స్టార్ హీరో కార్తి ఈ రోజు 'సర్దార్ 2 'తో థియేటర్స్ లోకి వచ్చాడు. దర్శకుడు పీఎస్ మిత్రన్ కాంబినేషన్‌లో  2022 స్పై థ్రిల్లర్ హిట్ 'సర్దార్' మూవీకి సీక్వెల్‌ కావడంతో ఫ్యాన్స్ తో పాటు ప్రేక్షకులు భారీగానే థియేటర్స్ బాట పడుతున్నారు. తెలుగు రాష్ట్రాల్లో ప్రముఖ నిర్మాణ సంస్థ అన్నపూర్ణ స్టూడియోస్  విడుదల చేసింది. అయితే థియేటర్లలోకి వచ్చిన తర్వాత తెలుగు ప్రేక్షకుల నుంచి అలాగే తమిళనాడు బాక్సాఫీస్ వద్ద ఎలాంటి రెస్పాన్స్ వస్తోందనేది ఇప్పుడు చర్చనీయాంశంగా మారింది.

తెలుగు రాష్ట్రాల విషయానికి వస్తే, ప్రథమార్థంలో సినిమా కథాంశం మరియు ఎస్.జే. సూర్య ఎంట్రీతో కథ చాలా వేగంగా, ఆసక్తికరంగా సాగుతుందని నెటిజన్లు చెబుతున్నారు. ముఖ్యంగా 'రా' ఏజెంట్‌గా కార్తి నటన, తండ్రీకొడుకులుగా రెండు విభిన్న పాత్రల్లో ఆయన చూపించిన వైవిధ్యం ప్రేక్షకులను బాగా ఆకట్టుకున్నాయి. మొదటి భాగంలో ప్లాస్టిక్ వాటర్ బాటిళ్ల వల్ల జరిగే నష్టాలను ప్రధాన అంశంగా చూపించినట్లే, ఈ పార్ట్‌లో ఆహార పదార్థాలలో యాంటీబయాటిక్స్ వాడకం మరియు కృత్రిమ మాంసాహారం వల్ల సమాజానికి కలిగే పెను ముప్పుల గురించి దర్శకుడు మంచి సందేశాన్ని ఇచ్చారు. అయితే ద్వితీయార్థంలో డ్రామా తగ్గడం, సైంటిఫిక్ టెర్మ్‌లు ఎక్కువగా ఉండడం మరియు స్క్రీన్‌ప్లే కాస్త  మారీ సాగదీసినట్లు అనిపించడంతో సగటు తెలుగు ఆడియన్స్ నుంచి కొంత మిశ్రమ స్పందన (మరియు మిక్స్డ్ నెగిటివ్ టాక్) వ్యక్తమవుతోంది.

 

Also Read:సర్ధార్ 2 మూవీ రివ్యూ: Sardar 2 Movie Review Telugu

మరోవైపు తమిళనాడు బాక్సాఫీస్ పరిస్థితిని పరిశీలిస్తే, అక్కడ టాక్ మిశ్రమంగా ఉన్నప్పటికీ గ్రాండ్ ఓపెనింగ్స్ సాధిస్తోంది. విడుదలైన మొదటి రోజే దేశవ్యాప్తంగా ఉన్న 2,082 షోల ద్వారా ఈ సినిమా లైవ్ ట్రాకింగ్‌లో 1.70 కోట్ల గ్రాస్ కలెక్షన్‌ను సొంతం చేసుకుంది. ఇందులో తమిళ వెర్షన్ నుండి రూ. 90.87 లక్షలు రాగా, తెలుగు వెర్షన్ నుండి రూ. 79.46 లక్షల గ్రాస్ వసూలైంది. తమిళనాడులో కార్తికున్న మాస్ ఫాలోయింగ్ మరియు ఎస్.జే. సూర్య విలనిజానికి మంచి డిమాండ్ ఉండటంతో అక్కడ అడ్వాన్స్ బుకింగ్స్ కూడా ఊపందుకున్నాయి. రెండవ రోజు కోసం ఇప్పటికే దేశవ్యాప్తంగా దాదాపు 1,99,552 టిక్కెట్లు అమ్ముడై  2.92 కోట్ల అడ్వాన్స్ గ్రాస్ నమోదు చేయడం విశేషం.

మొత్తానికి 'సర్దార్ 2' తెలుగులో కొంత కన్ఫ్యూజింగ్ స్క్రీన్‌ప్లే వల్ల యావరేజ్ స్పై థ్రిల్లర్‌గా నిలిచినా, తమిళనాడులో మాత్రం భారీ యాక్షన్ ఎపిసోడ్స్ మరియు సామాజిక సందేశం కారణంగా బిజినెస్ పరంగా హోల్డ్ సాధించే అవకాశాలు కనిపిస్తున్నాయి. మొదటి భాగం సాధించిన 54.99 కోట్ల ఇండియా నెట్ కలెక్షన్స్ రికార్డు  దాటాలంటే రాబోయే వీకెండ్‌లో బాక్సాఫీస్ వద్ద గట్టి పోటీని ఎదుర్కోవాల్సి ఉంటుంది.

 

 

[Sardar 2, Karthi, Ps Mithran, Telugu Cinema, Telugu Cinema News, TeluguOneDotCom, Tollywood, Tollywood News]