పులివెందుల ఎంపీపీ ఎన్నికకు కొత్త చిక్కు.!

Publish Date:Nov 16, 2026

Advertisement

స్థానిక సంస్థల ఎన్నికల్లో రిజర్వేషన్ల ఖరారు ఎంత కీలకమో పులివెందుల మండల పరిషత్ వ్యవహారం మరోసారి చాటిచెబుతోంది. మండల పరిషత్ అధ్యక్ష పదవిని ఎస్టీలకు కేటాయించగా.. అదే మండల పరిధిలోని ఐదు ఎంపీటీసీ స్థానాల్లో ఒక్కటి కూడా ఆ వర్గానికి రిజర్వు చేయలేదు. అన్‌రిజర్వుడు స్థానాల్లోనూ ఎస్టీ అభ్యర్థులు ఎన్నిక కాలేదు. దీంతో ఎంపీపీ పదవి ఎస్టీలకు కేటాయించినా.. ఆ పదవిని చేపట్టేందుకు అర్హత కలిగిన సభ్యుడే లేకుండా పోయిన పరిస్థితి ఏర్పడింది. 

ఐదు ఎంపీటీసీ స్థానాల్లోనూ అభ్యర్థులు ఏకగ్రీవంగా ఎన్నికవడంతో ఈ సమస్య మరింత జటిలంగా మారింది. అసలు ఎంపీపీ రిజర్వేషన్ ఖరారు చేసే సమయంలో ఎంపీటీసీ స్థానాల రిజర్వేషన్లను పరిగణనలోకి తీసుకోలేదా? ఒకే మండలంలో రెండు రకాల రిజర్వేషన్ల మధ్య సమన్వయం ఎందుకు కొరవడింది? అనే ప్రశ్నలు ఇప్పుడు రాజకీయ, అధికార వర్గాల్లో చర్చనీయాంశంగా మారాయి.

ఎంపీపీ పీఠం ఎస్టీలకు.. సభ్యత్వం మాత్రం దక్కని వైనం.!

పులివెందుల మండలంలో మొత్తం ఐదు ఎంపీటీసీ స్థానాలున్నాయి. అచ్చువెళ్లి స్థానాన్ని బీసీ జనరల్‌కు, ఈ.కొత్తపల్లిని అన్‌రిజర్వుడుకు, ఎర్రబల్లి-1ను ఎస్సీ జనరల్‌కు, ఎర్రబల్లి-2, రాగిమానుపల్లి స్థానాలను అన్‌రిజర్వుడు మహిళలకు కేటాయించారు. ఈ ఐదు స్థానాల్లోనూ ఎస్టీలకు ప్రాతినిధ్యం దక్కలేదు. మరోవైపు మండల పరిషత్ అధ్యక్ష పదవిని మాత్రం ఎస్టీ జనరల్‌కు కేటాయించారు. దీంతో మండల పరిషత్‌లో ఎస్టీ సభ్యుడి ప్రాతినిధ్యం లేకుండానే ఎంపీపీ పదవికి రిజర్వేషన్ ఖరారైన పరిస్థితి నెలకొంది. రిజర్వేషన్ల రూపకల్పనలో ముందస్తు సమన్వయం ఎంత అవసరమో ఈ వ్యవహారం స్పష్టం చేస్తోంది.

ఐదు స్థానాల్లో ఏకగ్రీవాలు.. చిక్కుముడి మరింత జటిలం.!

