తిరుమలలో చంద్రబాబు చేసిన అద్భుతం: నీటి కరవుకు చరమగీతం.!

Publish Date:Nov 18, 2026

Advertisement

అది 1999వ సంవత్సరం.. తిరుమల కొండపై చుక్క వాన పడలేదు. నైరుతి ముఖం చాటేసింది. తిరుమలలో నీటి కరవు పతాక స్థాయికి చేరింది. పాపనాశనం, గోగర్భం రిజర్వాయర్లు అడుగంటి పోయాయి. కొండపై వసతి గదులకు, నిత్యం లక్షలాదిగా వచ్చే భక్తులు నీటికి కటకటలాడే పరిస్థితి. తిరుమల తిరుపతి దేవస్థానం చేతులెత్తేసింది. చివరికి అన్ని రకాల అంచనాలు, పరిశోధనలూ, పరిశీలనలూ చేసి అప్పటి ముఖ్యమంత్రి నారా చంద్రబాబునాయుడికి టీటీడీ అధికారులు నివేదించారు. వారి నివేదన ఏంటంటే..మరో రెండు నెలలు అంతే రెండు నెలలు.. ఏదో అద్భుతం జరిగితే తప్ప తిరుమలను మూతవేయడం తప్ప మరో గత్యంతరం లేదు. ఔను టీటీడీ అదికారులు చంద్రబాబుతో చెప్పిన మాట ఇదే. టీటీడీ అధికారులు గుబులుగా, గొంతు నిండా బాధతో చెప్పలేక చెప్పలేక తిరుమలను తాత్కాలికంగా మూసేయడం వినా మరో గత్యంతరం లేదని కుండబద్దలు కొట్టారు. 

ఈ కబురు వినగానే చంద్రబాబు క్షణం ఆలోచించలేదు. అదెలా కుదురుతుంది. ఎట్టి పరిస్థితుల్లోనూ తిరుమల మూతపడడానికి వీల్లేదు అని విస్పష్టంగా, నిష్కర్షగా చెప్పారు. తిరుమలలో అవసరాలకు నీరు ఎన్ని రోజులు వరకూ వస్తుందని ఆరా తీశారు చంద్రబాబు. అప్పటికే తమ వద్ద సిద్ధంగా ఉన్ని రిపోర్టులో ఉన్న విషయాన్ని టీటీడీ అధికారులు చంద్రబాబుకు వివరించారు. రెండు నెలలు అన్నది  వారి వివరణ.  ఆ క్షణం నుంచి చంద్రబాబు తిరుమల నీటి కొరత తీర్చడానికి ఏం చేయాలన్న విషయంపైనే తన దృష్టి అంతా కేంద్రీకరించారు. ఎల్ అండ్ టీ ఇంజనీర్లతో చర్చించారు. మేధో మథనం చేశారు. కల్యాణీడ్యామ్ నుంచి పైప్ లైన్ల ద్వారా కొండపైకి నీటిని తరలించాలని నిర్ణయానికి వచ్చారు. పనుల ప్రారంభానికి ముహూర్తం ఖరారు చేశారు. 1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  

 మూడు వేల మంది కార్మికులు రేయింబవళ్లు అన్న తేడా లేకుండా శ్రమించారు. తిరుమల కొండ కింద నుంచి కొండపైకి 9కిలో మీటర్ల పైప్ లై న్.. కొండపైకి లోయల్లోంచి, దట్టమైన అడవుల్లోంచి. ఎక్కడా తడబాటు లేదు. ఎక్కడా విశ్రమం, విరామం లేదు. రేయింబవళ్లు కష్టపడ్డారు. వాహనాలు వెళ్లలేని ఆ రోజుల్లో సామగ్రిని గాడిదలు మోశాయి. కిర్లోస్కర్, జేఎస్‌డబ్ల్యూ సహకారంతో హై కెపాసిటీ పంప్‌లు, ప్రత్యేక పవర్ సబ్‌స్టేషన్లు రెడీ అయ్యాయి. కార్మికులు, అధికారులే కాదు చంద్రబాబూ ఆ 49 రోజులూ అవిశ్రాంతంగా శ్రమించారు. నిత్యం ఉదయం, సాయంత్రం పనుల పురోగతిని సమీక్షించారు.  అసాధ్యం అనుకున్నది సుసాధ్యం చేశారు.  

2000 ఫిబ్రవరి 14. ఉదయం 11:15 గంటలు.. అప్పటి ప్రదాని అటల్ బీహారీ వాజ్ పేయి ఈ ప్రాజెక్టును ప్రారంభించి జాతికి అంకితం చేయడానికి ఖరారు చేసిన ముహూర్తం. అంతా సిద్ధమైంది. అందరి కళ్లూ పైప్ లైన్ల ద్వారా కల్యాణి డ్యామ్ నీరు కొండమీదకు చేరుతుందా? అని ఊపిరి బిగపట్టి చూశారు. ఆ ప్రాజెక్ట్ విజయవంతమైంది. కల్యాణి డ్యామ్  నుంచి నీరు కొండపైకి చేరింది. సాధారణంగా అయితే ఈ భారీ ప్రాజెక్టు పూర్తికి రెండు మూడేళ్లు పడుతుంది. కానీ ఒక నాయకుడి సంకల్పం, చిత్తశుద్ధి, అసాధ్యాలను సుసాధ్యం చేయగలనన్న ఆత్మ విశ్వాసం.. సంక్షోభాలను అలవోకగా అధిగమించి వాటి లోంచే అవకాశాలను సృష్టించే నేర్పు, దార్శనికత ఈ ప్రాజెక్టును కేవలం 49 రోజులలో సాకారం చేశాయి.  ఈ రోజు కూడా పాపనాశనం, గోగర్భం, ఆకాశగంగ ఉన్నప్పటికీ, కొండపై అత్యధిక నీరు వస్తున్నది కళ్యాణి డ్యామ్ నుంచే. తిరుమలలో నీటి ఎద్దడి ముప్పు లేకపోవడానికి కారణం చంద్రబాబు ప్రకృతితో యుద్ధం చేసి గెలవడమే.  26 ఏళ్ల క్రితం 49 రోజుల్లో జరిగిన మహాద్భుతం సంకల్పం ఉంటే అసాధ్యం ఉండదన్న చంద్రబాబు ఆత్మవిశ్వాసమే అప్పట్లో శ్రీవారి ఆలయం మూతపడే ప్రమాదాన్ని తప్పించింది.  

