క‌విత‌.. ఏంటి క‌థ‌?

Publish Date:Sep 2, 2025

Advertisement

తన తండ్రి .. తాను ఆరాధ్య దైవంగా భావించే కేసీఆర్ కు ప్రియమైన కూతురుగా రాసిన లేఖ బ‌య‌ట ప‌డడంతో మొద‌లైంది క‌విత భ‌విత మార్చే క‌థ‌. బీఆర్ఎస్ ఆవిర్భావ పార్టీపై ఆమె త‌న‌దైన శైలిలో ఒక రివ్యూ రాశారు. ప్ర‌స్తుతం ఉన్న కంప్యూట‌ర్ టైపింగ్ జామానాలోలా కాకుండా.. పాత ప‌ద్ధ‌తిలో చేతిరాత‌తో కాగితాల మీద రాశారు. అదెలా బ‌య‌ట ప‌డిందో తెలీదు. కానీ, ఎలాగోలా మీడియాకెక్కింది. ఆ టైంలో ఆమె యూఎస్ లో ఉన్నారు.  

క‌విత శంషాబాద్ ఎయిర్ పోర్టులో అడుగు పెట్ట‌డంతోనే ఆమె జాగృతి అభిమాన గ‌ణ‌మంతా వ‌చ్చారు. అప్ప‌టి నుంచి బీఆర్ఎస్ శ్రేణులు క‌విత‌కు దూరంగా ఉంటూ రావ‌డం మొద‌లైంది. ఆ త‌ర్వాత చాలానే ఎపిసోడ్లు న‌డిచాయ్. త‌న తండ్రిని దేవుడంటూనే ఆయ‌న చుట్టుప‌క్క‌ల ఉండేవాళ్లంతా దెయ్యాలంటూ కామెంట్ చేశారు. ఆ కామెంట్లు నేరుగా కేటీఆర్ కి త‌గిలిన‌ట్టుగా భావించారంతా. ఆ త‌ర్వాత జాగృతి త‌ట్టాబుట్టా కింద‌కు దించారామె. ఆపై కార్యాల‌యం మార్చారు.

త‌ర్వాత కేసీఆర్ ని ట‌చ్ చేస్తే.. ఎంత మాత్రం స‌హించేది లేద‌న్న హెచ్చ‌రిక‌లు జారీ చేశారు. ఇక బీఆర్ఎస్ వాయిస్ కి వ్య‌తిరేకంగా బీసీ బిల్లుకు స‌పోర్ట్ చేశారు. అటు పిమ్మ‌ట తీన్మార్ మ‌ల్ల‌న్న‌తో గొడ‌వ‌. ఆపై రాఖీ సంద‌ర్భంగా త‌న అన్న కేటీఆర్ మొహం చాటేయ్య‌డం.. అంత‌క‌న్నా ముందు క‌విత‌ను ఒక ప‌ద్ధ‌తి ప్ర‌కారం సింగ‌రేణి కార్మిక సంఘం గౌర‌వాధ్య‌క్షురాలిగా త‌ప్పించ‌డం. ఆమె కూడా   పెద్దగా  రియాక్ట్ కాక పోవ‌డం. అప్ప‌టి వ‌ర‌కూ క‌విత‌తో ఉన్న కార్మిక వ‌ర్గంలోని కొంద‌రు బ‌య‌ట‌కు రావ‌డంతో ఒక ప‌క్క త‌న స్థానంలో నియ‌మితులైన కొప్పుల ఈశ్వ‌ర్ కి శుభాకాంక్ష‌లు చెబుతూనే,  ఆయ‌న ఎన్నిక కార్మిక చ‌ట్టాల ప్ర‌కారం త‌ప్ప‌ని ఓపెన్ లెట‌ర్ రాయ‌డం. అదే లేఖ‌లో తాను ఇప్ప‌టి వ‌ర‌కూ సింగ‌రేణి కార్మికుల కోసం చేసిన ప‌నుల‌న్నీ ఏక‌ర‌వు పెట్ట‌డం వంటి ఎపిసోడ్లు చ‌క‌చ‌కా జ‌రిగిపోయాయ్. 

ఇప్పుడు చూస్తే హ‌రీష్, సంతోష్ టార్గెట్ గా  వ్యాఖ్య‌లు.  వీరి అవినీతి వ‌ల్ల‌.. ఈ వ‌య‌సులో కేసీఆర్.. ఆయ‌న కాలి గోటికి కూడా స‌రిపోని రేవంత్ చేత తిట్లు తిన‌డం ఏంట‌ని నిల‌దీశారామె. అంతేనా.. ఎలాంటి నిబంధ‌న‌లు పాటించ‌ని పార్టీ ఉంటే ఎంత లేకుంటే ఎంత‌?  అంటూ ఏకంగా త‌న తండ్రి పెట్టిన పార్టీ ఉనికినే ప్ర‌శ్నార్ధ‌కంలో ప‌డేశారు క‌విత‌. 

