుకోవడానికి,  టానింగ్ సమస్య నుండి బయటపడటానికి చాలా చిట్కాలు,  మార్కెట్ ఉత్పత్తులు వాడతారు.  కానీ కొన్ని ఇంట్లోనే ఉన్న పదార్థాల సహాయంతో ఇంట్లోనే సబ్బును తయారు చేసుకుని టానింగ్ సమస్య నుండి బయటపడవచ్చు.   టానింగ్ సమస్య నుండి బయటపడటానికి ఇంట్లో సబ్బును ఎలా తయారు చేయాలో తెలుసుకుంటే.. టానింగ్ సోప్ తయారీకి అవసరమైన పదార్థాలు.. గ్లిజరిన్ సబ్బు బేస్ - 1 కప్పు నిమ్మరసం - 2 టీస్పూన్లు పసుపు పొడి - 1 టీస్పూన్ అలోవెరా జెల్ - 2 టీస్పూన్లు పచ్చి పాలు - 3 టీస్పూన్లు గంధపు పొడి - 1 టీస్పూన్ రోజ్ వాటర్ - 1 టీస్పూన్ బాదం లేదా కొబ్బరి నూనె - 1 టీస్పూన్ నారింజ తొక్కల పొడి - 1 టీస్పూన్ సబ్బును ఎలా తయారు చేయాలంటే.. సబ్బు తయారు చేయడానికి ముందుగా గ్లిజరిన్ సబ్బు బేస్‌ను చిన్న ముక్కలుగా కట్ చేసుకోవాలి. తర్వాత దాన్ని కరిగించాలి. సోప్ బేస్ కరిగించడానికి డబుల్ బాయిల్ పద్దతి ఉపయోగించాలి.  అంటే ఒక గిన్నెలో నీళ్లు పోసి నీళ్లు మరిగాక అందులో మరొక ఖాళీ గిన్నె పెట్టి అందులో సోప్ బేస్ వేసి ఆ వేడి మీద కరిగించాలి.  అది కరిగిన తర్వాత దానికి నిమ్మరసం, పసుపు, కలబంద జెల్, పాలు, గంధపు పొడి, రోజ్ వాటర్, కొబ్బరి నూనె,  నారింజ తొక్కల పొడి మొదలైనవి ఒకదాని తర్వాత ఒకటి వేసి బాగా కలపాలి.  ఇప్పుడు దానిని సిలికాన్ మౌల్డ్ లేదా ప్లాస్టిక్ అచ్చులో పోయాలి. స్టీల్ గిన్నెలలో అయినా వేసుకోవచ్చు.  తరువాత 5 గంటలు అలాగే ఉంచండి. సబ్బు పూర్తిగా చల్లారిన తర్వాత, దానిని బయటకు తీయాలి. ఇది అచ్చం మార్కెట్లో కొన్న సోప్ లాగే కనిపిస్తుంది.  ఇందులో ఉపయోగించినవి అన్నీ సహజమైన పదార్థాలే.. పైగా చర్మానికి ఎంతో మేలు చేసేవి. కాబట్టి ఈ సోప్ ఉపయోగించడం వల్ల టానింగ్ సమస్య తొలగిపోయి ముఖంపై సహజమైన మెరుపు కనిపిస్తుంది. ఈ సోప్ ను రెగ్యులర్ గా వాడుతూ ఉంటే చర్మం ఎంతో మృదువుగా, కాంతివంతంగా మారుతుంది.                               *రూపశ్రీ.

 ముఖాన్ని యవ్వనంగా,  ప్రకాశవంతంగా ఉంచే సీరమ్ ఇది..!   ప్రతి అమ్మాయి తన ముఖ చర్మం ప్రకాశవంతంగా,  యవ్వనంగా ఉండాలని కోరుకుంటుంది.  దీని కారణంగానే మార్కెట్లో బోలెడు రకాల ఫేస్ క్రీములు,  స్ప్రేలు, ఫేస్ ప్యాక్ లు, సీరమ్ లు అందుబాటులో ఉంటున్నాయి. అయితే ఇవన్నీ రసాయనాలతో కూడినవి కావడం వల్ల ఇవి వాడితే కలిగే ఫలితాలు తాత్కాలికంగా ఉంటే.  వీటిని మానేసినప్పుడు ముఖ చర్మం మునుపటికంటే దారుణంగా ఉంటుంది.  కానీ ముఖ చర్మాన్ని ఇంటి పట్టునే ఆరోగ్యంగా,  యవ్వనంగా, కాంతివంతంగా మార్చే సీరమ్ ఉంది. దీన్ని స్వయానా చర్మ సంరక్ష నిపుణులే రికమెండ్ చేస్తన్నారు.  ఈ సీరమ్ ఏంటో.. దీన్నెలా తయారు చేయాలో తెలుసుకుంటే.. కావలసిన పదార్థాలు.. కొబ్బరినూనె అలోవెరా జెల్ పసుపు విటమిన్-ఇ క్యాప్సూల్ తయారీ విధానం.. పైన చెప్పుకున్న పదార్థాలను అన్నింటిని ఒక చిన్న కంటైనర్ లో వేసి బాగా మిక్స్ చేయాలి.  దీన్ని ప్రతిరోజూ ముఖానికి పట్టించి 2 నుండి 3 నిమిషాలు ముఖానికి మసాజ్ చేయాలి. ఇలా చేస్తుంటే ముఖం కోల్పోయిన కాంతిని తిరిగి పొందుతుంది. ఇది ముఖంపై మచ్చలు తగ్గించడంలో కూడా సహాయపడుతుంది.  