గ్వాలియర్ నుంచీ గాల్లో కలిసేదాకా… వాజ్ పేయ్ మహాప్రస్థానం!

Publish Date:Aug 17, 2018

Advertisement

డిసెంబర్ 25, 1924 – ఆగస్ట్ 16, 2018… ఒక శకం ముగిసింది! ఒక శకటం ఆగిపోయింది! కాలమనే కురుక్షేత్రంలో తనకు తానే కృష్ణుడై, తానే అర్జునుడై ఒక వీరుడు చేసిన యుద్ధం అంతమైంది! అటల్ బిహారీ వాజ్ పేయ్ మరణించారు! దిల్లీలోని ఎయిమ్స్ లో ఆయన 93 వయస్సులో తుదిశ్వాస విడిచారు! ఎక్కడో గ్వాలియర్లో పుట్టిన ఒకానొక సాదాసీదా భారతీయుడు దేశ ప్రధానిగా చరిత్ర సృష్టించారు! ఇంకేం కావాలి? హిందూ శాస్త్రాలు చెప్పిన సంపూర్ణ, పరిపూర్ణ జీవితం… ఈ హిందూత్వవాద కర్మ యోగి స్వంతం! రండి, ఒక సారి గ్వాలియర్ నుంచీ గాల్లో కలిసేదాకా ఈ కమలదళ భీష్మపితామహుని మహప్రస్థానం పరికిద్దాం…

 

 

1.    డిసెంబర్ 25, 1924న అవతరించారు అటల్ బిహారీ వాజ్ పేయ్! గ్వాలియర్ నగరంలోని ఓ సాదాసీదా భారతీయ కుటుంబం ఆయనది!

2.    మామూలుగా టీనేజ్ లో అందరూ ప్రేమలో పడతారు! కానీ, తన జీవిత కాలం భీష్మ పితామహుడిలా బ్రహ్మచారిగా మిగిలిన వాజ్ పేయ్ దేశంతో ప్రేమలో మునిగిపోయారు! టీనేజ్ లోనే ఆయన మొదట కమ్యూనిజం వైపు ఆకర్షితులై స్వతంత్రోద్యమంలో పాల్గొన్నారు. తరువాత అది సరిపడదని గ్రహించి ఆరెస్సెస్ తో లీనమయ్యారు! అదే అటల్ బీహారీ వాజ్ పేయ్ అనే చరిత్రకు శ్రీకారం!

3.    1950లలో వాజ్ పేయ్ ఆరెస్సెస్ వారి పత్రిక ఒకటి నడిపారు. అందుకోసం తన న్యాయవాద విద్యని కూడా వదిలేశారు. లా కాలేజ్ నుంచీ బయటకు వచ్చి సంఘం సేవలో మునిగారు. మెల్లమెల్లగా ఆరెస్సెస్ లోని మితవాద బృందానికి ఆయన ముఖ్యగొంతుక అయ్యారు!

 

 

 

4.    కమ్యూనిజాన్ని వదిలి ఆరెస్సెస్ ను ఎంచుకున్న వాజ్ పేయ్ క్విట్ ఇండియా ఉద్యమంతోనే తన పోరాటాలు మొదలు పెట్టారు. అయితే, ఆయన జీవితంలో కీలక మలుపు మరో జాతీయ వాద నేత శ్యామా ప్రసాద్ ముఖర్జీతో పరిచయం వల్ల ఏర్పడింది. శ్యామా ప్రసాద్ ముఖర్జీ జనసంఘ్ స్థాపించారు. అదే తరువాతి కాలంలో భారతీయ జనతా పార్టీ అయింది. శ్యామా ప్రసాద్ ముఖర్జీ ప్రధాన అనుచరుడుగా వాజ్ పేయ్ కొనసాగారు…

5.    1953లో శ్యామా ప్రసాద్ ముఖర్జీ ఆమరణ నిరాహార దీక్ష చేశారు! కాశ్మీర్లో ప్రవేశించటానికి భారతీయులకి ప్రత్యేక అనుమతి పత్రం అవసరమని నెహ్రు ప్రభుత్వం రూల్ పెట్టింది. ఈ ఐడెంటిటి కార్డు రాజకీయాల్ని నిరసిస్తూ ముఖర్జీ నిరాహార దీక్ష చేశారు. వాజ్ పేయ్ ఆయన పక్కనే వున్నారు! అదే ఆయనలో గణనీయమైన మార్పు తీసుకొచ్చింది. తరువాత శ్యామా ప్రసాద్ ముఖర్జీ డిమాండ్ చేసినట్టు కాశ్మీర్ లోకి అనుమతి పత్రాలు వుంటేనే ప్రవేశం అనే నిబంధన తొలిగింది. కానీ, ఆ మహానేత తరువాత కొన్నాళ్లకే మరణించారు. ఇది కూడా వాజ్ పేయ్ ని తాను నమ్మిన జాతీయ వాద, హిందూత్వ సిద్దాంతానికి మరింత దగ్గర చేసింది. ముఖర్జీ ఆశయ సాధన కోసం వాజ్ పేయ్ ముందుకు సాగుతూ వచ్చారు…

6.   1957లో శ్యామా ప్రసాద్ ముఖర్జీ ప్రేరణతోనే వాజ్ పేయ్ ప్రత్యక్ష ఎన్నికల బరిలోకి కాలు పెట్టారు! ఎంపీగా గెలిచి పార్లమెంట్లో ప్రవేశించారు!1

7.   1957 నుంచీ 2009 వరకూ అటల్ ఏకబిగిన పదిసార్లు గెలుస్తూనే వచ్చారు ప్రజాప్రతినిధిగా! అర్థ శతాబ్దం పాటూ ఆయన లేకుండా మన పార్లమెంట్ వుండేదే కాదు! అంతగా స్వతంత్ర భారతంలో ఆయన అంతర్భాగం అయ్యారు!

