ఆర్ నారాయణ మూర్తిని వరించిన అదృష్టం
on Apr 24, 2025
పీపుల్స్ స్టార్ ఆర్. నారాయణమూర్తి రీసెంట్ గా ప్రముఖ దివంగత డాన్స్ మాస్టర్, నటుడు, తెలుగు ఫిల్మ్ అండ్ టీవీ డాన్సర్ అండ్ డాన్స్ డైరెక్టర్స్ అసోసియేషన్ వ్యవస్థాపక అధ్యక్షులు ముక్కురాజు మాస్టర్ విగ్రహ ఆవిష్కరణ వేడుకల్లో పాల్గొనడం జరిగింది.
ఈ సందర్భంగా ఆర్ నారాయణమూర్తి మాట్లాడుతు ముక్కు రాజు మాస్టర్ ఎంతో మానవీయత, గొప్ప తనం నిండిన మనిషి. అలాంటి మహానుభావుడి విగ్రహాన్ని ఆవిష్కరించే మహాభాగ్యాన్ని నాకు కల్పించిన అసోసియేషన్ సభ్యులందరికీ నా వందనాలు. అసోసియేషన్ ఇంత గొప్పగా అవ్వడానికి కారణం ముక్కురాజు మాస్టర్ నే. కొత్తవాళ్లను ఎంకరేజ్ చేయడంలో కూడా మాస్టర్ నంబర్ వన్. 24 క్రాఫ్ట్ వస్తేనే ఇండస్ట్రీ అభివృద్ధి సాధ్యం. తెలుగు సినిమా హాలీవుడ్ సినిమాలను తలదన్నే స్థాయికి వచ్చిందంటే దానికి కారణం ఇలాంటి మహానుభావులే. 24 క్రాఫ్ట్స్ ఫెడరేషన్ ఏర్పాటు కోసం 1991లో ముక్కురాజు మాస్టర్ వేసిన పునాది డ్యాన్సర్స్ అసోసియేషన్ స్థాపించడం. ఆ తర్వాత ఒక్కో యూనియన్ వచ్చాయి. నా ప్రతి సినిమాలోను మాస్టర్ పని చేశారు. అందుకే ఈ రోజు ఆయన విగ్రహాన్ని ఆవిష్కరించే అదృష్టం కలిగింది. సినీ పరిశ్రమలోని కార్మికులందరికీ చిత్రపురి కాలనీలో పక్కా ఇళ్లు కట్టించి ఇవ్వాలని కూడా సీఎం రేవంత్ రెడ్డికి నారాయణ మూర్తి ఇదే ప్రాంగణం నుంచి విన్నవించాడు.
తెలుగు సినిమా రంగంలో సుదీర్ఘ కాలం డాన్స్ మాస్టర్ గా, నటుడుగా సత్తా చాటారు ముక్కురాజు. తెలుగు వారి ఎవర్ గ్రీన్ క్లాసిక్' మాయాబజార్' లోని మోహిని భస్మాసుర అనే డ్రామా సాంగ్ తో ఆయన డాన్సింగ్, యాక్టింగ్ కెరీర్ మొదలయ్యింది. ఆ విధంగా డాన్స్ మాస్టర్ గా రెండు వందల సినిమాలు, నటుడిగా వెయ్యి సినిమాల దాక చేసారు. దీన్ని బట్టి ఆయన సినీ జర్నీ ఎంత ఘనమైనదో చెప్పుకోవచ్చు. ఆర్ నారాయణ మూర్తి నటించిన సినిమాల్లో ఎక్కువగా కనిపించిన ముక్కు రాజు మాస్టర్ 83 ఏళ్ళ వయసులో చనిపోవడం జరిగింది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