మార్కెట్లో దొరికే రసాయనాలతో నిండిన సీరమ్ లకు బదులు దీన్ని వాడితే చర్మానికి ఎలాంటి హాని ఉండదు.  ఇది మాత్రమే కాకుండా ఇంటి పట్టున తయారుచేసుకోగలిగిన మరొక ఫేస్ సీరమ్ కూడా ఉంది.  అదెలా తయారుచేసుకోవాలి అంటే.. కావలసిన పదార్థాలు..  విటమిన్-సి క్యాప్సూల్స్.. 2    విటమిన్ ఇ  క్యాప్సూల్.. 1 రోజ్ వాటర్..  2 స్పూన్లు కలబంద జెల్.. 1 టీస్పూన్ గ్లిసరిన్.. 1 టీస్పూన్ ఒక చిన్న కంటైనర్ తయారు చేసే పద్ధతి.. ముందుగా ఒక గిన్నెలో అలోవెరా జెల్,  రోజ్ వాటర్ కలపాలి.  అందులో 2 క్యాప్సూల్స్ విటమిన్ సి,  1 క్యాప్సూల్ విటమిన్ ఇ కలపాలి. చివరగా గ్లిజరిన్ వేసి  బాగా   మిక్స్ చేయాలి.  ఈ మిశ్రమాన్ని ఒక కంటైనర్ లో నిల్వచేసుకోవాలి.  దీన్ని  వారం పాటు రిఫ్రిజిరేటర్‌లో ఉంచవచ్చు. ఎలా ఉపయోగించాలి..  రాత్రి లేదా పగటిపూట నిద్రపోయే ముందు  ఈ  సీరమ్‌ను ముఖంపై అప్లై చేయవచ్చు. అయితే దీనికి ముందు ముఖాన్ని కడుక్కోవాలి.  తర్వాత  టోనర్‌ను అప్లై చేసి ఆ తరువాత సీరమ్‌ను అప్లై చేయాలి.  2 నుండి 3 నిమిషాల తర్వాత ఫేస్ క్రీమ్ రాసుకోవచ్చు.  దీన్ని   డే స్కిన్ కేర్‌లో అప్లై చేస్తే సన్‌స్క్రీన్ కూడా అప్లై చేయాలి.                                               *రూపశ్రీ.                          

జుట్టు వేగంగా పెరగడానికి సహాయపడే మూలికలు ఇవే..!   అమ్మాయిలు అయినా, అబ్బాయిలు అయినా  జుట్టు ఒత్తుగా,  ఆరోగ్యంగా ఉండాలని కోరుకుంటారు.  దీనికి తగినట్టే షాంపూల నుండి నూనెల వరకు చాలా రకాలు వాడుతూ ఉంటారు.  అయితే..  మగాళ్ల కంటే ఈ జుట్టు సంరక్షణ,  జుట్టు పెరుగుదల విషయంలో ఆడవాళ్లు కొంచెం ఎక్కువే కేర్ తీసుకుంటారు.  జుట్టు పెరగడావికి ఎన్ని రకాల చిట్కాలు ట్రై చేసినా సరైన ఫలితాలు ఇవ్వకపోతే.. సరైన చిట్కా ఉపయోగించడం లేదని అర్థం.  సాధారణంగా ఏదైనా చిట్కా ఒకరికి బాగా పని చేసింది అంటే మిగతా అందరూ ఆ చిట్కా ఫాలో అవ్వడానికి ఆసక్తి చూపిస్తారు. అయితే అందరికీ అన్ని చిట్కాలు పనిచేయవు.  అయితే జుట్టు వేగంగా పెరగడానికి కొన్ని మూలికలు బాగా సహాయపడతాయి.  అవేంటో తెలుసుకుంటే.. రోజ్మేరీ.. రోజ్మేరీ ఈ మధ్య కాలంలో బాగా వైరల్  అవుతోంది.  రోజ్ మేరీ వాటర్, రోజ్ మేరీ ఎసెన్షియల్ ఆయిల్,  రోజ్మేరీ లీవ్స్.. ఇలా రోజ్ మేరీ ఉత్పత్తులు చాలా బాగా పేమస్ అవుతున్నాయి.  ఈ రోజ్మేరీ నిజంగానే జుట్టు పెరుగుదలకు బాగా సహాయపడుతుంది. తలలో రక్త ప్రసరణను పెంచడం ద్వారా జుట్టు కుదుళ్లను యాక్టీవ్ చేస్తుంది. జుట్టు సన్నబడకుండా నివారిస్తుంది. లావెండర్.. లావెండర్ ఆధారిత సోపులు,  ఎయిర్ ఫ్రెషర్లు,  సౌందర్య ఉత్పత్తులు చాలా ఉన్నాయి.  అయితే లావెండర్ నూనె జుట్టు పెరుగుదలకు భలే సహాయపడుతుంది. అంతేకాదు లావెండర్ వాసన మానసిక ఒత్తిడిని తగ్గించి మనసు ప్రశాంతంగా ఉంచుతుంది. పిప్పరమెంట్.. పిప్పరమెంట్ అనేది చాలా రకాల చాక్లెట్లు,  చూయింగ్ గమ్ లు,  మౌత్ ప్రషనర్లలో ఉపయోగించబడుతుంది. ఈ పిప్పరమెంట్ నూనెను తలకు ఉపయోగించడం  వల్ల జుట్టు కుదుళ్లు బలపడతాయి. పిప్పరమెంట్ నూనెను సాధారణ కొబ్బరి నూనెలో వేసి దాన్ని  తలకు మసాజ్ చేయాలి.  