• 'ఐరన్ మ్యాన్' సుబ్బారావు ప్రేమ కథ!
• 30 ఏళ్ళ క్రితం ఈ ఆలోచన ఎలా వచ్చింది?

తెలుగు సినిమాల్లో ఎస్.వి. కృష్ణారెడ్డి మార్కు కామెడీకి ఒక ప్రత్యేకమైన స్థానం ఉంది. వైవిధ్యమైన కథను తీసుకొని, కుటుంబ సమేతంగా చూసేలా వినోదభరితంగా తెరకెక్కించడం ఆయన శైలి. కృష్ణారెడ్డి దర్శకత్వంలో వచ్చిన విజయవంతమైన చిత్రాలలో 'ఘటోత్కచుడు'(Ghatothkachudu) ఒకటి. ఎప్పుడో 30 ఏళ్ళ క్రితమే రోబో పాత్రను సినిమాలో చూపించడం కృష్ణారెడ్డికే చెల్లింది.

1995లో వచ్చిన ఫాంటసీ కామెడీ ఫిల్మ్ 'ఘటోత్కచుడు'లో రోబో అయిన సుబ్బారావు, నటి రోజా మధ్య జరిగే సంభాషణలు అత్యంత హాస్యాస్పదంగా ఉంటాయి. రోజా ప్రేమలో రోబో పడటం అనేది భలే ఉంటుంది. 2010 లో రజినీకాంత్-శంకర్ కాంబినేషన్ లో వచ్చిన 'రోబో' సినిమాలో ఇదే తరహా ట్రాక్ ఉండటం విశేషం. 

'ఘటోత్కచుడు'లో రోబో సుబ్బారావు తనను తాను "మిస్టర్ బోన్స్ బాండ్" అని పిలుచుకుంటూ, రోజాపై తనకున్న ప్రేమను వినూత్నంగా వ్యక్తపరుస్తాడు. "నా బాడీలోని ప్రతి బోల్టు, ప్రతి వైరు, ప్రతి చిప్పు రోజా కోసం షేక్ అయిపోతున్నాయి" అంటూ ఆ రోబో చెప్పే డైలాగులు ప్రేక్షకులను కడుపుబ్బ నవ్వించాయి.

ఒక సందర్భంలో ఈ రోబో తనను కౌగిలించుకోమని రోజాను అడుగుతాడు. దానికి ఆమె సీరియస్ అవ్వడంతో, "నన్ను హర్ట్ చేస్తున్నావ్, నా మోటార్ బాధపడుతోంది" అంటూ ఆ రోబో ఏడవడం హైలైట్ అని చెప్పవచ్చు. 

అంతేకాకుండా, రంగ(ఆలీ)తో కలిసి ఈ రోబో చేసే రచ్చ, ఒక కిడ్నాపర్‌ను పట్టుకోవడానికి "టీజింగ్ చిప్" మరియు రిమోట్ కంట్రోల్ ఫుట్‌బాల్‌ను ఉపయోగించి అతడిని ఆటాడుకునే సీక్వెన్స్ కూడా భలే ఉంటాయి.

'ఘటోత్కచుడు'లో ఇలాంటి ఎన్నో గొప్ప సీన్స్ ఉన్నాయి. 90వ దశకంలోనే తెలుగు సినిమాలో రోబో అనే వినూత్నమైన కాన్సెప్ట్‌ను, అప్పటి కాలమానానికి తగ్గట్టుగా గ్రాఫిక్స్‌ను ఉపయోగించి ఈ చిత్రాన్ని అద్భుతంగా తెరకెక్కించారు. ఈ సినిమాలోని సోషియో-ఫాంటసీ అంశాలు, రోబో కామెడీ ట్రాక్ అప్పట్లో పిల్లలను విపరీతంగా ఆకట్టుకున్నాయి.

'ఘటోత్కచుడు' సినిమాలోని అద్భుతమైన సన్నివేశాలను 'తెలుగువన్'(TeluguOne) యూట్యూబ్ ఛానల్ లో చూడండి.