మంత్రాలకు చింతకాయల్లాగే… పంచులకు ఓట్లు రాలవు!

Publish Date:Aug 14, 2018

Advertisement

సినిమా వాళ్లు రాజకీయాల్లోకి రావచ్చా? ఖచ్చితంగా రావచ్చు! కాకపోతే , సినిమాల్లో వున్నప్పుడు వాళ్లు అటెండ్ అయ్యే ఆడియో రిలీజ్ వేడుకలు వేరు… రాజకీయ బహిరంగ సభలు వేరు! ఈ తేడా అర్థం చేసుకుని కాస్త పరిణతితో మాట్లాడాలి. సినిమాల్లో వున్నప్పుడు సినిమా హీరోలు వేదిక మీద నుంచీ ఏం మాట్లాడినా ఈలలు వేస్తారు. కాకపోతే వాళ్లెవరూ ఓటర్లు కారు. ఫ్యాన్స్! అభిమానులకి హీరో తుమ్మినా, దగ్గినా నచ్చుతుంది. ఇక పంచ్ డైలాగ్ లు చెబితే వార్ని ఆపగలమా? అదే ఆడియో రిలీజ్, ప్రీ రిలీజ్ వేడుకల్లో హుషారుకి కారణం!

రాజకీయ బహిరంగ సభలు, పాదయాత్రల్లో సినిమా హీరోలు ఆచితూచి మాట్లాడాలి. లేదంటే అప్పటికప్పుడు ఈలలు రావచ్చు కానీ… తరువాత మాత్రం గోలలే మిగులుతాయి. ఈ సత్యం గతంలో చాలా మంది సినీ సెలబ్రిటీలు తెలుసుకోలేదు. తాజాగా జనసేనాని పవన్ కూడా గ్రహించటం లేదు!

 

 

పవన్ పబ్లిక్ లో మాట్లాడితే ఎలా వుంటుందో ప్రజారాజ్యం కాలంలోనే తెలిసిపోయింది. అప్పట్లో కాంగ్రెస్ నేతల పంచెలూడగొట్టాలంటూ పంచ్ డైలాగ్ లు వేశాడు. తరువాత ఆ మధ్య కేసీఆర్ తాట తీస్తానన్నాడు. ఇక ఇప్పుడు పూర్తి స్థాయి పొలిటీషన్ అవతారం ఎత్తాక మరిన్ని బాంబులు పేలుస్తున్నాడు ఈ ఆరు అడుగుల బుల్లెట్! కానీ, వాటి వల్ల ఎంత వరకూ ఓట్లు రాలుతాయి? ఇదీ జనసేనాని వేసుకోవాల్సిన ప్రశ్న! బహుశా ఆయన జాతీయ స్థాయిలో రాహుల్, రాష్ట్ర స్థాయిలో జగన్ని ఆరద్శంగా తీసుకుంటున్నారేమో! అందుకే, ఎవరి మీదంటే వారి మీద వ్యక్తిగత విమర్శలు చేస్తుంటారు. అదీ తన ఇష్టానుసారమైన భాషలో! వాటికి ఎలాంటి ఆధారాలు కూడా వుండవు. అందుకే, చివరకు టీడీపీ నేత ఒకాయన విసిగిపోయి పవన్ అంటే గాలి అని… ఆయనవన్నీ గాలి మాటలనీ తేల్చేశారు! ఇదే ఫీలింగ్ ఓటర్లకు కలిగితే… ఇప్పుడు వినిపించే విజిల్సే మిగులుతాయి తప్ప విజయాలు కాదు!