మాములుగా అప్ప‌టి వ‌ర‌కూ ఉన్న సీనేంటంటే.. ఒక ప‌క్క సీఎం రేవంత్, ఆపై మంత్రులు ఉత్త‌మ్, వెంక‌ట్ రెడ్డి, పొంగులేటి, జూప‌ల్లి వంటి వారిని అసెంబ్లీలో ఒంట‌రిగా ఎదుర్కున్న వీరుడు హ‌రీష్ ని చూసి బీఆర్ఎస్ శ్రేణులు పెద్ద ఎత్తున గ‌ర్విస్తున్న వేళ‌.. క‌విత నుంచి ఇలాంటి సంచ‌ల‌న వ్యాఖ్యానం రావ‌డంతో తీవ్రమైన కుదుపుల‌కు లోనైంది బీఆర్ఎస్.

ఇటు చూస్తే కాళేశ్వ‌రం వ్య‌వ‌హారంలో తాము వేసిన మ‌ధ్యంత‌ర పిటిష‌న్ కి హైకోర్టు నుంచి సానుకూల స్పంద‌న. అక్టోబ‌ర్ ఏడు వ‌ర‌కూ కేసీఆర్, హ‌రీష్ పై ఎలాంటి చ‌ర్య‌లు తీసుకోరాదంటూ కోర్టు ఉత్త‌ర్వులు ఇవ్వ‌డంతో కాస్తైనా ఊర‌ట ల‌భించింద‌ని అంద‌రూ భావిస్తున్న స‌మ‌యాన‌.. స‌డెన్ గా క‌విత ఎపిసోడ్ మ‌రోమారు హైలెట్ అయ్యింది. ఫైన‌ల్లీ..అంద‌రూ ఊహించిన‌ట్టుగానే క‌విత‌పై స‌స్పెన్ష‌న్ వేటు. పార్టీ నుంచి బ‌హిష్క‌రిస్తూ అధికారిక ఉత్త‌ర్వులు. 

ఇక్క‌డ విచిత్ర‌మేంటంటే.. ఎక్క‌డా కూడా ఎవ్వ‌రూ ఎలాంటి వైల్డ్ రియాక్ష‌న్ లేన‌ట్టుగా బిహేవ్ చేయ‌డం. అంతాముందే రాసి పెట్టుకున్న ప్రీప్లాన్డ్ స్క్రీన్ ప్లే లాగా జ‌రిగిపోతూ వ‌చ్చిందని అంటారు చాలా మంది. మ‌ధ్య‌లో క‌విత త‌న కుమారుడితో స‌హా కేసీఆర్ ఉండే ఎర్ర‌వెల్లి ఫామ్ హౌస్ కి వెళ్లారు. కేవ‌లం క‌విత కొడుకును త‌ప్ప ఆమెను అలౌ చేయ‌లేదు కేసీఆర్.

ప్ర‌స్తుతం ఫైన‌ల్ గా ఏం జ‌ర‌గ‌నుందంటే.. త‌న తెలంగాణ జాగృతినే ఆమె పార్టీ కింద మ‌లిచేలా క‌నిపిస్తోంది. కార‌ణం త‌న తండ్రి పార్టీ పేరులో వ‌దిలేసిన‌.. తెలంగాణ శ‌బ్ధం గ‌ల ఏకైక సంస్థ ఇదే కాబ‌ట్టి.. ఆమె తిరిగి తెలంగాణ అనే ప‌దాన్ని ఆశ్ర‌యించి.. త‌ద్వారా  త‌న   సొంత బాటలో రాజ‌కీయ ప్ర‌యాణం మొద‌లు పెట్టాల‌ని చూస్తున్నారు.
 
