ఎన్టీఆర్ కి మొదటి సినిమా ఛాన్స్ ఇచ్చింది ఈవిడే..!
on Jun 11, 2023
సి. కృష్ణవేణి ఆంద్రప్రదేశ్ రాష్ట్రంలోని రాజమండ్రిలో జన్మించారు. 'సతీ అనసూయ' సినిమాతో తెలుగు సినిమాలలో ఎంట్రీ ఇచ్చి 1940 లలో అగ్ర కథానాయికలలో ఒకరిగా ఉన్న సి. కృష్ణవేణి.. తెలుగు సినిమా నిర్మాత అయిన మీర్జాపురం రాజాని పెళ్ళి చేసుకొని, ఆ తర్వాత తను కూడా సినిమాలకి నిర్మాతగా వ్యవహరించారు. తెలుగు సినిమా పరిశ్రమకు ఈమె చేసిన జీవితకాలపు కృషికి గాను 2004 లో ప్రతిష్టాత్మక రఘుపతి వెంకయ్య అవార్డు అందుకున్నారు. నందమూరి తారకరామారావుని 'మన దేశం' సినిమా ద్వారా తెలుగు ప్రేక్షకులకు నటుడిగా పరిచయం చేసిన ఒక గొప్ప నటి, నిర్మాత సి. కృష్ణవేణి.. తెలుగువన్ కి ఇచ్చిన ఇంటర్వ్యూలో పలు ఆసక్తికరమైన విషయాలను షేర్ చేసుకున్నారు.
శకపురుషుడు శ్రీ నందమూరి తారకరామారావు శతజయంతి వేడుకలు జరుగుతున్న సంవత్సరమిది. 'మన దేశం' సినిమాలో ఎన్టీఆర్ గారిని ఒక పోలీస్ ఇన్స్పెక్టర్ గా పరిచయం చేశారు? ఎలా తీసుకున్నారని అడుగగా.. ఎల్వీ ప్రసాద్ గారికి, ఎన్టీఆర్ గారు ఎలా పరిచయమో నాకు తెలియదు. కానీ మా ఆయన నా దగ్గరకి వచ్చి .. నువ్వు ఈ పొలిటికల్ సినిమా తీయడం నాకు నచ్చలేదని చెప్పాడు. ఆ తర్వాత నేను స్టుడియోకి వెళ్ళాను. అప్పడే అక్కడ ఎల్వీ ప్రసాద్ గారు, ఎన్టీఆర్ గారు కూర్చున్నారు. ఏమిటని నేను అడుగగా.. మన సినిమాకి పోలీస్ ఇన్స్పెక్టర్ వేషం కోసం ఇతడిని తీసుకొచ్చానని ఆయన చెప్పగానే.. ఆయనని చూసి అలానే చూస్తుండిపోయాను. ఆ తర్వాత మా మేనేజర్ ని పిలిచి చెక్ మీద సంతకం చేసి ఇచ్చేసి వెళ్తుండగా.. ఎన్టీఆర్ నన్ను ఆగమని చెప్పి.. నా చేతుల మీదుగా చెక్కు ఇవ్వమని చెప్పారు. నేను నా చేతులమీదుగా చెక్ ఎన్టీఆర్ కి ఇచ్చానని సి. కృష్ణవేణి చెప్పారు.
మన దేశం సినిమాకి ఎన్టీఆర్ ఎన్ని రోజులు పని చేశారో తెలుసా అని అడుగగా.. చాలా రోజులే పని చేశారు. కానీ ఆయన షూటింగ్ కి వచ్చిన మొదటి రోజునే ఏదో బాగా అనుభవం గల నటుడిగా అనిపించాడని సి. కృష్ణవేణి చెప్పారు. 'మన దేశం' సినిమా తర్వాత మళ్ళీ ఎన్టీఆర్ గారు మిమ్మల్ని కలిసారా అని అడుగగా.. ఆ సినిమా తర్వాత ఎన్టీఆర్ గారు ఎక్కడికి వెళ్ళినా నేను కనిపిస్తే చాలు .. గబుక్కున లేచి ఈవిడ నా ఫస్ట్ సినిమా ప్రొడ్యూసర్ గారండి అని అందరికి చెప్తుంటే ఎంతో బాగుండేది. నాకు ఒక సంతృప్తి అని సి. కృష్ణవేణి చెప్పారు. ఆ తర్వాత ఎన్టీఆర్ సినిమా షూటింగ్ టైంలో ఎలా ఉండేవారో చెప్పుకొచ్చారు. ఇలా ఎన్టీఆర్ తో తనకున్న అనుబంధం గురించి కెరీర్ విషయాలను తెలుగువన్ కి ఇచ్చిన ఇంటర్వ్యూలో షేర్ చేసుకున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