ఇది కూడా చదవండి:  ఉత్తరాంధ్ర దశాబ్దాల కల సాకారం.. గోదావరి జలాలను విడుదల చేసిన సీఎం చంద్రబాబు..!

ఇది జరిగిన మూడున్నరేళ్ల తరువాత అంటే 2003 అక్టోబర్ 1న శ్రీవారి బ్రహ్మోత్సవాల కోసం తిరుమల వెళ్తున్న చంద్రబాబు కాన్వాయ్ పై మావోయిస్టులు క్లెమోర్ మైన్స్ పేల్చారు. ఆ పేలుడు ధాటికి  వాహనాలు ఛిద్రమయ్యాయి. చంద్రబాబు ప్రయాణిస్తున్న వాహనం అంతెత్తు ఎగిరి ఘాట్ రోడ్డు కూ పక్కన పడింది. ఆయన గాయాలతో బయటపడ్డారు.

ఆయన అంతటి ప్రమాదం నుంచి ప్రాణాలతో బయటపడడానికి శ్రీవారి ఆలయం మూతపడకుండా, అపర బగీరధుడిలా కొండపైకి నీటిని తరలించడమేనని మనసా వాచా కర్మణా నమ్ముతారు శ్రీవారి భక్తులు.  తన కొండపైకి నీటిని తీసుకువచ్చి ఆలయం మూతపడకుండా కాపాడిన చంద్రబాబును అదే కొండదారిలో ఘోర ప్రమాదం నుంచి చంద్రబాబును ఆ ఏడుకొండల వాడే, ఆ కోనేటిరాయుడే కాపాడారని నమ్ముతారు.  అది పక్కన పెడితే.. కల్యాణి డ్యామ్ నుంచి శ్రీవారి కొండపైకి నీటిని తరలించిన అనుభవంతో, ఏదైనా సాధ్యమేనన్న నమ్మకంతో చంద్రబాబు తన భగీరథ యత్నాలను కొనసాగించారు. 1996లో తాను శంకుస్థాపన చేసిన హంద్రీ నీవా ప్రాజెక్టు ద్వారా 2025లో కుప్పానికి కృష్ణా జలాలను చేర్చారు.  శ్రీశైలం నుంచి దాదాపు 770 కిమీటర్ల జల ప్రవాహం చంద్రబాబు సంకల్పంతోనే సాధ్యమైంది.  అక్కడితో ఆగలేదు..    పోలవరం నుండి నదుల అనుసంధానం వరకు రాష్ట్రానికే కాదు దేశానికి దారి చూపిస్తున్న ప్రణాళికలు, పనులు చంద్రబాబు అసిధారా వ్రతంలా కొనసాగిస్తున్నారు. 

మీకు నచ్చవచ్చు: పవిత్ర సంగమంలో చంద్రబాబు జలహారతి.. ప్రత్యేక పూజలు.!​
సీఈవో సీఎం నుంచి వాటర్ మ్యాన్ సీఎంగా చంద్రబాబు పొలిటికల్ జర్నీ.!

 

[Tirumala, Waterscarecity, CBN, Determination, KalyaniDam, Pipelines, TeluguOne]

By
en-us Political News

  
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
ఆ ప్రాంతంలో మంటలు వ్యాపించకుండా చర్యలు చేపట్టారు. భారీగా గ్యాస్ లీకౌతుండటంతో ఏ క్షణంలో ఏం జరుగుతుందో అన్న భయాందోళనలు వ్యక్త మౌతున్నాయి. 
ఈ మార్గదర్శకాలపై ఉద్యోగ సంఘాలు,ప్రతినిధులు,  సంబంధిత వర్గాలు తమ  సూచనలు, సలహాలు, అభ్యంతరాలను రాతపూర్వకంగా తెలియజేయడానికి వచ్చే నెల  31 వరకు గడువు విధించింది.
జీవితాంతం అనేక ఇబ్బందులు, రాజకీయ ఒత్తిళ్లు ఎదురైనప్పటికీ రామోజీరావు ఎక్కడా తలవంచలేదని.. తాను నమ్మిన సిద్ధాంతాల కోసం చివరి శ్వాస వరకు పోరాడారని , తెలుగు జాతి కీర్తిని జాతీయ స్థాయిలో ఇనుమడింపజేసిన మహోన్నత వ్యక్తి అని చెప్పిన చంద్రబాబు.. రామోజీరావు భౌతికంగా మన మధ్య లేకపోయినా, ఆయన స్థాపించిన  సంస్థలు తరతరాలకు శాశ్వత ఆస్తులుగా నిలుస్తాయని తెలిపారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.