వైకాపా నేతల ఆ విమర్శల వెనుక వ్యూహం ఏమిటో?

Publish Date:Dec 12, 2015

Advertisement

 

వైకాపా నేతలు అందరూ కూడబలుకొన్నట్లుగా ఒకేసారి మూకుమ్మడిగా తెదేపా ప్రభుత్వంపై , ముఖ్యమంత్రి చంద్రబాబు నాయుడుపై విమర్శలు గుప్పిస్తుండటం చూస్తుంటే దాని వెనుక ఏదయినా సరికొత్త వ్యూహం సిద్దం చేసుకొన్నారా? అని అనుమానం కలుగుతోంది. ఆ పార్టీకి చెందిన బొత్స సత్యనారాయణ, వాసిరెడ్డి పద్మ, ధర్మాన ప్రసాదరావు ఒకేసారి మూడు వేర్వేరు ప్రాంతాల నుండి ప్రభుత్వంపై విరుచుకుపడ్డారు. విజయవాడ నగరంలో బయటపడిన సెక్స్ రాకెట్, కల్తీ మద్యం, ఇసుక మాఫియా అంశాలను ప్రస్తావిస్తూ వారు విమర్శలు గుప్పించారు. కానీ బాక్సైట్ తవ్వకాల గురించి తమ నాయకుడు జగన్మోహన్ రెడ్డి చేసిన పోరాటం గురించి ఎవరూ పెద్దగా మాట్లాడకపోవడం గమనార్హం.

 

ప్రత్యేక హోదా అంశంతో తెదేపా ప్రభుత్వాన్ని ఇరుకున పెడదామని ప్రయత్నించి చివరికి జగన్మోహన్ రెడ్డి చాలా అవమానకరంగా తన ఆమరణ నిరాహార దీక్షను ముగించవలసి వచ్చింది. ఆ తరువాత మళ్ళీ ప్రత్యేక హోదా ఊసే ఎత్తలేదు. అప్పటి నుండి అటువంటి అంశం కోసం వైకాపా నేతలు అన్వేషిస్తున్నారు. బాక్సైట్ తవ్వకాలకు అనుమతిస్తూ ప్రభుత్వం ఉత్తర్వులు జారీ చేయగానే వైకాపా తమ పోరాటాలు కొనసాగించేందుకు మళ్ళీ మంచి బలమయిన కారణం దొరికిందని సంతోషపడ్డారు. కానీ వారి అత్యుత్సాహం కారణంగా అప్రమత్తమయిన ప్రభుత్వం బాక్సైట్ తవ్వకాల కోసం తను జారీ చేసిన ఉత్తర్వులను నిలిపివేసింది. బాక్సైట్ తవ్వకాలను వ్యతిరేకిస్తూ వైకాపా పోరాడుతున్నప్పటికీ ప్రభుత్వం తీసుకొన్న ఆ నిర్ణయం దానికి బహుశః నిరాశ కలిగించి ఉండవచ్చును. ఒకప్పుడు మనసులో రాష్ట్ర విభజన జరగాలని కోరుకొంటూనే, మళ్ళీ దానిని వ్యతిరేకిస్తు పోరాడినట్లే, ఇప్పుడు బాక్సైట్ తవ్వకాల విషయంలో కూడా ప్రయత్నించింది. కానీ మళ్ళీ ఆ విషయంలో కూడా వైకాపా భంగపడింది.

 

చింతపల్లి సభకు బాగానే జనసమీకరణ చేసి విజయవంతం అయిందనిపించుకొన్నారు. కానీ రాష్ట్ర ప్రభుత్వం తన ఉత్తర్వులను నిలిపివేసినప్పటికీ జగన్మోహన్ రెడ్డి చింతపల్లి వెళ్లి బహిరంగ సభ ఎందుకు నిర్వహించారోనని రాజకీయ వర్గాలలో వారు నవ్వుకొంటున్నారు. ఆ సభ నిర్వహించడం వలన వైకాపాకు కొత్తగా ఒరిగిందేమీ లేదు కానీ వైకాపా ఎమ్మెల్యే గిడ్డి ఈశ్వరి ముఖ్యమంత్రి చంద్రబాబు నాయుడు గురించి నోటికి వచ్చినట్లు మాట్లాడటం వలన, ఆ సభ ద్వారా వైకాపా చెప్పాలనుకొన్నది ప్రజలకు చేరకపోగా తప్పుడు సంకేతాలు పంపినట్లయింది. సభలో జగన్ మాటల కంటే ఆమె మాటలే హైలైట్ అయ్యాయి. చివరికి ఆమెను పోలీసులు అరెస్ట్ చేసే పరిస్థితి కూడా కనబడుతోంది. ఇదంతా ఎలాగ ఉందంటే ఆపరేషన్ సక్సెస్ పేషంట్ డెడ్ అన్నట్లుంది.

 

నిజానికి వైకాపా నేతలందరూ తమ చింతపల్లి సభ విజయవంతం అవడం గురించి, బాక్సైట్ తవ్వకాల గురించి మాట్లాడి ఉండాల్సింది. కానీ ఎవరూ ఆ ప్రసక్తి ఎత్తడం లేదంటే మళ్ళీ మరోమారు తాము తప్పటడుగు వేశామని గ్రహించినట్లు అర్ధమవుతోంది. బహుశః అందుకే ప్రజల దృష్టిని దాని నుండి మళ్ళించడానికి వైకాపా నేతలందరూ కూడబలుకొన్నట్లు ప్రభుత్వంపై విమర్శలు గుప్పిస్తున్నట్లున్నారు.

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.