మండలంలోని ఐదు ఎంపీటీసీ స్థానాల్లోనూ ఏకగ్రీవ ఎన్నికలు జరగడంతో ఇప్పుడు సమస్యకు పరిష్కారం మరింత క్లిష్టంగా మారింది. ఎంపీటీసీ ఎన్నికల ప్రక్రియ పూర్తయినప్పటికీ.. ఎంపీపీ పదవికి పోటీ చేసే అర్హత కలిగిన ఎస్టీ సభ్యుడు లేకపోవడం ప్రధాన సమస్యగా మారింది. అన్‌రిజర్వుడు స్థానాల్లోనూ ఎస్టీ అభ్యర్థులు ఎన్నిక కాకపోవడంతో ప్రత్యామ్నాయ అవకాశం లేకుండా పోయింది. ఇలాంటి పరిస్థితుల్లో ఎంపీపీ ఎన్నికను నిబంధనల ప్రకారం ఎలా నిర్వహిస్తారు? రిజర్వేషన్‌ను యథాతథంగా కొనసాగిస్తారా? లేక ఏదైనా ప్రత్యేక మార్గదర్శకాలు జారీ చేస్తారా? అన్నది ఇప్పుడు ఉత్కంఠ రేపుతోంది.

ఇది కూడా చదవండి: తెలుగు రాష్ట్రాల్లో వైభవంగా కార్తీక తొలి సోమవారం.. పోటెత్తిన శివ భక్తులు

అధికారుల దృష్టికి చేరిన సమస్య.!

ఈ నెల 19న మండల పరిషత్ అధ్యక్ష, ఉపాధ్యక్షుల ఎన్నికలు నిర్వహించేందుకు షెడ్యూల్ ప్రకటించారు. అయితే పులివెందులలో తలెత్తిన ఈ అసాధారణ పరిస్థితిని జిల్లా పరిషత్ ముఖ్య కార్యనిర్వహణాధికారి ద్వారా కలెక్టర్, రాష్ట్ర ఎన్నికల సంఘం, పంచాయతీరాజ్ కమిషనర్ దృష్టికి తీసుకెళ్లినట్లు సమాచారం. దీంతో ఎంపీపీ ఎన్నిక నిర్వహణపై అధికార వర్గాల్లో చర్చ మొదలైంది. నిర్ణీత తేదీన ఎన్నిక నిర్వహిస్తారా? సమస్య పరిష్కారానికి రాష్ట్ర ఎన్నికల సంఘం ప్రత్యేక మార్గదర్శకాలు జారీ చేస్తుందా? లేక తదుపరి నిర్ణయం తీసుకునే వరకు ఎన్నిక వాయిదా పడుతుందా? అన్న ప్రశ్నలు ఉత్కంఠ రేపుతున్నాయి.

ఈసీ నిర్ణయంపైనే అందరి చూపు.!

పులివెందుల ఎంపీపీ వ్యవహారం ఇప్పుడు ఒక మండలానికే పరిమితమైన సమస్యగా కాకుండా.. స్థానిక సంస్థల ఎన్నికల్లో రిజర్వేషన్ల అమలు తీరుపై చర్చకు తెరలేపింది. ఎంపీపీ పదవికి ఒక వర్గానికి రిజర్వేషన్ కల్పించి, అదే మండలంలో ఆ వర్గానికి ఎంపీటీసీ ప్రాతినిధ్యం లేకుండా పోవడం ఎలా సాధ్యమైందన్న ప్రశ్నలు వినిపిస్తున్నాయి. ఇప్పటికే ఐదు స్థానాల్లోనూ ఏకగ్రీవ ఎన్నికలు పూర్తయిన నేపథ్యంలో తదుపరి ప్రక్రియ ఎలా ఉండబోతోందన్నది ఆసక్తికరంగా మారింది. ఈ నేపథ్యంలో ఈ నెల 19న జరగాల్సిన ఎంపీపీ ఎన్నికపై రాష్ట్ర ఎన్నికల సంఘం తీసుకునే నిర్ణయం కీలకం కానుంది.

మీకు నచ్చవచ్చు: స్నేహితులతో సరదాగా బయటకు వెళ్లిన ఇండిగో మహిళా ఉద్యోగిని దారుణ హత్య.!

మీకు నచ్చవచ్చు:  ఐసీసీ ఛైర్మన్‌గా జై షా రెండోసారి ఏకగ్రీవ ఎన్నిక.!

 

 

[ Pulivendula MPP Election, MPTC Elections, ST Reservation, MPP Reservation, Local Body Elections, Kadapa Politics, Andhra Pradesh Politics, State Election Commission ]

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.