జగన్ కి అదీ ఒక ఆనవాయితీగా మారిందా?

Publish Date:Dec 14, 2015

Advertisement

 

ప్రజా సమస్యలపై ప్రతిపక్షాలు ప్రజల తరపున ప్రభుత్వంతో పోరాడటం సర్వసాదారణమయిన విషయమే. రాష్ట్రంలో ఎక్కడ ఏ చిన్న సంఘటన జరిగినా జగన్మోహన్ రెడ్డి హైదరాబాద్ నుండి రెక్కలు కట్టుకొని వచ్చి అక్కడ వాలిపోయి తక్షణమే ప్రభుత్వంపై పోరాటం మొదలుపెట్టేస్తారు. బాక్సైట్ తవ్వకాలు, కల్తీ మద్యం, కాల్ మనీ వ్యవహారం అందుకు తాజా ఉదాహరణలు. ప్రజా సమస్యలపై ప్రతిపక్షాలు పోరాడవలసిన బాధ్యత ఉంటుంది. రాష్ట్రంలో ప్రధాన ప్రతిపక్ష పార్టీగా ఉన్న వైకాపా ఆ బాధ్యత సక్రమంగానే నిర్వహిస్తోంది. కానీ ప్రభుత్వాన్ని నిలదీసే ప్రయత్నంలో జగన్ ప్రదర్శిస్తున్న అత్యుత్సాహం కారణంగా ప్రభుత్వం కంటే ముందు వైకాపాయే ఎదురుదెబ్బలు తింటోంది. ప్రత్యేక హోదా మొదలుకొని కల్తీ మద్యం కేసు వరకు అందుకు ఎన్నో ఉదాహరణలున్నాయి.

 

బాక్సైట్ తవ్వకాలను అక్కడి గిరిజనులు, ప్రజా సంఘాలు, ప్రతిపక్ష పార్టీలు వ్యతిరేకించడంతో రాష్ట్ర ప్రభుత్వం ఆ ఆలోచనను విరమించుకొంది. అయినప్పటికీ జగన్మోహన్ రెడ్డి చింతపల్లిలో బాక్సైట్ తవ్వకాలకు వ్యతిరేకంగా బహిరంగ సభ నిర్వహించి వచ్చేరు. కల్తీ మద్యం కేసులో జగన్మోహన్ రెడ్డి ప్రదర్శించిన అత్యుత్సాహం వలన మద్యం వ్యాపారాలు చేసుకొంటున్న స్వంత పార్టీలో నేతలే ఇబ్బందికర పరిస్థితులను ఎదుర్కొన్నారు. కల్తీ మద్యం కేసులో పోలీసులు ఇప్పటికే తొమ్మిదిమందిని అరెస్ట్ చేసారు. మిగిలినవారి కోసం గాలిస్తున్నారు. ఐ.పి.ఎస్. అధికారి నేతృత్వంలో ఒక విచారణ కమిటీని ఏర్పాటు చేసారు. కనుక ఈ వ్యవహారంలో రాష్ట్ర ప్రభుత్వం తక్షణమే చర్యలు తీసుకొంటోందని ప్రజలు భావిస్తున్నారు.

 

కాల్ మనీ వ్యవహారం బయటపడగానే ముఖ్యమంత్రి చంద్రబాబు నాయుడు చాలా తీవ్రంగా స్పందించారు. ఆ వ్యవహారంలో తమ పార్టీకి చెందినవారున్నా కూడా విడిచిపెట్టవద్దని కలెక్టర్ ని, పోలీసులను ఆదేశించారు. కాల్ మనీ పద్దతిలో అప్పులు తీసుకొన్నవారెవరూ వాటిని తిరిగి చెల్లించవద్దని ముఖ్యమంత్రి చంద్రబాబు నాయుడు స్వయంగా చెప్పడం, ఈ విషయంలో ఎవరయినా మహిళను వేధిస్తే వారిపై నిర్భయ చట్టం క్రింద కేసులు నమోదు చేయమని పోలీసులను ఆదేశించడం గమనిస్తే ఆయన ఈ విషయంలో ఎంత సీరియస్ గా ఉన్నారో అర్ధమవుతోంది. కానీ జగన్మోహన్ రెడ్డి ప్రభుత్వ తీరును తప్పు పడుతూ ముఖ్యమంత్రి చంద్రబాబు నాయుడుకి బహిరంగ లేఖ వ్రాయడం, మళ్ళీ నేడు తన పార్టీ నేతలను వెంటబెట్టుకొని గవర్నర్ నరసింహన్ న్ని కలిసి రాష్ట్ర ప్రభుత్వంపై పిర్యాదు చేయాలనుకోవడం గమనిస్తే ఆ సమస్యల పరిష్కారం కోసం కాక తన పార్టీ ఉనికిని చాటుకోవడానికి ఇటువంటి అవకాశాలను ఉపయోగించుకోవాలని ప్రయత్నిస్తున్నట్లు కనిపిస్తోంది.

 

గవర్నర్ కేవలం కేంద్రప్రభుత్వం తరపున రాష్ట్రంలో ప్రతినిధిగా మాత్రమే వ్యవహరిస్తూ అత్యవసరమయిన సమయంలో మాత్రమే తన విశేషాదికారాలు ఉపయోగిస్తారు తప్ప ప్రతీ సమస్యను ఆయనే స్వయంగా పరిష్కరించరని అందరికీ తెలుసు. ఆ పని చేయడానికే రాష్ట్ర ప్రభుత్వం ఉంది. అది పూర్తిగా విఫలమయిందని భావించినపుడు గవర్నరే స్వయంగా జోక్యం చేసుకొంటారు. ప్రధాన ప్రతిపక్ష నాయకుడిగా ఉన్న జగన్మోహన్ రెడ్డికి ఈ విషయం తెలియదనుకోలేము. కానీ ప్రతీ సమస్యపై గవర్నర్ ని కలిసి పిర్యాదు చేయడం జగన్ ఒక ఆనవాయితీగా మార్చుకొన్నారు.

 

ఆయన తీరు చూస్తుంటే ‘నాన్న పులి’ కధ గుర్తుకు వస్తోంది. చివరికి ఇది కూడా ఒక ‘రొటీన్ తంతు’ గా మారిపోతోంది. జగన్మోహన్ రెడ్డి తన ముఖ్య నేతలని వెంటబెట్టుకొని గవర్నర్ ని కలవడం, ఆయనకి వినతి పత్రం ఇస్తూ ఫోటోలు తీయించుకొని మీడియాలో వస్తే వాటిని చూసి తృప్తి పడటం మినహా దాని వలన మరే ప్రయోజనం కనబడటం లేదు. ఆయన ఆశిస్తున్నట్లుగా దాని వలన పార్టీకి పెద్దగా ప్రయోజనం కలగడం లేదు. జగన్మోహన్ రెడ్డి ఏ ఉద్దేశ్యంతో గవర్నర్ ని కలుస్తున్నప్పటికీ, రాష్ట్ర ప్రభుత్వం కూడా ఇటువంటి పరిస్థితులు పునరావృతం కాకుండా జాగ్రత్తపడితే మంచిది.

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.