వినుకొండ, గుంటూరు నాలుగు లైన్ల ప్రాజెక్టు డీపీఆర్ సిద్ధం: మూడు జిల్లాల మీదుగా నేషనల్ హైవే.!

Publish Date:Oct 16, 2026

Advertisement

ఆంధ్రప్రదేశ్‌లో రవాణా సౌకర్యాలను మెరుగుపరిచే దిశగా మరో ముందడుగు పడింది.  పల్నాడు, ప్రకాశం, గుంటూరు జిల్లాల మీదుగా సాగే కీలకమైన జాతీయ రహదారి విస్తరణకు మార్గం సుగమమైంది. అనంతపురం నుంచి గుంటూరు వరకు నిర్మిస్తున్న నేషనల్ హైవే-544డీ ప్రాజెక్టులో భాగంగా..  వినుకొండ నుంచి గుంటూరు వరకు ఉన్న మార్గాన్ని నాలుగు వరుసల రహదారిగా మార్చేందుకు అధికారులు   ఏర్పాట్లు పూర్తి చేశారు. ఈ మేరకు సమగ్ర ప్రాజెక్టు నివేదికసిద్ధం అయ్యింది. 

ఈ మొత్తం రహదారి ప్రాజెక్టు అంచనా వ్యయం  3 వేల 476 కోట్ల రూపాయలుగా నిర్ణయించారు. దీని ద్వారా ప్రయాణికులకు రవాణా మరింత సులువు కావడంతో పాటు ప్రయాణ సమయం కూడా గణనీయంగా తగ్గనుంది. మొత్తం 85.9 కిలోమీటర్ల పొడవున సాగే ఈ రహదారి విస్తరణ పనుల్లో భాగంగా, దాదాపు 41.29 కిలోమీటర్ల మేర పూర్తిగా   గ్రీన్‌ఫీల్డ్ హైవేను నిర్మించనున్నారు. మిగిలిన మార్గాన్ని ప్రస్తుత రోడ్డును బ్రౌన్‌ఫీల్డ్ విధానంలో అభివృద్ధి చేసి నాలుగు లైన్లుగా తీర్చిదిద్దనున్నారు. దీనికోసం సంబంధిత మూడు జిల్లాల పరిధిలో సుమారు 45 మీటర్ల వెడల్పుతో అవసరమైన భూసేకరణ చేపట్టేందుకు ప్రణాళిక రూపొందించారు.

ఈ రహదారి ప్రాజెక్టు రూపకల్పనలో భాగంగా రద్దీని తగ్గించేందుకు వీలుగా పలు ప్రాంతాల్లో ప్రత్యేక బైపాస్‌లను నిర్మించనున్నారు. వినుకొండ నుంచి శావల్యాపురం వరకు, సంతమాగులూరు నుంచి పాతమాగులూరు వరకు, పెట్లూరివారిపాలెం, జొన్నలగడ్డ, సాతలూరు అలాగే ఫిరంగిపురం, పేరేచెర్ల ప్రాంతాల వద్ద మొత్తం ఆరు చోట్ల బైపాస్‌లు రూపుదిద్దుకోనున్నాయి. అంతేకాకుండా, ఈ మార్గంలో ఐదు చోట్ల రైల్వే లైన్లు హైవేను దాటి వెళ్లేలా వంతెనల నిర్మాణాలు కూడా ప్రతిపాదించారు. భద్రత, ఇంజనీరింగ్ ప్రమాణాలను దృష్టిలో ఉంచుకుని డీపీఆర్ రూపకల్పన సమయంలోనే అన్ని ప్రాంతాల్లో సమగ్ర మట్టి పరీక్షలు నిర్వహించడం జరిగింది.

అనంతపురం నుంచి గుంటూరు వరకు సాగే ఈ జాతీయ రహదారి ప్రాజెక్టును అధికారులు పలు భాగాలుగా విభజించి అభివృద్ధి చేస్తున్నారు. ఇందులో భాగంగా బుగ్గ నుంచి గిద్దలూరు వరకు, అలాగే వినుకొండ నుంచి గుంటూరు వరకు నాలుగు వరుసల రహదారులుగా మారుస్తుండగా, గిద్దలూరు నుంచి వినుకొండ వరకు మాత్రం ప్రస్తుతానికి రెండు వరుసల మార్గంగానే కొనసాగించనున్నారు. తాజా పరిణామాల నేపథ్యంలో వినుకొండ, గుంటూరు మార్గానికి సంబంధించిన ఎలైన్‌మెంట్‌కు ఇప్పటికే ఆమోదం లభించగా, తాజాగా డీపీఆర్ కూడా సిద్ధమవ్వడంతో పనుల్లో వేగం పుంజుకోనుంది.

కేంద్ర ప్రభుత్వం నుంచి ఈ ప్రాజెక్టుకు తుది క్లియరెన్స్ లభించి, కేంద్ర కేబినెట్ ఆమోదం రాగానే భూసేకరణ,  టెండర్ల ప్రక్రియ మరింత వేగవంతం కానుంది. ఈ ప్రాజెక్టు పూర్తయితే ఉమ్మడి గుంటూరు, ప్రకాశం జిల్లాల మధ్య రాకపోకలు సాగించే వాహనదారులకు మెరుగైన రవాణా సౌకర్యం లభించడమే కాకుండా, స్థానిక ఆర్థికాభివృద్ధికి కూడా  దోహదపడుతుంది.  


[Key Developement Vinukonda Guntur Highway, National Highway 544D, AP Road Projects, Four Lane Highway, National Highway DPR, Telugu One]

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.