 

 

చంద్రబాబును, లోకేష్ ను తిడుతూ జగన్ తో బాటూ ప్రతీ రోజూ రోడ్డు మీదే వుంటోన్న పవన్ ఎప్పటికప్పుడు అసందర్భపు విమర్శలు చేస్తూనే వున్నారు. జనసేన అధ్యక్షుడిగా ఆయన సీఎంను, మినిస్టర్ అయిన లోకేష్ ను విమర్శించవచ్చు. కానీ, దానికి ఓ పద్ధతంటూ వుంటుంది కదా? అదేం లేకుండా తనకు ఆ రోజు ఏది గుర్తుకు వస్తే అది ప్రయోగిస్తుంటాడు పవన్! తాజాగా వున్నట్టుండీ… లోకేష్ కు హితబోధ చేశాడు. ఆయన కెనడీ, అబ్రహం లింకన్, గాంధీ జీ వంటి వార్ని ఆదర్శంగా తీసుకోవాలట! చంద్రబాబును కాదట. చంద్రబాబు వెన్నుపోటుదారుడని పరమ రోటీన్ గా ఓ విమర్శ విసిరేశాడు. అసలు లోకేష్ చేసిన తప్పేంటి? చంద్రబాబును ఆదర్శంగా తీసుకుని ఆయన ఏపీ ప్రజలకు చేసిన హాని ఏంటి? పవన్ వద్ద దేనికీ సరైన సమాధానం వుండదు. లోకేష్ అవినీతి అంటూ ఊగిపోతుంటాడు. అది నిజమే అయితే ఒక్కటంటే ఒక్క కేసులోనైనా కోర్టుకి వెళ్లొచ్చు కదా? పోనీ మీడియా ముందు నీ దగ్గరున్న ఆధారాలు పెట్టొచ్చు కదా? లోకేష్ అవినీతి చేశాడని చెప్పటమే తప్ప ఏనాడూ దానికి ఆధారం చూపిన పాపాన పోవటం లేదు మన గబ్బర్ సింగ్! ఇలా చేస్తే రేపు ఓటు వేయటానికి బయలుదేరిన జనం ఎలా నమ్ముతారు?

 

 

గతంలో ఓ సారి కాకినాడలో సభ పెట్టిన పవన్ తెలంగాణ చరిత్ర మొత్తం చెప్పాడు! కాకినాడ జనానికి తెలంగాణ చరిత్రకి ఏంటి సంబంధం? ఇప్పటికే అలాగే మాట్లాడుతుంటాడు! జగన్ తన మూడు పెళ్లిల్ల గురించి ఓ సారి మాట్లాడాడు. తరువాత ఆయన సైలెంట్ అయిపోయాడు. పవన్ మాత్రం మళ్లీ మళ్లీ దాన్ని గుర్తు చేసుకుని స్పందిస్తున్నాడు. తనతో వుండటం కష్టమని తానే చెప్పుకున్నాడు. అందుకే, తనని వదిలేసి వెళ్లిపోయారనీ, మూడు పెళ్లిల్లు చేసుకోవటం తన ఖర్మ అని అంటున్నాడు. ఆయన వ్యక్తిగత జీవితం ఆయన ఇష్టం. ఆయన పెళ్లిల్లపై ఎవరూ కామెంట్ చేయక్కర్లేదు. కానీ, అదే సమయంలో ఎప్పుడు పడితే అప్పుడు పవనే స్వయంగా తన ట్రిపుల్ మ్యారేజ్ వ్యవహారం డిస్కస్ చేస్తుంటే … అది చివరకు హాస్యంగా మారిపోతుంది! అసలు ఒక పార్టీకి అధినేతగా వుండి ఎలా మాట్లాడాలో పవర్ స్టార్ ఎవరి వద్దైనా ట్యూషన్ పెట్టించుకుంటే మంచిది! జనాన్ని ఆకర్షించే ప్రయత్నంలో వున్నప్పుడు పీఆర్ చాలా ముఖ్యం. మోదీ లాంటి వారే తగిన శిక్షణ, జాగ్రత్తలు తీసుకుంటారంటారు. పవన్ కూడా ఆ పని చేయాలి! లేదంటే పసలేని ఆరోపణలు చేసిన ఈ యాత్రలు, బహిరంగ సభలన్నీ … ఫ్లాప్ సినిమాకు ముందు అట్టహాసంగా జరిగే ఆడియో, ప్రీ రిలీజ్ వేడుకల్లా యూట్యూబ్ లో మిగిలిపోతాయి!

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.