జగన్ పై దాడి వెనుక నిజంగానే టీడీపీ హస్తముందా?

Publish Date:Oct 26, 2018

Advertisement

తెలుగు రాష్ట్రాల్లో నిన్నటి నుంచి ఒక విషయంపై విపరీతమైన రచ్చ జరుగుతుంది. అదే వైసీపీ అధినేత వైఎస్ జగన్ పై దాడి. వైజాగ్ ఎయిర్‌పోర్ట్‌లో శ్రీనివాస్ అనే ఓ యువకుడు సెల్ఫీ కోసమంటూ జగన్ దగ్గరికి వచ్చి.. తన వెంట తెచ్చుకున్న కోడి పందాలలో ఉపయోగించే కత్తితో దాడి చేశాడు. ఈ దాడిలో జగన్ భుజానికి స్వల్ప గాయమైంది. పోలీసులు నిందితుడిని అరెస్ట్ చేసి విచారణ చేస్తున్నారు. జగన్ ప్రాథమిక చికిత్స చేసుకొని.. నార్మల్ గానే ఫ్లైట్ ఎక్కి హైదరాబాద్ వెళ్లారు. అయితే ఇక అక్కడి నుంచి స్క్రీన్ ప్లే మారిపోయింది. వైసీపీ నేతలు ఒక్కొక్కరిగా టీడీపీ ప్రభుత్వం మీద విమర్శల దాడి మొదలు పెట్టారు. కొందరు ప్రభుత్వం నిర్లక్ష్యం వల్ల ఈ దాడి జరిగిందంటే.. ఇంకొందరేమో అసలు ఈ దాడి చేయించిందే టీడీపీ, ఈ దాడి వెనుక టీడీపీ హస్తం ఉందని ఆరోపించారు. ఇక మరి కొందరైతే ఆ కత్తికి విషం పూసి పొడిచారేమో అంటూ కొత్త అనుమానాలు క్రియేట్ చేసి పార్టీ కార్యకర్తలను భయ భ్రాంతులకు గురిచేసారు. అంతేనా జగన్ భుజానికి గాయం లోతు విషయంలోనూ కన్ఫ్యూజన్. వైజాగ్ ఎయిర్‌పోర్ట్‌ లో చికిత్స చేసిన డాక్టర్లు జగన్‌ ఎడమ చేతికి అర సెంటీమీటరు లోతున భుజానికి గాయమైందని చెప్తే.. హైదరాబాద్‌లో జగన్‌కు చికిత్స చేసిన సిటీ న్యూరో సెంటర్‌ డాక్టర్లు మాత్రం జగన్‌కు మూడు నుంచి నాలుగు సెంటీమీటర్ల లోతున గాయమైందని, ఆపరేషన్‌ చేసి తొమ్మిది వరకు కుట్లు వేశామని చెప్పారు. దీంతో వైజాగ్ లో అర సెంటీమీటరు ఉన్న గాయపు లోతు.. హైదరాబాద్‌ చేరుకునే సరికి నాలుగు సెంటీమీటర్లు ఎలా అయ్యిందంటూ చర్చ మొదలైంది. అయితే కత్తికి విష రసాయనాలు పూశారేమో అని నిర్ధారణ చేసుకునేందుకు వీలుగా శాంపిల్స్‌ను లోతు నుంచి సేకరించాల్సి వచ్చిందని, అందుకే గాయం పెద్దదైందని ఆస్పత్రి వర్గాలు తెలిపాయి.

 

 