ఇది కూలింగ్ సెన్సేషన్ కలిగి ఉంటుంది.  ఇది తలను చల్లబరుస్తుంది. మెంతుల నూనె.. ఒకప్పుడు కొబ్బరినూనెలో మెంతులు వేసి మరగబెట్టి ఆ నూనెను తలకు ఉపయోగించే వారు. అయితే ఇప్పుడు మెంతుల ఎసెన్షియల్ ఆయిల్ కూడా అందుబాటులో ఉంది.  మెంతుల నూనెలో ప్రోటీన్,  నికోటిన్ అధికంగా ఉంటుంది.  ఇవి రెండూ జుట్టు పెరుగుదలకు చాలా మంచిగా పనిచేస్తాయి. మందార.. మందారం పువ్వుల నూనె జుట్టు పెరుగుదలకు చాలా గొప్పగా సహాయపడుతుంది. దీన్ని మందార తైలం అని కూడా పిలుస్తారు.  మందార పువ్వులలో  విటమిన్లు,  యాంటీ ఆక్సిడెంట్లు పుష్కలంగా ఉంటాయి.  జుట్టు కుదుళ్లకు పోషణ ఇస్తుంది.  జుట్టు పెరగడంలో సహాయపడుతుంది. భృంగరాజ్.. భృంగరాజ్ లేదా గుంటగరగం అనేది జుట్టు పెరుగులకు, జుట్టు నల్లగా ఉండటానికి సహాయపడే మ్యాజిక్ మూలిక.  దీన్ని కేష్ కింగ్ అని కూడా అంటారు.  భృంగరాజ్ పౌడర్ నూనె లేదా పొడిని ఉపయోగించడం వల్ల మంచి ఫలితం ఉంటుంది.                                             *రూపశ్రీ.

ఇంట్లోనే మేకప్ రిమూవర్.. ఇలా ఈజీగా తయారు చేసుకోవచ్చు..!   మేకప్ ఇప్పటి అమ్మాయిలకు చాలా కామన్ విషయం.  పార్టీలు, ఫంక్షన్లలలో అందంగా కనిపించడం కోసం అమ్మాయిలు మేకప్ వేసుకుని అతిలోక సుందరులలాగా కనిపించాలని అనుకుంటారు.  ఒకప్పుడు బ్యూటీ పార్లర్ కు వెళితే తప్ప మేకప్ వేసుకునే వెలుసుబాటు ఉండేది కాదు. కానీ ఇప్పుడు అలా కాదు. మేకప్ సామాగ్రి ఉంటే ఇంట్లోనే ఈజీగా మేకప్ వేసుకోవడం జరిగిపోతోంది.  అమ్మాయిలు కూడా దీనికి  తగిన మెళకువలు నేర్చేసుకుంటున్నారు. అయితే ఎంత మేకప్ వేసుకున్నా ఆ పార్టీ, ఫంక్షన్ లాంటివి అయిపోగానే మేకప్ రిమూవ్ చేయడం పరిపాటి. లేకపోతే చర్మం పాడైపోతుంది. చాలామంది బయట మార్కెట్లో మేకప్ రిమూవర్ లు కొనుగోలు చేసి వాడుతుంటారు. కానీ దానికి అంత డబ్బు పోసే బదులు ఇంట్లోనే ఈజీగా మేకప్ రిమూవర్ తయారు చేసుకోవచ్చు. తక్కువ ఖర్చుతో ఎలాంటి సైడ్ ఎఫెక్ట్స్ లేకుండా మేకప్  రిమూవర్ ఎలా తయారు చేసుకోవాలో ఈ కింద చూసి తెలుసుకోండి మరి.. మేకప్ రిమూవర్ ఇంట్లోనే తయారు చేసుకునే వివిధ పద్దతులు.. కొబ్బరి నూనె.. అలొవెరా జెల్.. మేకప్ రిమూవర్ లేకపోతే దాని బదులు కొబ్బరినూనె,  అలొవెరా జెల్ వాడవచ్చు.  దీని కోసం ఒక స్పూన్ అలొవెరా జెల్,  ఒక టీ స్పూన్ కొబ్బరి నూనె తీసుకోవాలి.  ఈ రెండింటిని ఒక చిన్న కంటైనర్ లో వేసి బాగా మిక్స్ చేయాలి.  కాటన్ తో ఈ మిశ్రమం తీసుకుని దీంతో మేకప్ రిమూవ్ చేయాలి. తరువాత గోరువెచ్చని నీటితో ముఖాన్ని కడుక్కోవాలి.   మంచి ఫలితం ఉంటుంది. పాలు.. రోజ్ వాటర్.. మిల్క్‌లో లాక్టిక్ యాసిడ్ ఉంటుంది, ఇది మేకప్ తొలగించి చర్మాన్ని శుభ్రపరుస్తుంది, తేమను అందిస్తుంది. రోజ్ వాటర్ తాజాదనాన్ని ఇస్తుంది. ఈ రెండింటిని కలిపి  మిశ్రమాన్ని సిద్ధం చేసి మేకప్ రిమూవ్ చేయవచ్చు.  దీని కోసం 2 టీస్పూన్ల పచ్చి పాలలో 1 టీస్పూన్ రోజ్ వాటర్ కలపాలి. దీన్ని కాటన్ సహాయంతో ముఖానికి అప్లై చేసి మేకప్ తొలగించాలి. తరువాత ముఖం కడుక్కుని  మాయిశ్చరైజర్ రాయాలి.   