శ్రీరాముడిగా మహేష్ బాబు.. జక్కన్న బిగ్ స్కెచ్!
on Nov 13, 2024
సూపర్ స్టార్ మహేష్ బాబు (Mahesh Babu), దర్శకధీరుడు రాజమౌళి (Rajamouli) కాంబినేషన్ లో రూపొందనున్న సినిమా కోసం అందరూ ఎంతగానో ఎదురుచూస్తున్నారు. ఇంకా లాంచ్ కూడా కాకుండానే, ఈ మూవీపై భారీ అంచనాలు నెలకొన్నాయి. ఈ సినిమా నుంచి ఎప్పుడెప్పుడు అప్డేట్ వస్తుందా ఫ్యాన్స్ తో పాటు సినీ ప్రియులంతా ఎంతో వెయిట్ చేస్తున్నారు. అయితే ఇప్పుడు ఈ సినిమాకి సంబంధించి అదిరిపోయే న్యూస్ వినిపిస్తోంది. (SSMB 29)
ఫారెస్ట్ బ్యాక్ డ్రాప్ లో యాక్షన్ అడ్వెంచర్ గా మహేష్-రాజమౌళి సినిమా రూపొందనుందని మొదటి నుంచి వినిపిస్తున్న మాట. ఈ సినిమా కథని భారతీయ పురాణాలకు ముడిపెడుతూ రాసుకున్నారట. ముఖ్యంగా ఈ కథకి, రామాయణానికి లింక్ ఉంటుందట. అంతేకాదు, ఈ చిత్రంలోని ఒక కీలక సన్నివేశంలో మహేష్ కాసేపు శ్రీరాముని రూపంలో కనిపిస్తారట. ఈ సీన్ సినిమాకే హైలైట్ గా నిలుస్తుందని అంటున్నారు. 'ఆర్ఆర్ఆర్' క్లైమాక్స్ ఎపిసోడ్ లో అల్లూరి సీతారామ‌రాజు గెటప్ లో రామ్ చరణ్ కనిపిస్తే, ఎంతటి హై వచ్చిందో.. దానికి మించి ఎన్నో రెట్ల హై ఈ సీన్ ఇస్తుందని ఇన్ సైడ్ వ‌ర్గాల టాక్‌. (SSRMB)
మరోవైపు, తన మేనల్లుడు అశోక్ గల్లా హీరోగా నటిస్తున్న 'దేవకీ నందన వాసుదేవ' సినిమాలో కూడా మహేష్ బాబు శ్రీకృష్ణుడి రూపంలో కాసేపు దర్శనిమివ్వనున్నారని ఇటీవల వార్తలొచ్చాయి.
మహేష్ ది అందమైన రూపం. ఆయన పురాణ పురుషులైన రాముడు, కృష్ణుడు పాత్రలలో కనిపిస్తే బాగుంటుందని అభిమానులతో పాటు అందరూ భావిస్తుంటారు. అలాంటిది ఇప్పుడు ఒకేసారి అటు రాముడిగా, ఇటు కృష్ణుడిగా కనిపించనున్నాడనే వార్తలు ఆసక్తికరంగా మారాయి.
Also Read
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