సరే ఇదంతా పక్కన పెడితే.. అసలు ఈ దాడికి కారణం టీడీపీ నే అని వైసీపీ బలంగా ఆరోపణలు చేస్తోంది. కానీ ఆరోపణల్లో నిజమెంత?. నిందితుడు శ్రీనివాస్ వెయిటర్ గా పనిచేస్తున్న హోటల్ ఓనర్ టీడీపీ సానుభూతి పరుడు అన్నారు. కానీ ఆ ఓనర్ మాత్రం తాను వైసీపీ అభిమానినని మీడియాతో చెప్పినట్టు తెలుస్తోంది. అంతెందుకు నిందితుడు శ్రీనివాస్ కూడా జగన్ కి వీరాభిమాని. ఈ విషయాన్ని చెప్పింది ఎవరో కాదు. నిందితుడి సోదరుడే స్వయంగా మీడియా ముందు చెప్పాడు. 2018 న్యూ ఇయర్ సందర్భంగా నిందితుడు ఒక ఫ్లెక్సీ పెట్టాడు. అందులో అతని ఫోటోతో పాటు జగన్ ఫోటో కూడా ఉంది. ఈ ఫ్లెక్సీ ఫోటో కూడా నిందితుడి సోదరుడి ద్వారా బయటికి వచ్చింది. కానీ ఎవరో ఆ ఫ్లెక్సీ ఫోటోని కూడా మార్ఫ్ చేసారు. ఒక దానిలో జగన్ ప్లేస్ లో చంద్రబాబు ఫోటో.. మరోదానిలో జగన్ ప్లేస్ లో లోకేష్ ఫోటో పెట్టారు. ఈ మార్ఫింగ్ ఫోటోలు చూసి కొందరు కార్యకర్తలు ఆందోళన, మరికొందరు నిరసన వ్యక్తం చేసారు. ఇలాంటి సమయంలో సంయమనం పాటించాల్సిన నాయకులూ కూడా రెచ్చ కొట్టే వ్యాఖ్యలు చేస్తూ టీడీపీ మీద ఆరోపణలు చేస్తున్నారు. అయితే టీడీపీ కూడా వాటిని అంతేస్థాయిలో తిప్పికొడుతోంది. ఎయిర్‌పోర్ట్‌ లో స్థానిక పోలీసులు కాదు సీఐఎస్ఎఫ్‌ సిబ్బంది ఉంటారు.. వారి కళ్ళుగప్పి నిందితుడు కత్తి ఎలా లోపకి తీసుకెళ్లాడు?.. తనపై దాడి జరిగిన వెంటనే జగన్‌ స్థానిక పోలీసులకు ఫిర్యాదు ఇవ్వకుండా, వారికి సమాచారం తెలపకుండా తన మానాన తాను హైదరాబాద్‌ ఎలా వెళ్లిపోయారు? వైజాగ్ లో స్వల్ప గాయం హైదరాబాద్ వెళ్ళాక పెద్దగా ఎలా అయిందంటూ టీడీపీ నేతలు పలు అనుమానాలు చేసారు. అంతేకాదు గతంలో శివాజీ.. ఆపరేషన్ గరుడలో భాగంగా ఒక ముఖ్య నేతపై ఇలా ప్రాణహాని లేని దాడి జరిపి అల్లర్లు సృష్టిస్తారు అన్నారు. శివాజీ చెప్పినట్టే దాడి జరగడంతో ఇది ఆపరేషన్ గరుడలో భాగమే అని టీడీపీ నేతలు అనుమానం వ్యక్తం చేస్తున్నారు. అయితే వైసీపీ మాత్రం ఆపరేషన్ గరుడ కూడా చంద్రబాబు ఆడిస్తున్న నాటకమని ఆరోపిస్తుంది. దీంతో అసలు ఈ దాడి ఏంటో? ఈ దాడి వెనకున్న డ్రామా ఏంటో అర్థంకాక సామాన్యులు తలలు పట్టుకుంటున్నారు.

 

 

సరే కాసేపు ఈ దాడి వెనుక టీడీపీ ఉంది అనుకున్నాం. కానీ ఈ దాడి వల్ల టీడీపీకి జరిగే ప్రయోజనం ఏంటని అడిగితే అందరి సమాధానం మౌనం. ఒక నాయకుడి మీద దాడి జరిగితే ఆ దాడి వల్ల ప్రజల్లో ఎంతోకొంత సానుభూతి వస్తుంది. పోయి పోయి ఒక పార్టీ, ప్రత్యర్థి పార్టీ నాయకుడి మీద ఇలాంటి దాడి చేసి సానుభూతి పెంచుతుందా? అంటే అనుమానమే. మరి టీడీపీ మాత్రం ఇంత సిల్లీ దాడి ఎలా చేస్తుంది?. జగన్ ఎప్పటినుంచో పాదయాత్ర చేస్తున్నారు. చాలా నియోజకవర్గాలు కవర్ చేసారు. వందల మీటింగులు పెట్టారు. వేల కిలోమీటర్లు నడిచారు. అయినా జగన్ మీద ఈగ కూడా వాలలేదు. కానీ టైట్ సెక్యూరిటీ ఉండే ఎయిర్‌పోర్ట్‌లో అంత సిల్లీగా దాడి ఎలా జరిగింది?. నిందితుడు అసలు సిబ్బంది కళ్ళు గప్పి ఆ కత్తి ఎలా తీసుకెళ్లాడు? ఇది ఖచ్చితంగా రాష్ట్ర ప్రభుత్వం నిర్లక్ష్యం కాదు.. అక్కడ ఉండే సీఐఎస్ఎఫ్‌ సిబ్బంది నిర్లక్ష్యం అవుతుంది. అదీగాక నిందితుడు కూడా తాను జగన్ అభిమానిని.. ఆయనని సీఎం చేయాలనే ఆశతో సానుభూతి కోసం ఈ దాడి చేసానని పోలీసుల ముందు అంగీకరించినట్టు తెలుస్తోంది. ఒకవైపు విచారణ జరుగుతుంది. పూర్తి వివరాలు బయటికి వస్తాయి. అసలు నిజమేంటో తెలీకుండా కొందరు నేతలు ఇలా ప్రభుత్వం మీద ఆరోపణలు చేస్తూ.. ప్రజలను రెచ్చగొడుతూ.. శాంతిభద్రతలకు విఘాతం కల్గించడం ఎంత వరకు కరెక్ట్?. ప్రస్తుతం జరిగిందంతా చూస్తుంటే ఈ దాడి వెనుక టీడీపీ ఉందనే ఆరోపణల్లో నిజంలేదనే అభిప్రాయం వ్యక్తమవుతోంది. మరి అసలు ఈ దాడి వెనుక ఉన్న డ్రామా ఏంటో తెలియాలంటే కొంతకాలం వేచి చూడాల్సిందే. తెలుసుకుందాం త్వరలో అసలు నిజాలేంటో.

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.