Spirit: ప్రభాస్ ఫ్యాన్స్ కి బిగ్ న్యూస్.. సందీప్ రెడ్డి మాట నిలబెట్టుకుంటాడా?
on Nov 19, 2025
ప్రభాస్ ఫ్యాన్స్ కి గుడ్ న్యూస్
ఎట్టకేలకు సెట్స్ పైకి స్పిరిట్
షూటింగ్ కి ముహూర్తం ఫిక్స్
ప్రభాస్, సందీప్ రెడ్డి వంగా కాంబినేషన్ లో రూపొందనున్న 'స్పిరిట్' (Spirit) మూవీ సెట్స్ పైకి ఎప్పుడు వెళ్తుందా అని అభిమానులు ఎంతగానో ఎదురుచూస్తున్నారు. నవంబర్ చివర్లో షూటింగ్ మొదలవుతుందని ఇటీవల సందీప్ రెడ్డి చెప్పారు. అయినప్పటికీ ఫ్యాన్స్ లో చిన్న అనుమానం ఉంది. అయితే ఈసారి ఎటువంటి డౌట్ అక్కర్లేదని, డేట్ కూడా లాక్ అయిందని తెలుస్తోంది.
నిజానికి స్పిరిట్ మూవీ ప్రకటన వచ్చి చాలా కాలమైంది. గతేడాది షూటింగ్ స్టార్ట్ అవుతుందని చెప్పారు.. కానీ, అది జరగలేదు. ఈ ఏడాదైనా సెట్స్ పైకి వెళ్తుందా? అని ఫ్యాన్స్ ఆశగా చూస్తున్నారు.
ప్రభాస్, సందీప్ రెడ్డి కాంబో కావడంతో ప్రకటనతోనే 'స్పిరిట్'పై భారీ అంచనాలు ఏర్పడ్డాయి. ఇక ప్రభాస్ పుట్టినరోజు సందర్భంగా అక్టోబర్ లో ఆడియో టీజర్ రిలీజ్ చేయగా.. సూపర్ రెస్పాన్స్ వచ్చింది. దీంతో ఆ అంచనాలు రెట్టింపు అయ్యాయి. అందుకే 'స్పిరిట్' కోసం ఫ్యాన్స్ ఇంతలా వెయిట్ చేస్తున్నారు.
Also Read: బాలయ్య, బోయపాటి మధ్య విభేదాలు.. ఈ ఈవెంట్ తో క్లారిటీ వచ్చేసింది!
ఇటీవల 'జిగ్రీస్' మూవీ ఈవెంట్ లో సందీప్ మాట్లాడుతూ.. నవంబర్ చివరిలో 'స్పిరిట్' స్టార్ట్ అవుతుందని చెప్పాడు. అయితే గతేడాది నుండి అదిగో ఇదిగో అంటున్నారు తప్ప మొదలవ్వట్లేదు. ఈసారి కూడా అలాగే అవుతుందని అభిమానుల్లో కాస్త భయం ఉంది.
ఈసారి ఫ్యాన్స్ కి ఎలాంటి భయం అక్కర్లేదని, 'స్పిరిట్'కి ముహూర్తం ఖరారైందని సమాచారం. నవంబర్ 23న ఈ మూవీ పట్టాలెక్కనుందని తెలుస్తోంది.
సందీప్ రెడ్డికి వేగంగా షూటింగ్ కంప్లీట్ చేస్తాడనే పేరుంది. ప్రీ ప్రొడక్షన్ వర్క్ కి తగినంత టైం కేటాయించి, పక్కా ప్లాన్ తో షూట్ కి వెళ్తుంటాడు. అన్నీ అనుకున్నట్టు జరిగితే.. వచ్చే ఏడాది 'స్పిరిట్' థియేటర్లలో అడుగుపెట్టే అవకాశముంది.
ఇంకో విశేషం ఏంటంటే.. స్పిరిట్ కోసం ప్రభాస్ కి అదిరిపోయే లుక్ ని డిజైన్ చేశారట. ఈ లుక్ ఫ్యాన్స్ తో పాటు, అందరినీ సర్ ప్రైజ్ చేయడం ఖాయమని అంటున్నారు.
.WEBP)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
