వర్సటైల్ నటుడు చీయాన్ విక్రమ్ నటించిన యాక్షన్ అండ్ ఫ్యామిలీ ఎంటర్టైనర్ 'మజా' సీన్లు సోషల్ మీడియాలో నిత్యం వైరల్ అవుతూనే ఉంటాయి. తన నటనతో ఏ పాత్రలోనైనా ఒదిగిపోయే విక్రమ్, ఈ సినిమాలో మాస్ యాక్షన్ మరియు వినోదంతో కూడిన పవర్ ఫుల్ పాత్రలో కనిపించి ప్రేక్షకులను ఎంతగానో అలరించారు. తాజాగా ఈ చిత్రానికి సంబంధించిన ఒక పవర్ ఫుల్ యాక్షన్ సన్నివేశం యూట్యూబ్లో నెటిజన్లను విపరీతంగా ఆకట్టుకుంటోంది.
కథాంశం ప్రకారం, దొంగతనాలు మానివేసి మంచిగా బతకాలని నిర్ణయించుకున్న తండ్రీకొడుకుల చుట్టూ ఈ సన్నివేశం నడుస్తుంది. పాత కక్షలను మనసులో పెట్టుకున్న సీఐ, దొంగతనం మానేశామని చెప్పినా వినకుండా విక్రమ్ తండ్రిని పోలీస్ స్టేషన్లో దారుణంగా కొడతాడు. పెద్దాయన అని కూడా చూడకుండా పోలీసులు చేస్తున్న అరాచకాన్ని చూసి విక్రమ్ సీరియస్ అవుతాడు.
తండ్రిపై మరో దెబ్బ పడితే ఊరుకునేది లేదని హెచ్చరించినప్పటికీ, సీఐ మళ్లీ లాఠీ ఎత్తడంతో విక్రమ్ తన మాస్ విశ్వరూపాన్ని చూపిస్తాడు. ఒక్కసారిగా తిరగబడి అక్కడ ఉన్న పోలీసులందరినీ చితకబాది, తండ్రిని కాపాడుకునే సన్నివేశం ప్రేక్షకులకు గూస్బంప్స్ తెప్పిస్తుంది. ఈ సీన్లో విక్రమ్ చూపించిన టైమింగ్, యాక్షన్ ఫైట్స్ విపరీతంగా ఆకట్టుకుంటాయి.
తమిళంలో హిట్ సాధించిన ఈ చిత్రాన్ని తెలుగులో 'మజా' పేరుతో డబ్ చేసి విడుదల చేయగా, ఇక్కడ కూడా మంచి విజయాన్ని సాధించింది. పశుపతి, విక్రమ్ మధ్య సాగే ఎమోషన్, కమెడియన్ వడివేలు కామెడీ ట్రాక్ ఈ సినిమాకు ప్రధాన ఆకర్షణగా నిలిచాయి. ముఖ్యంగా విక్రమ్ నటన ప్రతీ సన్నివేశంలోనూ హైలైట్గా నిలుస్తుంది. ఇలాంటి పవర్ఫుల్ యాక్షన్ సీన్స్ కోసం మా Teluguone youtube channelను Subscribe చేసుకోండి.
