‘హనుమాన్‌’, ‘మిరాయ్‌’ సినిమాలతో పాన్‌ ఇండియా స్థాయిలో గుర్తింపు తెచ్చుకున్న యువ హీరో తేజ సజ్జా త్వరలోనే ఓ ఇంటివాడు కాబోతున్నారు. ఇప్పటికే తన పెళ్లి విషయాన్ని స్వయంగా వెల్లడించిన ఆయన, ఇప్పుడు తన జీవితంలో కీలకమైన వేడుకకు సంబంధించిన ఆహ్వానాలను అందించే పనిలో ఉన్నారు. ఈ క్రమంలో తెలంగాణ ముఖ్యమంత్రి రేవంత్‌రెడ్డికి తేజ సజ్జా తన నిశ్చితార్థ ఆహ్వానాన్ని అందించారు.
తేజ సజ్జా వివాహం పెద్దలు కుదిర్చిన సంబంధమని గతంలోనే స్పష్టం చేశారు. తన తల్లిదండ్రులు చూసిన అమ్మాయితో పెళ్లికి సిద్ధమయ్యానని వెల్లడించారు. నవంబర్‌లో నిశ్చితార్థం, డిసెంబర్‌లో వివాహ వేడుక జరగనున్నట్లు తెలిపారు. రాజస్థాన్‌లోని ఉదయ్‌పూర్‌లో కుటుంబ సభ్యులు, అత్యంత సన్నిహితుల సమక్షంలో ఈ పెళ్లిని నిర్వహించాలనుకుంటున్నట్లు చెప్పారు. పెళ్లిని భారీ హంగామాతో కాకుండా ప్రైవేట్‌ వేడుకగా జరుపుకోవాలనేది తన అభిమతమని కూడా పేర్కొన్నారు.
ఇక తేజ సజ్జా చేసుకోబోయే అమ్మాయి సినీ పరిశ్రమకు చెందిన కుటుంబం నుంచి వచ్చిన వ్యక్తి కాదని ఆయన వెల్లడించారు. ఆమె కుటుంబం టెక్నాలజీ వ్యాపారంలో ఉందని, ఆమె తన తండ్రితో కలిసి ఆ వ్యాపారంలో పనిచేస్తున్నారని చెప్పారు. అమెరికాలో పెరిగిన ఆమెకు సినిమా రంగంతో పెద్దగా పరిచయం లేదని, అదే తనకు నచ్చిందని తేజ తెలిపారు. అయితే కాబోయే భార్య పేరును మాత్రం వెల్లడించలేదు. ఆమె వ్యక్తిగత గోప్యతను కాపాడాలనే ఉద్దేశంతోనే వివరాలను పరిమితంగా పంచుకున్నారు.
నవంబర్‌లో నిశ్చితార్థం, డిసెంబర్‌లో ఉదయ్‌పూర్‌లో వివాహం, ఆ తర్వాత హైదరాబాద్‌లో రిసెప్షన్‌ నిర్వహించేలా ప్రణాళిక ఉన్నట్లు తేజ గతంలో వెల్లడించారు. మరి ఈ వేడుకకు టాలీవుడ్‌ నుంచి ఎవరెవరు హాజరవుతారు? తేజ సజ్జా పెళ్లి వేడుకలు ఎలా జరగబోతున్నాయి? అన్నది తెలియాలంటే మరికొంత కాలం వేచి చూడాల్సిందే.
[Teja Sajja Engagement, Teja Sajja Wedding, Revanth Reddy, Teja Sajja Engagement Invitation, Teja Sajja Udaipur Wedding, HanuMan Hero, Teja Sajja Bride, Telugu Cinema News]