ఇక క‌విత ప్రొఫైల్ ఏంట‌ని ఒక సారి చూస్తే.. మాజీ ముఖ్య‌మంత్రి, బీఆర్ఎస్ అధినేత కేసీఆర్ శోభ దంప‌తుల‌కు మార్చి 13, 1978 న జ‌న్మించారు.  క‌విత విద్య విష‌యానికి వ‌స్తే.. స్టాన్లీ బాలికల పాఠశాలలో ప్రాథమిక విద్యాభ్యాసం, తర్వాత VNR విజ్ఞాన జ్యోతి ఇన్‌స్టిట్యూట్ ఆఫ్ ఇంజనీరింగ్ అండ్ టెక్నాలజీ నుంచి కంప్యూటర్ సైన్స్ ఇంజనీరింగ్‌లో బీటెక్ పూర్తి చేశారు. 2001లో అమెరికాలోని అమెరికన్ యూనివర్సిటీ నుంచి మాస్టర్స్ డిగ్రీ పొందారు. ఆపై  అమెరికాలో సాఫ్ట్‌వేర్ ఇంజనీర్‌గా పనిచేసిన కవిత, 2004లో తెలంగాణ ప్రజల కోసం పని చేయాలనే ఉద్దేశంతో భారత్‌కు రిట‌న్ బ్యాక్ అయ్యారు. 

2003లో దేవనపల్లి అనిల్ కుమార్‌ను వివాహం చేసుకున్నారు. అనిల్ మెకానికల్ ఇంజనీర్. క‌విత‌- అనిల్ దంప‌తుల‌కు ఆదిత్య,  ఆర్య అనే ఇద్ద‌రు కుమారులు. కవిత 2006లో తెలంగాణ ఉద్యమం ద్వారా రాజ‌కీయాల్లోకి ప్రవేశించారు. తెలంగాణ రాష్ట్ర సాధనలో మహిళలు, యువత వంటి వర్గాల  మద్దతును సమీకరించడంలో కీలక పాత్ర పోషించారు. 2004లో తెలంగాణ జాగృతి అనే సంస్థ‌ను స్థాపించారు క‌విత‌. గ్రామీణ ప్రాంతాల్లో అవగాహన కార్యక్రమాలు, బతుకమ్మ పండుగను పెద్ద ఎత్తున జరపడం, యువతకు ఉపాధి అందించే స్కిల్ సెంటర్లు ఏర్పాటు చేయ‌డం వంటి యాక్టివిటీస్ చేశారు. ఇక ఎంపీగా క‌విత ప్ర‌స్తానం చూస్తే.. 2014-2019 ట‌ర‌మ్ లో నిజామాబాద్ లోక్‌సభ నియోజకవర్గం నుంచిఎంపీగా గెలిచారు.. ఆపై ఓట‌మి త‌ర్వాత 2020లో  నిజామాబాద్ నుంచి ఎమ్మెల్సీ అయ్యారు. ప్ర‌స్తుతం ఈ ఎమ్మెల్సీ ప‌ద‌వి రిజైన్ చేయాల‌న్న డిమాండ్ బీఆర్ఎస్ నుంచి గట్టిగా వినిపిస్తోంది.  
 
ఇక క‌విత రాజ‌కీయంగా ఎదుర్కున్న స‌మ‌స్య‌లేంట‌ని చూస్తే.. ఆమె  ఢిల్లీ లిక్కర్ స్కామ్ కేసును ఫేస్ చేశారు.  2024 ఏప్రిల్ లో  క‌విత‌ను అరెస్ట్ చేసింది ఎన్‌ఫోర్స్‌మెంట్ డైరెక్టరేట్. తీహార్ జైలులో 5 నెలల‌కు పైగా గడిపారు. ఆగస్టు 2024లో బెయిలుపై విడుదలయ్యారు.   ఇక 2025 మే నెల నుంచి క‌విత ఎపిసోడ్ నాన్ స్టాప్ గా న‌డుస్తూనే వ‌స్తోంది. ప్ర‌స్తుత ప‌రిస్థితి వ‌ర‌కూ ఆమె రాజ‌కీయ ప్ర‌స్థానం ర‌క‌ర‌కాల మ‌లుపు తీసుకుంటూనే వ‌స్తోంది. ఒక స‌మ‌యంలో త‌మ పార్టీ వారిని వేధించే వారి పేర్లు పింక్ బుక్ లో రాస్తాన‌ని హెచ్చ‌రించిన క‌విత‌.. తానే పింక్ పార్టీకి దూరమై పోయారు. ఆమే కాదు.. ఆమె ఫాలోయ‌ర్స్ ని కూడా పార్టీలోని క్రియాశీల‌క పాత్ర‌ల నుంచి తొల‌గించేశారు. చివ‌రికి పార్టీ వాట్స‌ప్ గ్రూపుల నుంచి కూడా తొల‌గించేశారు.    ప్ర‌స్తుతం తెలంగాణ రాజ‌కీయ జంక్ష‌న్లో ఉన్నారు.. క‌విత‌. ఆమె నెక్స్ట్ స్టెప్ ఏంట‌న్న‌ది  తెలంగాణ  రాజ‌కీయాల్లోనే అతి పెద్ద చ‌ర్చ‌నీయాంశంగా మారింది.

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.