రోజు కూలీల కోసం ఐలాక్: ఉఫాధి వేదికలుగా లేబర్ అడ్డాలు.!

Publish Date:Nov 19, 2026

Advertisement

ఆంధ్రప్రదేశ్‌లో అడ్డాకూలీలు, నిర్మాణ రంగ కార్మికుల పని వెతుక్కునే విధానంలో వినూత్న మార్పులు వస్తున్నాయి. ఇందుకోసం ప్రభుత్వం ప్రత్యేక చర్యలు చేపడుతోంది. అందలో భాగంగా ఆంధ్రప్రదేశ్ ప్రభుత్వం లేబర్ అడ్డాల వ్యవస్థను పరిచయం చేస్తున్నది. నిత్యం  ఉదయాన్నే ప్రధాన కూడళ్లలో ఎండలో గంటల తరబడి పని కోసం నిరీక్షించే కార్మికులకు మెరుగైన సౌకర్యాలు, నైపుణ్య నమోదు, సంక్షేమ సమాచారం అందించే లక్ష్యంతో ముఖ్యమంత్రి నారా చంద్రబాబు నాయుడు మే 1, 2026న ఈ కార్యక్రమాన్ని ప్రకటించారు.

తొలుత 15 కేంద్రాలతో ప్రారంభించాలని భావించినప్పటికీ, ఆ తర్వాత తొలి దశలో 25 ఇంటిగ్రేటెడ్ లేబర్ అమెనిటీస్ కాంప్లెక్స్‌లుగా (ఐలాక్) దీనిని విస్తరించారు.   సాధారణంగా లేబర్ అడ్డా అనేది మేస్త్రీలు, వడ్రంగులు, ఎలక్ట్రీషియన్లు, పెయింటర్లు, హెల్పర్లు వంటి కార్మికులు ఉదయాన్నే చేరి కాంట్రాక్టర్లు లేదా ఇంటి అవసరాల కోసం వచ్చే వారి కోసం ఎదురుచూసే అనధికారిక ప్రాంతం. ఇటువంటి ప్రాంతాలలో   సరైన మౌలిక వసతులు, ఉపాధి భరోసా లేక కొందరు పని దొరక్క ఖాళీ చేతులతో వెనుదిరిగే పరిస్థితి ఏళ్లుగా కొనసాగుతోంది. 

ఈ ప్రక్రియను ఒకే గొడుగు కిందకు తీసుకురావడమే ఐలాక్ కేంద్రాల ప్రధాన ఉద్దేశం.   ఈ కేంద్రాల్లో కార్మికులు తమ నైపుణ్యాలను నమోదు చేసుకునే వీలు కల్పించడంతో పాటు, ఎలక్ట్రీషియన్లు, ప్లంబర్లు, మేస్త్రీలు వంటి వారి కోసం యజమానులు, కుటుంబాలు నేరుగా సంప్రదించేలా ఏర్పాట్లు చేస్తున్నారు. వెయిటింగ్ హాళ్లు, తాగునీరు, మరుగుదొడ్లు, వై ఫై, ప్రభుత్వ సంక్షేమ పథకాల సమాచారం, నైపుణ్యాభివృద్ధి కార్యక్రమాలు, అలాగే గృహ అవసరాలకు కార్మికులను సులభంగా గుర్తించేందుకు మొబైల్ అప్లికేషన్ వంటి అంశాలు   ఈ ప్రణాళికలో ఉన్నాయి. ఇప్పటికే విజయవాడ, విశాఖపట్నం, తిరుపతి వంటి ప్రాంతాలతో సహా కొన్ని కేంద్రాలు ఏర్పాటుఅయ్యాయి. 25 కాంప్లెక్స్‌ల నిర్వహణ  ప్రక్రియ మొదలైంది.   లబ్ధిదారుల సంఖ్యను పరిశీలిస్తే, జూన్ 2026 నాటికి కార్మిక శాఖ మంత్రి వాసంశెట్టి సుభాష్ వెల్లడించిన వివరాల ప్రకారం కేంద్ర ప్రభుత్వ ఈ శ్రమ్ పోర్టల్‌లో ఏపీ నుంచి 88.67 లక్షల మంది అసంఘటిత కార్మికులు నమోదు చేసుకున్నారు. వీరిలో 18.26 లక్షల మంది ఆంధ్రప్రదేశ్ భవన, ఇతర నిర్మాణ కార్మికుల సంక్షేమ బోర్డులో నమోదైన వారు ఉన్నారు. 

