ఢిల్లీ వీధుల్లో తమిళ రైతు… జయలలిత బతికుంటే ఇలా జరిగేదా?

Publish Date:Apr 13, 2017

Advertisement

రాజు లేని రాజ్యం అరాచకానికి నెలవు. ఈ విషయం ఇప్పుడు మాట్లాడుకుంటోన్నది కాదు. రామాయణ కాలంలో కూడా దశరథుడు మరణిస్తే… రాముడు అరణ్యంలో వుంటే… భరతుడికి పెద్దలు అదే మాట చెబుతారు. రాజు లేని రాజ్యం అతలాకుతలం అవుతుందని! అయితే, కేవలం రాజుంటే సరిపోదు. సమర్థుడైన రాజు కూడా వుండాలి. ఇప్పుడు అదే విషయం నిరూపిస్తోంది తమిళనాడు!

 

తమిళనాడులో జయ అనారోగ్యం పాలై ఆసుపత్రిలో చేరితే బోలెడు హడావిడి జరిగింది. తరువాత ఆమె మరణం కూడా బ్రేకింగ్ న్యూస్ ల పరంపరకు దారి తీసింది. ఇక ఆ తరవాత శశికళ వ్యవహారం, ఆమె సీఎం అవ్వలేకపోవటం, జైలుకెళ్లటం … ఇవన్నీ అయితే నానా గందరగోళానికి దారి తీశాయి. దేశం మొత్తం అదే చర్చ జరిగింది! కాని, విచిత్రంగా ఇప్పుడు అదే తమిళనాడుకు సంబంధించిన నిజమైన సమస్య ఎక్కడా చర్చకు రావటం లేదు. వచ్చిన మీడియాలో బ్రేకింగ్ న్యూస్ ల స్థాయికి రావటం లేదు. అక్కడా, ఇక్కడా అప్పుడూ ఇప్పుడు మాత్రమే కథనాలు వస్తున్నాయి! ఢిల్లీ వీధుల్లో తమిళ రైతులు అంటున్నారే తప్ప… జయలలిత, శశికళ గురించి ఊదరగొట్టినంతగా ఎవరూ మాట్లాడటం లేదు!

 

అసలు తమిళ రైతులకి ఏమైంది? వారు ఢిల్లీలో ఎందుకు నిరసనలకి దిగారు? ఈ ప్రశ్నలకి సమాధానం చాలా మందికి క్లియర్ గా తెలియదు. వారు రుణామాఫీ కోసం రోడ్డెక్కలేదు. వారి డిమాండ్లలో అది కూడా ఒకటైనా అసలు సమస్య కరువు! గత శతాబ్ద కాలంలో ఎప్పుడూ లేని వికృతమైన కరువు ఈసారి తమిళనాడుని తాకింది. జయ బ్రతికి వుండగానే తుఫాన్ వచ్చి చెన్నై మునిగినా… చాలా ప్రాంతాలు మాత్రం కరువుకి చిక్కాయి. పంటలు పండలేదు. రైతులు నిండా మునిగిపోయారు. బ్యాంక్ లకు ఋణాలు చెల్లించలేక విలవిలలాడుతున్నారు! అందుకే, ఢిల్లీ వీధుల్లో కేంద్రాన్ని నిలదీస్తున్నారు!

 

తమిళనాడు రైతులు రాజధానికి వచ్చి నగ్నంగా కూడా నిరసనలు తెలుపుతుంటే మోదీ సర్కార్ పట్టించుకోకపోవటం నిజంగా విషాదమే! ఒకవైపు ఉత్తర్ ప్రదేశ్ కి భారీ రైతు ఋణమాఫీ ప్రకటించి ఇంకో వైపు తమిళ రైతుల్ని మాత్రం ఎర్రటి ఎండకి నిర్ధాక్షిణ్యంగా వదిలేయటం దుర్మార్గం. కాని, ప్రాక్టికల్ గా మాట్లాడుకున్నప్పుడు కేంద్రం తప్పుతో పాటూ మనం తమిళనాడు రాష్ట్రంలో జరుగుతోన్నది కూడా చర్చించాలి! జయలలిత మరణం తరువాత అక్కడ స్థిరమైన ప్రభుత్వమే లేదు. పన్నీర్ సెల్వం నుంచి పళని స్వామీ దాకా జరిగిన పరిణామాల్లో నానా రచ్చ జరిగిపోయింది. ఈ క్రమంలో రైతుల్ని పట్టించుకున్న నాథుడే లేడు చెన్నైలో! అదే ఢిల్లీ చేరిన తమిళ రైతుల పాలిట శాపంగా మారింది!

 

ఆర్కే నగర్ ఉప ఎన్నికల్లో కోట్లు పంచి పెట్టి చిన్నమ్మ మేనల్లుడు దినకరన్ని గెలిపించుకునే పనిలో వున్న సీఎం బక్కచిక్కిన రైతుల్ని పట్టించుకునే ఉద్దేశ్యంలో లేడు! అసలు ఆయన వారి తరుఫున కేంద్ర ప్రభుత్వంతో ఒక్క మాటన్నా మాట్లాడలేదు ఇప్పటి వరకూ. ఇలాంటి పరిస్థితి జయలలిత బతికి వుంటే మనం ఊహించగలమా? ఇక్కడే అసలు సమస్యంతా వుంది. తమిళనాడుకి సీఎం అయితే వున్నాడు కాని... అతడికి రైతుల్ని పట్టించుకునేంత తీరిక, స్వేచ్ఛా, పెద్ద మనసు… ఏవీ లేవు! అందుకే, తమిళ అన్నదాత ఢిల్లీ వీధుల్లో మలమల మాడిపోతున్నాడు! జయలలిత నిష్క్రమణతో ఏర్పడ్డ ఈ దారుణమైన పరిపాలనా కరువు… తమిళులకి ఎప్పుడు తీరుతుందో ఏమో!

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.