ఆలివ్ ఆయిల్, తేనె.. ఆలివ్ ఆయిల్ మేకప్‌ను సులభంగా కరిగించగలదు, తేనె చర్మానికి పోషణనిస్తుంది. 1 టీస్పూన్ తేనెను 1 టీస్పూన్ ఆలివ్ నూనెతో కలపాలి. ఈ మిశ్రమాన్ని ముఖానికి అప్లై చేసి  చేతులతో తేలికగా మసాజ్ చేయాలి. తడి కాటన్ ప్యాడ్ తో  ముఖాన్ని తుడిచి, ముఖం కడుక్కోవాలి. దోసకాయ, కలబంద.. దోసకాయలో యాంటీఆక్సిడెంట్లు ఉంటాయి, ఇవి చర్మాన్ని హైడ్రేట్ గా ఉంచుతాయి,  కలబంద జెల్ మలినాలను తొలగించడంలో సహాయపడుతుంది.  సగం దోసకాయను బ్లెండ్ చేసి దానికి 1 టీస్పూన్ కలబంద జెల్ జోడించాలి. ఈ మిశ్రమాన్ని ముఖానికి అప్లై చేసి మెల్లగా తుడవాలి. తరువాత ముఖాన్ని చల్లటి నీటితో కడుక్కోవాలి.   బాదం నూనె, కలబంద.. బాదం నూనెలో విటమిన్ E ఉంటుంది, ఇది చర్మాన్ని మృదువుగా చేస్తుంది.  కలబంద జెల్ చర్మాన్ని చల్లబరుస్తుంది. 1 టీస్పూన్ అలోవెరా జెల్‌ను 1 టీస్పూన్ బాదం నూనెతో కలపాలి. ఈ మిశ్రమాన్ని కాటన్ ప్యాడ్ తో ముఖంపై అప్లై చేయడం ద్వారా మేకప్ తొలగించవచ్చు.                                   *రూపశ్రీ.

తేనెతో పెదాలకు మరింత అందం!     మొహానికి అందాన్ని తెచ్చి పెట్టేవి పెదాలంటే మీరూ  ఒప్పుకుంటారు కదూ. అలాంటి పెదాలు మరింత ఎర్రగా మెరిసిపోవాలంటే వాటిని మరికాస్త ఎక్కువగా పట్టించుకోవాల్సిందే. కొంతమందికి టెన్షన్ లో పెదాలు కోరికే అలవాటు ఉంటుంది. అది మానుకుంటే చాలు పెదాలు బండగా తయారవ్వకుండా ఉంటాయి. కొంత మంది పెదాలు నల్లగా ఉండి అందాన్ని తగ్గిస్తాయి. అలాంటివారు రాత్రి పడుకునే ముందు నిమ్మరసాన్ని రాసుకుని పడుకుంటే మంచి ఫలితం కనిపిస్తుంది. పెదాలపై ఉండే నల్ల మచ్చలు కూడా మాయమవుతాయి. ఇలాగే ఇంకొన్ని చిట్కాలని చూద్దామా. * మూడు స్పూన్ల పంచదార పొడిలో రెండు స్పూన్ల వెన్న కలిపి పేస్ట్ లా చేసి పెదాలకి పట్టించి ఉంచి ఒక గంట తర్వాత చన్నీళ్ళతో కడుగుకోవాలి.పంచదార డెడ్ స్కిన్ సెల్స్ ని తీసేస్తుంది,వెన్న మృదుత్వాన్ని ఇస్తుంది. * బీట్రూట్ పేస్టు ని రాత్రి పడుకునే ముందు పెదాలకి రాసుకుని ఉదయాన్నే కడిగేసుకున్నా పెదాలు ఎరుపురంగులోకి మారతాయి. * ఒక స్పూన్ నిమ్మరసం, కొబ్బరి నూనె, రెండు స్పూన్ల పంచదార పొడి కలిపి పేస్ట్ లా చేసి ఉంచుకుంటే వారం రోజులు నిలవ ఉంటుంది. ఈ పేస్ట్ పెదాలకి అప్లై చేసినా మంచి ఫలితం ఉంటుంది. * ఒక స్పూన్ స్ట్రాబెర్రీ పేస్ట్ లో రెండు స్పూన్ల పెట్రోలియం జెల్లీ కలిపి పెదాలకి పట్టిస్తే పెదాలు స్ట్రాబెర్రీ  రంగులోకి మారిపోతాయి. *   మనకి సులువుగా దొరికేవి గులాబి రేకులు. వాటిని ముద్దలా చేసి పెదాలకి పట్టించి ఒక అరగంట తర్వాత కడిగేసుకుంటే చాలు అందమైన పెదాలు మీ సొంతమవుతాయి. ఇలాంటివి చేస్తూ వీటితో పాటు తగినంత నీళ్ళు తాగటం వాళ్ళ కూడా పెదాలు ఆరోగ్యంగా కనిపిస్తాయి. నీళ్ళతో పాటు ఆయా కాలాల్లో దొరికే పళ్ళు తినటం వల్ల కూడా పెదాలు అందంగా కనిపిస్తాయి. ఇలా కొద్దిపాటి శ్రద్ధ చూపిస్తే చాలు మాములుగా ఉండే మీ పెదాలు ఎర్రని ద్రాక్ష పళ్ళలా మెరిసిపోతాయి.      కళ్యాణి...

