పుష్ప 2,యానిమల్ అంత లేని గేమ్ చేంజర్..మెగా ఫ్యాన్స్ లో జోష్
on Dec 29, 2024
గ్లోబల్ స్టార్ రామ్ చరణ్(ram charan)ఐఏఎస్ ఆఫీసర్ గా నటిస్తున్న పాన్ ఇండియా చిత్రం గేమ్ చేంజర్(game changer)ఇండియన్ గ్రేటెస్ట్ డైరెక్టర్ శంకర్(shankar)దర్శకత్వంలో తెరకెక్కుతున్న ఈ మూవీని శ్రీ వెంకటేశ్వర క్రియేషన్స్ పై దిల్ రాజు(dil raju)తన ఎంటైర్ కెరీర్లోనే అత్యంత భారీ వ్యయంతో నిర్మిస్తున్నాడు.ఇటీవల యుఎస్ లో జరిగిన ప్రీ రిలీజ్ ఈవెంట్ లో 'ధోప్' సాంగ్ రిలీజ్ అవ్వగా, ఆ సాంగ్ ని చూసీ ఇంత రిచ్ సాంగ్ నాదేనా అని కన్నీళ్లు కూడా పెట్టుకున్నాడు.దీన్ని బట్టి గేమ్ చేంజర్ సినిమా యొక్క క్వాలిటీని అర్ధం చేసుకోవచ్చు.శంకర్ తో సహా ఈవెంట్ కి హాజరయిన దర్శకుడు సుకుమార్ కూడా సినిమా గ్యారంటీ హిట్ అని కూడా చెప్పుకొచ్చారు.
ఇక రీసెంట్ గా రామ్ చరణ్ యువశక్తీ అభిమానులు గేమ్ చేంజర్ రిలీజ్ సందర్భంగా నలభై లక్షల రూపాయల వ్యయంతో విజయవాడలో 256 అడుగుల భారీ కట్ అవుట్ ని ఏర్పాటు చేసి హెలికాఫ్టర్ చేత కట్ అవుట్ పై పూల వర్షాన్ని కురిపించడం జరిగింది.ఈ కార్యక్రమానికి నిర్మాత దిల్ రాజు ముఖ్య అతిధిగా విచ్చేశాడు.ఈ సందర్భంగా ఆయన మాట్లాడుహతు గేమ్ చేంజర్ మూవీ బాగా వచ్చిందని,అభిమానులని,ప్రేక్షకులని నిరాశపరచదని సరికొత్త రికార్డులు కొట్టబోతున్నామని చెప్పడం జరిగింది. సినిమా డ్యూరేషన్ రెండు గంటల నలభై ఐదు నిమిషాలే ఉంటుంది. తెలుగు ప్రేక్షకులు ఇంత నిడివినే కోరుకుంటారని శంకర్ ని ఒప్పించి మరి రెండు గంటల నలభై ఐదు నిమిషాలకి కట్ చేయించడం జరిగిందని చెప్పుకొచ్చాడు. ఈ మద్యన చాలా పాన్ ఇండియా సినిమాలు మూడుగంటల పైన నిడివితో వస్తున్నాయి.పుష్ప 2 ,యానిమల్ చిత్రాలే అందుకు ఉదాహరణ. దీంతో చాలా మంది ప్రేక్షకులు అంత నిడివి భరించడం కష్టమనే మాటలని అటు విశ్లేషకులతో పాటు ప్రేక్షకుల నుంచి వినిపిస్తున్నాయి.అలాంటిది ఇప్పుడు గేమ్ చేంజర్ లాంటి పాన్ ఇండియా మూవీ రెగ్యులర్ డ్యూరేషన్ తో రావడం ప్రేక్షకులకి కొంత రిలీఫ్ అని చెప్పవచ్చు.
ఇక జనవరి 4 లేదా 5 న భారీ ఎత్తున ప్రీ రిలీజ్ ఈవెంట్ ని నిర్వహిస్తామని,ఆ ఈవెంట్ కి చీఫ్ గెస్ట్ గా పవన్ కళ్యాణ్ వస్తున్నాడని దిల్ రాజు చెప్పడం జరిగింది.దీంతో మెగా ఫ్యాన్స్ లో ఫుల్ జోష్ వచ్చినట్లయింది. కాకపోతే ఎక్కడ నిర్వహిస్తామనే విషయంలో మాత్రం ఆయన క్లారిటీ ఇవ్వలేదు. చరణ్ ఐఏఎస్ ఆఫీసర్ గా కనిపిస్తున్న ఈ మూవీలో చరణ్ సరసన కియారా అద్వానీ జోడి కట్టగా అంజలి, శ్రీకాంత్,ఎస్ జె సూర్య, సునీల్ తదితరులు ముఖ్య పాత్రల్లో కనిపిస్తున్నారు. తమన్ సంగీత సారధ్యంలో ఇప్పటికే రిలీజైన నాలుగు పాటలు,ఒక రేంజ్ లో ఉన్నాయి. త్వరలోనే ఐదో పాట కూడా రిలీజ్ కానుంది.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