నిధుల అంశానికి వస్తే, 2024–25, 2025–26 ఆర్థిక సంవత్సరాల్లో సంక్షేమ సెస్ రూపంలో రూ.1,408.58 కోట్లు వసూలైనట్లు జూన్ 2026లో కార్మిక మంత్రి తెలపగా, 2024–25 ఏపీ ఖాతాల ప్రకారం కార్మిక సంక్షేమంపై రూ.701 కోట్లు ఖర్చు చేసినట్లు నివేదికలు చెబుతున్నాయి. భవన నిర్మాణ కార్మికుల సెస్ నిధులతో లేబర్ అడ్డాలను అభివృద్ధి చేస్తున్నట్లు ప్రభుత్వం తెలిపినప్పటికీ, ఆ మొత్తం రెండు ఆర్థిక సంవత్సరాల సెస్ వసూళ్లే తప్ప లేబర్ అడ్డాల కోసం  ప్రత్యేకంగా కేటాయించిన బడ్జెట్ కాదు.     కేవలం నీడ, తాగునీరు, మరుగుదొడ్లు వంటి సౌకర్యాలు కల్పించడం వల్ల కూడళ్లలో నిరీక్షించే కష్టం కొంత తగ్గినా, భవనం ఉన్నంత మాత్రాన వాటంతట అవే ఉపాధి అవకాశాలు పెరగవనే అభిప్రాయం వ్యక్తమవుతోంది.

ఇది కూడా చదవండి:  కార్మికుల కోసం ఇక లేబర్ అడ్డాలు : సీఎం చంద్రబాబు

 కాంట్రాక్టర్లు, నిర్మాణ సంస్థలు, ప్రజలు ఈ కేంద్రాలను క్రమం తప్పకుండా వినియోగించుకోవడం, కార్మికులకు సక్రమంగా పని దొరకడం, న్యాయమైన కూలి, సకాలంలో చెల్లింపులు జరగడం కీలకమనీ..   భవిష్యత్తులో ఈ వ్యవస్థ నిర్మాణ కార్మికులకే కాకుండా లేక వ్యవసాయ కూలీలు, మత్స్యకారులు,  వంటి ఇతర అసంఘటిత రంగాలకూ విస్తరించాల్సిన అవసరముందని పరిశీలకులు విశ్లేషిస్తున్నారు.  రోజుకు రూ.500 సంపాదన కోసం ఎదురుచూసే కూలీకి ఉపాధి అవకాశంలో చిన్న మెరుగుదల కనిపించినా అది పెద్ద ఊరటనిస్తుందంటున్నారు.  

రానున్న రోజుల్లో ఎన్ని కేంద్రాలు పూర్తిస్థాయి సేవలు అందిస్తాయి, వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.  

మీకు నచ్చవచ్చు:   సీఐఐ సదస్సు సక్సెస్: అధికారులు, సిబ్బందికి చంద్రబాబు అభినందన.. మీవల్లే అంటూ పొగడ్తలు.!​

ఏపీకి బిగ్ రిలీఫ్: బలహీనపడిన ఆక్వాన్.. సాధారణ వాయుగుండంగా తీరం దాటే చాన్స్.!

[AndhraPradesh,  Labour Addas, Chandrababu Naidu,ILoc, e-Shram, Cmmplexes,  TeluguOne]

By
en-us Political News

  
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
ఆ ప్రాంతంలో మంటలు వ్యాపించకుండా చర్యలు చేపట్టారు. భారీగా గ్యాస్ లీకౌతుండటంతో ఏ క్షణంలో ఏం జరుగుతుందో అన్న భయాందోళనలు వ్యక్త మౌతున్నాయి. 
ఈ మార్గదర్శకాలపై ఉద్యోగ సంఘాలు,ప్రతినిధులు,  సంబంధిత వర్గాలు తమ  సూచనలు, సలహాలు, అభ్యంతరాలను రాతపూర్వకంగా తెలియజేయడానికి వచ్చే నెల  31 వరకు గడువు విధించింది.
జీవితాంతం అనేక ఇబ్బందులు, రాజకీయ ఒత్తిళ్లు ఎదురైనప్పటికీ రామోజీరావు ఎక్కడా తలవంచలేదని.. తాను నమ్మిన సిద్ధాంతాల కోసం చివరి శ్వాస వరకు పోరాడారని , తెలుగు జాతి కీర్తిని జాతీయ స్థాయిలో ఇనుమడింపజేసిన మహోన్నత వ్యక్తి అని చెప్పిన చంద్రబాబు.. రామోజీరావు భౌతికంగా మన మధ్య లేకపోయినా, ఆయన స్థాపించిన  సంస్థలు తరతరాలకు శాశ్వత ఆస్తులుగా నిలుస్తాయని తెలిపారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.