ముఖ చర్మం రంధ్రాలు తగ్గించడం ఎలాగో తెలుసా? కొందరికి ముఖం మీద చర్మం రంధ్రాలలా కనబడుతుూ ఉంటుంది. ఇది చర్మ గంధ్రులు తెరచుకోవడం వల్ల ఏర్పడుతుంది. ఈ తెరచుకున్న రంధ్రాల కారణంగా మొటిమలు, మచ్చలు, దుమ్ము, ధూళి పేరుకోవడమే కాదు.. చర్మం చాలా తొందరగా ముడుతలు పడినట్టు, వృద్దాప్యం మీద పడినట్టు అనిపిస్తుంది. చర్మం మీద ఉన్న ఈ ఓపెన్ పోర్స్ ను తగ్గించడం కష్టమే కానీ అసాద్యం మాత్రం కాదు. చాలా మంది వీటని తగ్గించుకోవడానికి వాణిజ్య ఉత్పత్తులను వాడుతుంటారు.  ఇవి వాడినంత సేపు చర్మం బిగుతుగా, రంధ్రాలు లేకుండా ఉంటుంది. కానీ తరువాత మళ్లీ మొదటికి వస్తుంది.  అలా కాకుండా ఇంటి పట్టునే సులువైన చిట్కాలతో ఈ ఓపెన్ పోర్స్ ను తగ్గించుకోవచ్చు.  అందుకోసం ఫాలో కావాల్సిన చిట్కాలు ఇవీ.. ఐస్.. ఓపెన్ పోర్స్ తగ్గించుకోవడానికి మంచు ముక్కలు బాగా సహాయపడతాయి. ఒక క్లాత్ లో మంచుముక్కలు ఉంచి ఆ క్లాత్ ను 15 నుండి 30 సెకెన్ల పాటు ముఖ చర్మం మీద ఉంచాలి. ఇలా చేయడం వల్ల చర్మాన్ని బిగుతుగా చేయడం, చర్మ రంధ్రాలు మెల్లిగా తగ్గడం జరుగుతుంది. ఆపిల్ సైడర్ వెనిగర్.. నీరు, ఆపిల్ సైడర్ వెనిగర్ ను సమాన భాగంలో తీసుకోవాలి. దీంట్లో కాటన్ బాల్ ముంచి ఈ ద్రావణాన్ని ముఖమంతా పట్టించాలి. కొన్ని నిమిషాలు అలాగే ఉంచాలి. తరువాత ముఖాన్ని కడిగేయాలి.  యాపిల్ సైడర్ వెనిగర్ లో  ఉండే అస్ట్రింజెంట్ గుణాలు చర్మ రంధ్రాలను బిగుతుగా చేయడంలో సహాయపడతాయి. గుడ్డు తెల్ల సొన.. గుడ్డులో ఉండే తెల్లసొన చర్మ రంధ్రాలను బిగుతుగా చేస్తుంది. గుడ్డు తెల్ల సొనను చర్మానికి అప్లై చేసి 15నిమిషాల పాటు అలాగే ఉండాలి. ఆ తరువాత ముఖాన్ని శుభ్రం చేసుకోవాలి. గుడ్డులోని తెల్లసొనలో ఉండే ప్రోటీన్లు చర్మాన్ని బిగుతుగా మార్చడంలో, రంధ్రాలను చిన్నగా చేయడంలో సహాయపడతాయి. టమోటా  మాస్క్.. మిక్సీలో టమోటా వేసి  పేస్ట్ చేయాలి. ఈ పేస్ట్ ను ముఖానికి ప్యాక్ వేయాలి. 15 నుండి 20 నిమిషాలు అలాగే ఉంచి ఆ తరువాత శుభ్రం చేసుకోవాలి. టమోటాలో ఉండే సహజ ఆమ్లత్వం చర్మ రంధ్రాలను బిగుతుగా మార్చడంలో సహాయపడుతుంది. బేకింగ్ సోడా స్క్రబ్.. కొద్దిగా బేకింగ్ సోడాను నీటిలో కలిపి పేస్ట్ చేయాలి. దీన్ని ముఖానికి అప్లై చేసి వృత్తాకారంగా చర్మం మీద స్క్రబ్ చేయాలి. ఆ తరువాత శుభ్రపరుచుకోవాలి. ఇది చర్మాన్ని ఎక్స్ఫోలియేట్ చేసే సామర్థ్యం కలిగి ఉంటుంది. మృతకణాలను తొలగిస్తుంది.  మూసుకుపోయిన చర్మరంధ్రాలను క్లియర్ చేస్తుంది. గ్రీన్ టీ.. గ్రీన్ టీ చర్మానికి చాలా మేలుచేస్తుంది. కాటన్ బాల్ ఉపయోగించి  గ్రీన్ టీని ముఖానికి అప్లై చెయ్యాలి. ఆ తరువాత 15 నిమిషాలు అలాగే ఉంచి   ముఖాన్ని శుభ్రం చేసుకోవాలి. గ్రీన్ టీ లో ఉండే యాంటీ ఆక్సిడెంట్లు చర్మ రంధ్రాలను బిగించి జిడ్డును తగ్గించడంలో సహాయపడతాయి. రంధ్రాలను బిగుతు చేస్తాయి. కలబంద.. స్వచ్చమైన కలబంద తెరుచుకున్న రంధ్రాలను తిరిగి సాధారణం చెయ్యడంలో సహాయపడుతుంది. కలబంద గుజ్జును అప్లై చేసి 10 నుండి 15 నిమిషాలు అలాగే ఉంచాలి. ఆ తరువాత ముఖాన్ని శుభ్రం చేసుకోవాలి. కలబందలో ఉండే గుణాలు చర్మం రంగును మెరుగుపరుస్తాయి.  రంధ్రాలను బిగుతుగా ఉంచుతాయి.                                                     *నిశ్శబ్ద. 

