నందమూరి బాలకృష్ణ (Nandamuri Balakrishna) మాస్ యాక్షన్ సినిమాలే కాకుండా, కుటుంబ కథా చిత్రాలలోనూ తనదైన నటనతో ప్రేక్షకులను మెప్పించారు. ఆయన కెరీర్లో వన్ ఆఫ్ ది సూపర్ హిట్ ఫ్యామిలీ ఎంటర్టైనర్గా నిలిచిన చిత్రం 'ముద్దుల మొగుడు' (Muddula Mogudu). ఏ కోదండరామిరెడ్డి దర్శకత్వంలో వచ్చిన ఈ సినిమా బాక్సాఫీస్ వద్ద భారీ విజయాన్ని అందుకోవడమే కాకుండా, ఇందులోని సీన్స్ ఇప్పటికీ ప్రేక్షకులను కట్టిపడేస్తుంటాయి. తాజాగా ఈ సినిమాలోని ఒక హై-వోల్టేజ్ ఎమోషనల్ అండ్ షాకింగ్ ట్విస్ట్ సీన్ సోషల్ మీడియాలో మళ్లీ వైరల్గా మారింది.
ఈ వైరల్ వీడియో విషయానికి వస్తే.. కథలో అత్యంత కీలకమైన, ప్రేక్షకులను సీటు అంచున కూర్చోబెట్టే ఒక సన్నివేశాన్ని మనం చూడవచ్చు. హీరోయిన్ మీనా (Meena) తన తల్లి మాయలో పడి, పెళ్ళైన కొద్దిరోజులకే భర్త (బాలకృష్ణ) నుండి విడాకులు తీసుకోవాలి అనుకుంటుంది. అందుకోసం ఏకంగా తన భర్త మగడు కాదంటూ ఫేక్ సర్టిఫికెట్ కూడా సృష్టిస్తుంది. అందరి ముందు భర్త పరువు తీస్తుంది.
అయితే, కట్ చేస్తే కొన్నిరోజుల తర్వాత మీనా ప్రెగ్నెంట్ అయిందనే షాకింగ్ వార్త కుటుంబంలో పెద్ద కలకలం రేపుతుంది. మగతనం లేదన్నావు, ఇప్పుడు తల్లి ఎలా అయ్యావు అంటూ బాలకృష్ణ అదిరిపోయే కౌంటర్ ఇస్తాడు. ఇలా ఎత్తుకు పైఎత్తులా ఈ సీన్స్ ఎంతో రసవత్తరంగా సాగుతాయి. చివరికి తన తల్లి నిజ స్వరూపం తెలిసి, మీనా తన తప్పు తెలుసుకుంటుంది.
ప్రస్తుతం యూట్యూబ్లో ఈ అల్టిమేట్ సీన్ మిలియన్ల కొద్దీ వ్యూస్తో దూసుకుపోతోంది. ఎన్నేళ్లయినా సరే పాత సినిమాల్లోని ఇటువంటి ఎమోషనల్ డ్రామాలకు తిరుగుండదని నెటిజన్లు కామెంట్లు పెడుతున్నారు. బాలయ్య మాస్ లుక్కే కాదు, ఇలాంటి ఫ్యామిలీ డ్రామా సీన్స్లోనూ ఆయన నటన అమోఘం అంటూ నందమూరి అభిమానులు ఈ వీడియోను తెగ షేర్ చేస్తున్నారు.
