తెలంగాణాలో విద్యుత్ సంక్షోభానికి ఎవరు బాధ్యులు?

Publish Date:Mar 11, 2015

Advertisement

 

చంద్రబాబు నాయుడు ఇచ్చే కరెంట్ మాకు అక్కరలేదని తెలంగాణా ముఖ్యమంత్రి కేసీఆర్ నిన్న శాసనసభలో తెగేసి చెప్పడం అందరినీ ఆశ్చర్యపరిచింది. ఎందుకంటే తెలంగాణాకు రావలసిన విద్యుత్ ఇవ్వడం లేదని ఇంతవరకు ఆయనే వాదిస్తున్నారు. ఇప్పుడు అసలు అక్కరలేదని చెపుతున్నారు. ఆయన కత్తికి రెండు వైపులా పదునుంటుందని నిరూపిస్తూ చంద్రబాబు విద్యుత్ ఇవ్వలేదని దోషిగా నిలబెట్టే ప్రయత్నం చేస్తూనే, ఆ విధంగా చేసి తమకు మహోపకారం చేసారని చెప్పడం విశేషం. ఆయన విద్యుత్ ఇవ్వకపోబట్టే తాము ఈ విద్యుత్ సంక్షోభాన్ని సమర్ధంగా ఎదుర్కోగలిగామని చెపుతున్నారు. అంటే చంద్రబాబుదే తప్పు కానీ దానిని తానే పరిష్కరించడానికి ప్రయత్నిస్తున్నానని చెపుతున్నారు.

 

ఆయన ఆవిధంగా ఎందుకు మాట్లాడుతున్నారు? దాని వలన ఏమి జరుగుతుంది? అని ఆలోచిస్తే ఇప్పుడప్పుడే ఈ విద్యుత్ సంక్షోభం పరిష్కారం కాదని ఆయన కుండబ్రద్దలు కొట్టినట్లు చెపుతున్నప్పటికీ అందుకు ప్రజలు ఆయనను కాక చంద్రబాబునే దోషిగా భావించే అవకాశం ఉంటుంది. తద్వారా తెలంగాణాలో బలపడాలని ప్రయత్నిస్తున్న తెదేపాపట్ల ప్రజలలో విముఖత ఏర్పడేందుకు ఎంతో కొంత అవకాశం ఉంది.

 

తమ పార్టీ అధికారంలోకి వస్తే మూడే మూడు నెలలలో రాష్ట్రంలో విద్యుత్ కొరత లేకుండా చేస్తామని ఎన్నికల సమయంలో హామీ ఇచ్చిన కేసీఆర్, ఇప్పుడు మరో ఒకటి రెండేళ్ళపాటు ఓపిక పట్టమని, అంతవరకు రైతులు, పరిశ్రమలు విద్యుత్ సమస్యలు ఎదుర్కోక తప్పదని చెపుతూనే, వారి ఆ కష్టాలకు చంద్రబాబే కారణమని చెపుతున్నారు. అంతేకాదు ఈలోగా ఎన్ని కష్టాలు ఎదురయినా ఆంధ్రప్రదేశ్ నుండి విద్యుత్ తీసుకోబోమని కూడా ఆయనే చెపుతున్నారు. అందుకు బలమయిన మరో కారణం కూడా ఆయనే చెప్పారు. ఆంధ్రా నుండి విద్యుత్ తీసుకొంటే, తిరిగి సగం ధరకే ఆంధ్రాకి విద్యుత్ ఈయవలసివస్తుందనే తాము ఆంధ్రా నుండి విద్యుత్ తీసుకోవడంలేదని చెప్పారు. మరి అటువంటప్పుడు చంద్రబాబుని ఎందుకు నిందిస్తున్నారు?

 

ఆయన తెలంగాణా రాష్ట్రానికి వందలు, వేల కిలోమీటర్ల దూరంలో ఉన్న విద్యుత్ ఉత్పత్తి సంస్థల నుండి ఆయన విద్యుత్ కొనుగోలు చేస్తున్నామని చెపుతున్నారు. కానీ తెలంగాణా రాష్ట్రంతో పూర్తిగా అనుసంధానమయున్న విద్యుత్ సరఫరా వ్యవస్థలను ఉపయోగించుకొని ఆంధ్రప్రదేశ్ రాష్ట్రం నుండి విద్యుత్ తీసుకొనేందుకు మాత్రం ఇష్టపడలేదు. ఎందుకు?

 

తెలంగాణాలో తీవ్ర విద్యుత్ సంక్షోభం నెలకొని ఉన్నప్పుడు చంద్రబాబు నాయుడు 330 మెగావాట్స్ విద్యుత్ ఇచ్చేందుకు ముందుకు వచ్చినా ఆయన తీసుకొనేందుకు ఇష్టపడలేదు. కనీసం ఆయన ప్రతిపాదనపై స్పందించడానికి కూడా ఆయన ఇష్టపడలేదు. ఎందుకు?

 

తెలంగాణా రాష్ట్రం తీవ్ర విద్యుత్ సంక్షోభం ఎదుర్కొంటున్నప్పుడు పరిశ్రమలకు వారానికి రెండేసి రోజులు పవర్ హాలీ డే విధించడంతో చిన్న,మద్యతరగతి పరిశ్రమలు అనేకం తీవ్రంగా నష్టపోయాయి. వాటి మీద ఆధారపడిన వేలాదిమంది కార్మికులు రోడ్డున పడ్డారు. అనేకమంది రైతులు ఆత్మహత్యలు చేసుకొన్నారు. అటువంటి పరిస్థితుల్లో కూడా కేసీఆర్ ఒకమెట్టు దిగివచ్చి చంద్రబాబుతో ఈ విషయంపై నేరుగా మాట్లాడేందుకు ఇష్టపడలేదు. ఎందుకు?

 

ఈ ప్రశ్నలన్నిటికీ ఒకటే సమాధానం కనబడుతోంది. తెదేపాతో ఉన్న రాజకీయ వైరమే బహుశః అందుకు కారణం అనిపిస్తోంది తప్ప మరే ఇతర కారణాలు కనబడటం లేదు. అసలు రెండు రాజకీయ పార్టీల, వాటి అధినేతల మధ్య ఉన్న రాజకీయ వైరానికి మధ్యలో ప్రజలు ఎందుకు మూల్యం చెల్లించుకోవాలి? అనే ప్రశ్నకు జవాబు కోసం ఎవరిని అడగాలి?

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.