తన కెరీర్ లో ఎన్నో ఘన విజయాలను అందుకున్న రవితేజ(Ravi Teja).. కొంతకాలంగా సరైన విజయం కోసం ఎదురుచూస్తున్నాడు. ప్రస్తుతం శివ నిర్వాణ దర్శకత్వంలో 'ఇరుముడి'(Irumudi) సినిమా చేస్తున్నాడు. మైత్రి మూవీ మేకర్స్ నిర్మిస్తున్న ఈ సినిమా నుంచి ఇటీవల ఫస్ట్ లుక్ విడుదలై ఆకట్టుకుంది. 'ఇరుముడి'తో రవితేజ కమ్ బ్యాక్ ఇవ్వడం ఖాయమని ఫ్యాన్స్ బలంగా నమ్ముతున్నారు. ఇదిలా ఉంటే, రవితేజ ఓటీటీ ఎంట్రీకి సిద్ధమవుతున్నట్లు తెలుస్తోంది.

 

గత కొన్నేళ్లుగా స్టార్ హీరోలు కూడా ఓటీటీ షోలు, సిరీస్ లు చేయడానికి ఆసక్తి చూపుతున్నారు. ఇప్పటికే బాలకృష్ణ, వెంకటేష్, రానా, నాగ చైతన్య వంటి హీరోలు ఓటీటీ ఎంట్రీ ఇచ్చారు. ఇప్పుడు రవితేజ కూడా అదే బాటలో పయనించే అవకాశం కనిపిస్తోంది.

 

ఒక వెబ్ సిరీస్ కోసం అమెజాన్ ప్రైమ్ వీడియో రవితేజను సంప్రదించిందట. రవితేజ కూడా సిరీస్ చేయడానికి ఆసక్తి చూపిస్తున్నట్లు సమాచారం. అన్ని అనుకున్నట్లు జరిగితే త్వరలోనే అధికారిక ప్రకటన వచ్చే అవకాశముంది అంటున్నారు.

 

Also Read: రికార్డు ఓటీటీ డీల్ తో సంచలనం సృష్టిస్తున్న డ్రాగన్!