నెక్స్ట్ లెవెల్ లో 'పుష్ప-2' ట్రైలర్.. ఇంటర్నేషనల్ రేంజ్...
on Nov 17, 2024
దేశవ్యాప్తంగా ఉన్న సినీ ప్రియులంతా ఎంతగానో ఎదురుచూస్తున్న చిత్రం 'పుష్ప-2'. డిసెంబర్ 5న థియేటర్లలో అడుగుపెట్టనున్న ఈ సినిమాపై భారీ అంచనాలు నెలకొన్నాయి. ఈ సినిమా వరల్డ్ వైడ్ గా రూ.1000 కోట్లకు పైగా గ్రాస్ రాబట్టడం ఖాయమని ట్రేడ్ వర్గాల అంచనా. ఇదిలా ఉంటే ఇప్పుడు ఈ మూవీ అంచనాలను రెట్టింపు చేసేలా ట్రైలర్ వచ్చింది. (Pushpa 2 Trailer)
ఐకాన్ స్టార్ అల్లు అర్జున్ (Allu Arjun), డైరెక్టర్ సుకుమార్ కాంబినేషన్ లో వచ్చిన 'పుష్ప-1' ఎంతటి విజయం సాధించిందో తెలిసిందే. దానికి కొనసాగింపుగా 'పుష్ప-2' వస్తోంది. నవంబర్ 17 సాయంత్రం పాట్నాలో జరిగిన ఈవెంట్ లో 'పుష్ప-2' ట్రైలర్ ను లాంచ్ చేశారు. 2 నిమిషాల 45 సెకన్ల నిడివి గల ట్రైలర్ అదిరిపోయింది. ఏనుగు ఘీంకారం, ఎర్రచందనం స్మగ్లింగ్, పెద్ద మొత్తంలో డబ్బు విజువల్స్ తో ట్రైలర్ స్టార్ట్ అయింది. "డబ్బంటే లెక్క లేదు, పవర్ అంటే భయం లేదు, వీడిలో తెలియని బాధ ఏదో ఉంది" అంటూ జగపతి బాబు చెప్పే డైలాగ్ తో పుష్పరాజ్ గా అల్లు అర్జున్ పాత్రను పరిచయం చేశారు. హీరో ఎలివేషన్స్, యాక్షన్ సీన్స్ అదిరిపోయాయి. యాక్షన్ తో పాటు.. రొమాన్స్, ఎంటర్టైన్మెంట్ కూడా ఉంటుందని రష్మిక పోషించిన శ్రీవల్లి పాత్రతో చూపించారు. ఇక పుష్పరాజ్, షకావత్(ఫహాద్ ఫాజిల్) మధ్య సన్నివేశాలు నెక్స్ట్ లెవెల్ లో ఉంటాయని ట్రైలర్ ని బట్టి అర్థమవుతోంది. "పుష్ప అంటే నేషనల్ అనుకుంటిరా ఇంటర్నేషనల్" అనే డైలాగ్ తో ఈ సినిమా స్థాయి ఏంటో చెప్పకనే చెప్పేశారు. ట్రైలర్ లో డైలాగ్స్ హైలైట్ గా నిలిచాయి. అలాగే అల్లు అర్జున్ బాడీ ల్యాంగ్వేజ్, గెటప్ లతో పాటు విజువల్స్, బ్యాక్ గ్రౌండ్ మ్యూజిక్ కూడా అదిరిపోయాయి. ఇక "రప్ప రప్ప", "పుష్ప అంటే ఫ్లవర్ కాదు, ఫైర్ కాదు.. వైల్డ్ ఫైర్" అంటూ ట్రైలర్ ని ఎండ్ చేసిన విధానం వేరే లెవెల్. మొత్తానికి పుష్పరాజ్ మరోసారి బాక్సాఫీస్ ని షేక్ చేయడం ఖాయమనిపిస్తోంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