8.   నెహ్రు కాలంలోనే కాంగ్రెస్ ను ఢీకొట్టి హిందూత్వ రాజకీయాలు నెరిపిన జాతీయ వాది వాజ్ పేయ్! చివరకు ఆయనే అయిదేళ్లు దిగ్విజయంగా భారతదేశాన్ని ఏలిన తొలి కాంగ్రేసేతర ప్రధాని అయ్యారు!

9.   వాజ్ పేయ్ ప్రధాని ప్రస్థానం అంత తేలిగ్గా జరగలేదు. సెక్యులర్ పార్టీల అవకాశవాద రాజకీయాలు బీజేపీని అప్పట్లో అంటరాని పార్టీగా చూసేవి! అందువల్ల సరైన సంఖ్యాబలం లేక తొలిసారి 1996లో 13 రోజులకే పదవి నుంచీ దిగిపోవాల్సి వచ్చింది వాజ్ పేయ్!

 

 

10.  1998లో మరోసారి ప్రధాని అయినా… 13 నెలల్లో ప్రధాని పదవికి రాజీనామా చేశారు. జయలలిత మద్దతు ఉపసంహరణతో కేవలం ఒకే ఒక్క ఎంపీ ఓటు లోటుగా వుండి అధికారం కోల్పోవాల్సి వచ్చింది. అయినా ధర్మం వైపే నిలిచారు కానీ… వాజ్ పేయ్ ఇతర పార్టీల ఎంపీలతో బేరసారాలు చేయలేదు!

11.    ఆయన సహనానికి, ధర్మ నిరతకి దైవం కూడా మెచ్చింది! ఎట్టకేలకు 1999లో ఎన్డీఏ ప్రభుత్వం ఏర్పడింది! ఈసారి వాజ్ పేయ్ ప్రధాని అయ్యారు! చరిత్రలో తొలిసారి కాంగ్రెస్ కు చెందని నాయకుడు అయిదేళ్లు విజయవంతంగా దేశాన్ని పరిపాలించాడు! కొత్త శతాబ్దంలో కొత్త చరిత్ర రచన జరిగింది!

12.   వాజ్ పేయ్ ప్రధానిగా ప్రోక్రన్ అణు పరీక్షలు జరిపి ప్రపంచానికి సరికొత్త భారతదేశాన్ని ఆవిష్కరించారు! పాకిస్తాన్ కు గుణపాఠాలు, చైనాకు పాఠాలు నేర్పారు! వరుస కాంగ్రెస్ ప్రభుత్వాలు చేయని సాహసం వాజ్ పేయ్ తన అయిదేళ్ల పాలనలో చేసి చూపారు! అంతర్జాతీయంగా ఇండియా ధీటైన శక్తిగా మారింది!

13.   అతివాద హిందూ శక్తుల నుంచీ ఎంత ఒత్తిడి వచ్చినా వెనక్కి తగ్గని వాజ్ పేయ్ లాహోర్ బస్సు యాత్ర చేసి పాకిస్తాన్ కు స్నేహ హస్తం చాచారు. కానీ, దాన్ని దుర్వినియోగం చేసిన ఉగ్రవాద దేశానికి కార్గిల్ సమయంలో గట్టిగా బుద్ది చెప్పారు! పాక్ పై యుద్ధంలో దేశాన్ని గెలిపించిన తొలి కాంగ్రేసేతర ప్రధాని కూడా వాజ్ పేయే!

14.  చిరకాల మిత్రుడు అద్వాణీతో కలిసి రామజన్మభూమి ఉద్యమంలో పాల్గొన్నప్పటికీ వాజ్ పేయ్ ముస్లిమ్ లకు , ఇతర మైనార్టీలకు, సెక్యులర్ పార్టీలు, నాయకులకి… అభ్యంతరం లేని నేతగా ఎదుగుతూ వచ్చారు! ఆయనని చాలా మంది రైట్ మ్యాన్ ఇన్ రాంగ్ పార్టీ అనటమే ఇందుకు నిదర్శనం! ఒక్కమాటలో చెప్పాలంటే ఆయన హిందూత్వవాదులకి , కానీ వారికి కూడా మిత్రుడైన ఆజాతశత్రువు!

15.   మొరార్జీ దేశాయ్ ప్రభుత్వ కాలంలోనే విదేశాంగ శాఖా మంత్రిగా వున్న ఆయన ఐక్య రాజ్య సమితి సమావేశంలో తన చారిత్రాత్మక హిందీ ప్రసంగం చేశారు! ఆ తరువాత కూడా ఆయన ఎన్నో చరిత్రాత్మక ఉపన్యాసాలు సభ లోపల, వెలుపల చేశారు! అద్భుత ఉపన్యాసకుడైన వాజ్ పేయ్ కవి కూడా! ఆయన కవితల్లో , మాటల్లో అవలీలగా జీవిత తాత్వికత, భారతీయత పొంగిపొర్లుతుంటాయి!

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.