బొటాక్స్ ఫేస్ మాస్క్.. ఇది వాడితే ఎంత అందంగా కనిపిస్తారంటే..!   ముఖం అందంగా కనిపించాలని కోరుకోని అమ్మాయి ఉండదు.  అందంగా కనిపించడం కోసం మొదటగా సౌందర్య సాధనాలు ఉపయోగించడానికి,  సౌందర్య ఉత్పత్తుల మీద ఆధారపడటానికే మొగ్గు చూపుతారు. ఆ తరువాత బొటాక్స్ ట్రీట్మెంట్, ఫిల్లర్లు వంటి స్కిన్ ట్రీట్మెంట్స్ వైపు మొగ్గు చూపుతారు. కానీ ముఖ కాంతిని పెంచడానికి,  ముఖం అందంగా కనిపించడానికి రసాయన ఉత్పత్తులు అక్కర్లేదు. ఇంట్లోనే సహజంగా బొటాక్స్  ఫేస్ మాస్క్  ట్రై చేయవచ్చు.  ఆయుర్వేద నిపుణులు చెప్పిన ఈ బొటాక్స్ ఫేస్ మాస్క్ ఎలా తయారు చేసుకోవాలి,  ఇందుకోసం ఏం అవసరం అవుతాయి దీన్నెలా ఉపయోగించాలి? మొదలైన విషయాలు తెలుసుకుంటే.. సహజ బొటాక్స్ ఫేస్ మాస్క్  చర్మానికి సహజమైన మెరుపును తెస్తుంది .అలాగే  చర్మంలో ఉన్న అడ్డంకులు తొలగించి చర్మాన్ని మరమ్మతు చేస్తుంది.  అంతేకాదు ముఖంపై ముడతలను తగ్గించి చర్మాన్ని ఆరోగ్యంగా మారుస్తుంది. అరటిపండుతో తయారు చేసే ఈ ఫేస్ మాస్క్ చర్మానికి గొప్ప మ్యాజిక్ ట్రీట్మెంట్ అని చెప్పడంలో ఎలాంటి సందేహం లేదు. 'సాధారణంగా బొటాక్స్  ట్రీట్మెంట్ కోసం 5-10 వేల రూపాయల విలువైన ఉత్పత్తులను కొనుగోలు చేస్తుంటారు.  కానీ ఇంట్లో కేవలం 15-20 రూపాయలతో సులభంగా బొటాక్స్ ట్రీట్మెంట్ లాంటి ఫలితాలు పొందవచ్చు.  ఆశ్చర్యకరమైన విషయం ఏమిటంటే ఇది మొదటి ప్రయత్నంలోనే మంచి ఫలితాలు ఇస్తుంది.  ఫేస్ మాస్క్ తయారు చేయడానికి ఏ వస్తువులు అవసరమంటే.. కావలసిన పదార్థాలు.. అరటిపండు- 1 అలోవెరా జెల్ - 1 టేబుల్ స్పూన్ గ్లిజరిన్ - 1 టేబుల్ స్పూన్ విటమిన్ ఇ టాబ్లెట్స్  – 2 ఫిష్ ఆయిల్ క్యాప్సూల్ - 1 ఎలా తయారుచేయాలి? ముందుగా ఒక గిన్నె తీసుకుని, అందులో పండిన అరటిపండును కట్ చేసి మెత్తగా చేయాలి. దీని తర్వాత కలబంద జెల్,  గ్లిజరిన్ వేసి బాగా కలపండి. చివరగా విటమిన్ E,  చేప నూనె వేసి మృదువైన పేస్ట్ తయారు చేయాలి. ముఖానికి సహజమైన మెరుపును ఇవ్వడానికి సిద్ధంగా ఉన్న బొటాక్స్ ఫేస్ మాస్క్ ఇదే. దీన్ని ముఖానికి అప్లై చేసి 10-15 నిమిషాలు ఆరనివ్వాలి. ఆ తర్వాత  ముఖాన్ని చల్లటి నీటితో కడగాలి. ఫలితాలు.. ముఖం పొడిబారడం,  కరుకుదనాన్ని తగ్గించడంలో గ్లిజరిన్ వాడకం చాలా ప్రభావవంతంగా ఉంటుంది. దీనిని పొడి, సాధారణ,  జిడ్డుగల అన్ని రకాల చర్మాలపై ఉపయోగించవచ్చు. ఇది చర్మాన్ని మృదువుగా, క్లియర్ గా  ఆకర్షణీయంగా చేస్తుంది.                                               *రూపశ్రీ.

