పవర్ స్టార్ పవన్ కళ్యాణ్(Pawan Kalyan), డైరెక్టర్ హరీష్ శంకర్ కాంబినేషన్ లో వస్తున్న మూవీ 'ఉస్తాద్ భగత్ సింగ్'(Ustaad Bhagat Singh). మైత్రి మూవీ మేకర్స్ నిర్మిస్తున్న ఈ సినిమాలో శ్రీలీల, రాశి ఖన్నా హీరోయిన్లు. ఉగాది కానుకగా రేపు(మార్చి 19) ప్రేక్షకుల ముందుకు రానుంది. మూవీ ప్రమోషన్స్ లో భాగంగా శ్రీలీల(Sreeleela) స్పెషల్ ఇంటర్వ్యూ ఇచ్చింది. ఈ ఇంటర్వ్యూలో పవన్ కళ్యాణ్ గురించి, ఉస్తాద్ భగత్ సింగ్ గురించి పలు ఆసక్తికర విషయాలు పంచుకుంది.

కల నెరవేరిన వేళ
ప్రతి హీరోయిన్ కి పవన్ కళ్యాణ్ తో ఒక్క సినిమా అయినా చేయాలనే కోరిక ఉంటుంది. శ్రీలీల విషయంలో కూడా అదే జరిగింది. తన తల్లికి పవన్ కళ్యాణ్ అంటే చాలా ఇష్టమని, ఈ అవకాశం రాగానే తన తల్లి ఎంతగానో సంతోషించిందని శ్రీలీల తెలిపింది.

షూటింగ్ మొదటి రోజున జరిగిన ఒక అనుభవం గురించి చెబుతూ, తను ఎంత నర్వస్‌గా ఫీల్ అయిందో వివరించింది. ముఖ్యంగా పింక్ శారీ కట్టుకుని బారికేడ్ దాటుకుని వచ్చే సీన్ తనకి పవన్ కళ్యాణ్ తో మొదటి షాట్ అని, అప్పుడు ఆయన కళ్ళలోకి చూడగానే ఒక తెలియని భయం, గౌరవం కలిగాయని ఆమె తెలిపింది. ఆ తర్వాత పవన్ కళ్యాణ్ చాలా కైండ్‌గా ఉంటూ తనను కంఫర్టబుల్‌గా మార్చేశారని పేర్కొంది.

హరీష్ శంకర్ 'ఊర మాస్' స్కూలింగ్
దర్శకుడు హరీష్ శంకర్ గురించి చెబుతూ, ఆయనకు మాస్ పల్స్ బాగా తెలుసని, ఆయన ఒక అభిమానిలా ఆలోచించి సినిమా తీస్తారని శ్రీలీల చెప్పుకొచ్చింది. ఆయన వర్కింగ్ స్టైల్ చాలా ఫాస్ట్‌గా ఉంటుందని, ఒక్కోసారి రోజుకు 3-4 సీన్లు కూడా కంప్లీట్ చేసేవాళ్లమని తెలిపింది.

మరో ఆసక్తికరమైన విషయం ఏమిటంటే, హరీష్ ఆమెకు ముందుగా స్క్రిప్ట్ పేపర్లు ఇచ్చేవారు కాదట. ఆన్ ది స్పాట్ డైలాగులు ఇచ్చి పటపట చెప్పేయమని అడిగేవారట. అది తనకు ఒక సవాలుగా ఉన్నా, తన తెలుగు భాషా పరిజ్ఞానం వల్ల సులభంగానే చేయగలిగానని ఆమె వివరించింది.

పవర్ స్టార్ స్వాగ్, శ్రీలీల ఇమిటేషన్
సెట్స్‌లో పవన్ కళ్యాణ్ మేనరిజమ్స్ చూసి శ్రీలీల ఫిదా అయింది. ఆయన కిందకు చూసి నవ్వే స్టైల్‌ను ఆమె సరదాగా ఇమిటేట్ చేస్తూ అభిమానులను అలరించింది. పవన్ కళ్యాణ్ చాలా మొహమాటస్తులని, కొన్ని సీన్స్ చేయడానికి ఇబ్బందిపడేవారని.. కానీ హరీష్ శంకర్ 'సార్, ఇది మీ ఫ్యాన్స్ కోసం' అని చెప్పగానే ఆయన ఎంతో కంఫర్టబుల్‌గా ఆ సీన్లు చేసేవారని శ్రీలీల చెప్పుకొచ్చింది.

డాక్టర్ శ్రీలీల: షూటింగ్ & స్టడీస్
శ్రీలీల కేవలం నటి మాత్రమే కాదు, ఆమె ఒక మెడికల్ స్టూడెంట్ కూడా. ఈ సినిమా షూటింగ్ జరుగుతున్న సమయంలోనే ఆమె తన MBBS పూర్తి చేయడం విశేషం. ఒక పక్క షూటింగ్ హడావిడి, మరోపక్క రికార్డులు రాయడం, పరీక్షలకు హాజరుకావడం వంటివి చాలా హెక్టిక్‌గా అనిపించినా, తన తాతగారికి ఇచ్చిన మాట కోసం కష్టపడి స్టడీ పూర్తి చేశానని చెప్పింది.

ఉగాదికి 'ఫుల్ మీల్స్'
మార్చి 19న ఉగాది పండుగ కానుకగా 'ఉస్తాద్ భగత్ సింగ్' విడుదల కాబోతోంది. ఈ సినిమా ఒక 'సినిమాటిక్ ట్రీట్' అని, అభిమానులకు కావాల్సిన అన్ని ఎమోషన్లు, పవర్ ప్యాక్డ్ పర్ఫార్మెన్స్‌లు ఇందులో ఉంటాయని శ్రీలీల తెలిపింది. పవన్ కళ్యాణ్ గారు స్క్రీన్ మీద ఎంతో అందంగా ఉన్నారని, ఆయన డ్యాన్స్ ఫ్యాన్స్‌కి కనువిందుగా ఉంటుందని శ్రీలీల పేర్కొంది.

శ్రీలీల పూర్తి ఇంటర్వ్యూ కోసం మరియు మరిన్ని ఆసక్తికర సినిమా విశేషాల కోసం మా 'తెలుగువన్ సినిమా'(TeluguOne Cinema) యూట్యూబ్ ఛానెల్‌ని సబ్‌స్క్రైబ్ చేసుకోండి.

Also Read: విక్రమ్ ఆన్ డ్యూటీ వెబ్ సిరీస్ రివ్యూ