బీట్రూట్ ఇలా వాడితే.. నేచురల్ గా మెరిసిపోతారు..!   బీట్ రూట్ సాధారణంగా సలాడ్‌లలో,  కూరలలో, జ్యూస్ లలో ముఖ్యమైన భాగం. ఇందులో యాంటీ-ఆక్సిడెంట్లు పుష్కలంగా ఉంటాయి. ఇవి చర్మ కణాలను మరమ్మతు చేస్తాయి.  సూర్యరశ్మి,  కాలుష్యం వల్ల కలిగే నష్టాన్ని కూడా తిప్పికొడతాయి. బీట్‌రూట్ పిగ్మెంటేషన్‌ను తగ్గిస్తుంది,  మొటిమల మచ్చలను కూడా తేలికపరుస్తుంది. బీట్‌రూట్‌ను ఫేస్ ప్యాక్ లేదా ఫేస్ మాస్క్‌గా ఉపయోగించడం వల్ల ముఖానికి అప్పటికప్పుడే  గులాబీ రంగు మెరుపు వస్తుంది. ముఖం తాజాగా కనిపిస్తుంది. అంతేకాకుండా దీన్ని రోజూ తినడం వల్ల చర్మం తాజాగా కనిపిస్తుంది. చర్మం ఎప్పుడూ హైడ్రేటెడ్‌గా ఉంటుంది.  బీట్‌రూట్ పెదవులపై హైపర్‌పిగ్మెంటేషన్‌ను తొలగించి వాటిని సహజంగా గులాబీ రంగులోకి మారుస్తుంది. ఇంత అద్బుతం చేసే ఈ బీట్రూట్ ను ఎలా ఉపయోగించాలంటే.. బీట్రూట్ ఎలా ఉపయోగించాలి.. చర్మ సంరక్షణ కోసం బీట్‌రూట్‌ను ఉపయోగించడానికి ఉత్తమ మార్గం దాని పొడిని తయారు చేసి నిల్వ చేయడం. పొడి చేయడానికి బీట్‌రూట్ తొక్క తీసి శుభ్రం చేయాలి. దానిని సన్నని గుండ్రని ముక్కలుగా కట్ చేసి ఎండలో ఆరబెట్టాలి. అది పూర్తిగా ఆరిపోయి గట్టిగా,  సౌండ్ వచ్చేలా మారుతుంది.  అప్పుడు పొడిని తయారు చేసుకోవాలి. ఇందుకోసం మిక్సర్ గ్రైండర్ ఉపయోగించవచ్చు. దీన్ని రిఫ్రిజిరేటర్‌లో ఒక నెల వరకు నిల్వ చేయవచ్చు. ఫేస్ ప్యాక్, ఫేస్ స్క్రబ్, లిప్ స్క్రబ్, ఫేస్ మాస్క్ వంటి ఎందులో అయినా ఈ పొడిని చేర్చుకోవచ్చు. ఇలా కూడా వాడచ్చు.. 2 టేబుల్ స్పూన్ల బీట్‌రూట్ రసం, 2 టేబుల్ స్పూన్ల శనగపిండి, ½ టేబుల్ స్పూన్ పెరుగు కలిపి ఫేస్ ప్యాక్ సిద్ధం చేసుకోవాలి. దీన్ని ముఖానికి అప్లై చేసి 10 నిమిషాలు అలాగే ఉంచాలి. వృత్తాకారంగా  మసాజ్ చేస్తూ  దానిని తొలగించాలి. ఈ ప్యాక్‌ను వారానికి ఒకసారి అప్లై చేయాలి. ముఖం మీద మెరుపు కనిపించడం ప్రారంభమవుతుంది. మరో మార్గం.. 2 టేబుల్ స్పూన్ల బీట్‌రూట్ రసంలో 2 టేబుల్ స్పూన్ల తేనె కలపాలి . ఈ మిశ్రమంలో ఒక కాటన్ బాల్ ముంచి ముఖం,  మెడపై అప్లై చేయాలి. 15 నుండి 20 నిమిషాలు అలాగే ఉంచాలి. గోరువెచ్చని టవల్ తో తుడవాలి. బీట్‌రూట్‌లో ఉండే యాంటీఆక్సిడెంట్లు చర్మం  కొల్లాజెన్ స్థాయిని పెంచుతాయి, ఇది  చర్మాన్ని  మృదువుగా చేస్తుంది. ఇంకొక మార్గం.. 1 టేబుల్ స్పూన్ బీట్‌రూట్ పొడి, 1 టేబుల్ స్పూన్ నారింజ తొక్కల పొడిని రెండు టేబుల్ స్పూన్ల నీటితో కలిపి పేస్ట్ తయారు చేయాలి. డ్రై స్కిన్ ఉన్నవారు పాలు కలుపుకోవచ్చు. ఐరన్,  విటమిన్ సి అధికంగా ఉండే బీట్‌రూట్ హైపర్‌పిగ్మెంటేషన్‌ను తొలగిస్తుంది. విటమిన్ సి అధికంగా ఉండే నారింజ తొక్క, నల్లటి మచ్చలను తగ్గించి చర్మాన్ని కాంతివంతం చేస్తుంది, చర్మానికి తక్షణ మెరుపును ఇస్తుంది.                                          *రూపశ్రీ. గమనిక: ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...  

చర్మం  పొడిబారుతోందా...ఈ టిప్స్ ఫాలో అయితే సరి..!   చర్మం పొడిబారే సమస్య చాలా మందిని వేధిస్తుంది.  ఇది  మొదట్లో ఒక చిన్న ఇబ్బందిగా మొదలై దీన్ని నిర్లక్ష్యం చేసే కొద్ది పెద్ద సమస్యగా మారుతుంది.  చర్మం పొడిబారడం వల్ల సున్నితంగా తయారవుతుంది.  ఇది చర్మాన్ని  వాతావరణ పరిస్థితులకు విరుద్దంగా మారుస్తుంది.  పొడి చర్మం  ఉన్నవారు  ఇంట్లోనే కొన్ని టిప్స్ పాటించడం వల్ల చర్మాన్ని కాపాడుకోవచ్చు.   ఇందులో నూనెలు వాడటం చాలా మంచి ఫలితాలు ఇస్తుంది.  మనం సాధారణం అనుకున్న నూనెలు చర్మాన్ని ఎలా కాపాడతాయో తెలుసుకుంటే.. కొబ్బరినూనె.. కొబ్బరినూనె గొప్ప మాయిశ్చరైజర్ గా పనిచేస్తుంది.  ఇది చర్మాన్ని హైడ్రేట్ గా ఉంచుతుంది. చర్మం పొడిబారడాన్ని తగ్గించి చర్మం మృదువుగా ఉండటంలో సహాయపడుతుంది.  స్నానానికి గంట ముందు  కొబ్బరినూనెను ఒళ్లంతా పట్టించుకోవాలి.  తరువాత స్నానం చేయాలి.  కెమికల్స్ ఎక్కువగా ఉన్న సోప్ వాడకూడదు. పొడి చర్మానికి గ్లిజరిన్ సోపులు మంచివి.   తేనె.. తేనెను ఇష్టమైన పేస్ మాస్క్ లో ఉపయోగించవచ్చు. లేదా తేనెను ముఖానికి రాసుకోవచ్చు. ఇది చర్మానికి లోతుగా తేమను అందిస్తుంది. చర్మాన్ని మృదువుగా ఉంచుతుంది.  చర్మం  ఆరోగ్యంగా ఉండటంలో సహాయపడుతుంది. కలబంద.. సౌందర్య ఉత్పత్తులలో కలబంద జెల్ బాగా పేరు పొందింది.  కలబంద జెల్ ను చర్మం పై అప్లై చేస్తుంటే చర్మం పొడిబారే సమస్య తగ్గుతుంది. అలాగే తాజా కలబంద జెల్ ను సేకరించి పేస్ ప్యాక్ లా వేసుకుని కడిగేస్తున్నా మంచి ఫలితం ఉంటుంది. ఆలివ్ నూనె.. ఆలివ్ నూనె ఆరోగ్యానికే కాదు.. చర్మానికి కూడా చాలా మంచిది.  ఇది చర్మాన్ని హైడ్రేట్ చేసి చర్మం పొడిబారడాన్ని తగ్గిస్తుంది.  ఆలివ్ నూనెను ఇష్టమైన లోషన్ లో కలిపి ఉపయోగించవచ్చు. మంచి ఫలితం ఉంటుంది. పెరుగు.. పెరుగులో లాక్టిక్ ఆమ్లం ఉంటుంది. ఇది చర్మాన్ని ఎక్స్పోలియేట్ చేయడానకిి సహాయపడుతుంది. చర్మాన్ని హైడ్రేట్ గా కూడాచేస్తుంది. చర్మం పొడిబారుతుంటే పెరుగును ముఖానికి పట్టించి 10 నిమిషాల తరువాత సాధారణ నీటితో కడిగేయవచ్చు. దోసకాయ.. దోసకాయ చర్మాన్ని చల్లబరుస్తుంది.  ఇది చర్మాన్ని తాజాగా ఉంచుతుంది.  చర్మం మీద మొటిమలు,  దద్దుర్లు వంటివి రాకుండా చేస్తుంది. చర్మం రంధ్రాలను రిపేర్ చేస్తుంది.  దోసకాయ రసాన్ని చర్మానికి అప్లై చేసుకుంటే మంచి ఫలితం ఉంటుంది. ఓట్ మీల్.. ఓట్ మీల్ ను నీటిలో కలిపి మెత్తగా పేస్ట్ లాగా చేయాలి.  దీన్ని చర్మం పైన అప్లై చేయాలి.  ఫస్ట్ ముఖానికి స్క్రైబ్ చేసి ఆ తరువాత దీన్ని ప్యాక్ లాగా వదిలేయాలి.  ఇది చర్మాన్ని చాలా మృదువుగా చేస్తుంది. చర్మం పొడిబారడాన్ని నివారిస్తుంది. నీరు.. చర్మాన్ని హైడ్రేట్ గా ఉంచడానికి ముఖ్యమైన అంశాలలో నీరు ప్రధానమైనది.  రోజూ కనీసం 8 గ్లాసుల నీరు తాగుతూ ఉండాలి.  ఇది శరీరంలో టాక్సిన్లను బయటకు పంపడమే కాకుండా చర్మం ఆరోగ్యంగా తాజాగా ఉండటంలో సహాయపడుతుంది.                                           *రూపశ్రీ.