స్వాతంత్ర్య సంగ్రామం గత చరిత్ర కాదు.. మన వారసత్వ సంపద : చాగంటి

Publish Date:Sep 20, 2026

Advertisement

స్వాతంత్ర్య సంగ్రామం కేవలం గత చరిత్ర కాదని.. అది ప్రతి భారతీయుడి వారసత్వ సంపద అని ప్రముఖ ఆధ్యాత్మికవేత్త, ఏపీ ప్రభుత్వ నైతిక విలువల సలహాదారు చాగంటి కోటేశ్వరరావు అన్నారు. స్వాతంత్ర్య పోరాట స్ఫూర్తిని భావితరాలకు అందించాల్సిన బాధ్యత ప్రతి ఒక్కరిపై ఉందన్నారు. కాకినాడ జిల్లా రూరల్‌ మండలం తిమ్మాపురంలోని ఆకుండి లక్ష్మీ స్మారక గోశాలలో విద్యార్థుల్లో దేశభక్తి, భారతీయ సంస్కృతి, సేవాభావం పెంపొందించేలా ‘భారతీయం’ కార్యక్రమాన్ని నిర్వహించారు.

ఈ కార్యక్రమంలో చాగంటి కోటేశ్వరరావు మాట్లాడుతూ.. ఎందరో మహనీయులు తమ జీవితాలను త్యాగం చేసి మనకు స్వేచ్ఛ, స్వాతంత్ర్యాన్ని అందించారని గుర్తుచేశారు. తల్లిదండ్రులు తమ పిల్లలకు ఆస్తులు అందించడంతో పాటు.. ఆ సంపద వెనుక ఉన్న కష్టం, విలువలను కూడా తెలియజేసినప్పుడే దాని విలువ తెలుస్తుందని అన్నారు. అదేవిధంగా స్వాతంత్ర్యం అనే అమూల్యమైన సంపద వెనుక ఉన్న త్యాగాలను భావితరాలకు తెలియజేయాల్సిన అవసరం ఉందన్నారు.

దేశభక్తి అంటే కేవలం జాతీయ జెండాను ఎగురవేయడం మాత్రమే కాదని.. ‘నేను భారతీయుడిని’ అని గర్వంగా చెప్పుకునే స్వేచ్ఛ వెనుక ఎందరో చేసిన త్యాగాలను గుర్తుంచుకోవడమే నిజమైన దేశభక్తి అని పేర్కొన్నారు. స్వాతంత్ర్య సమరయోధుల జీవితాలను చదవడంతో పాటు.. వారు నడయాడిన ప్రాంతాలు, జైళ్లు, స్మారక ప్రదేశాలను సందర్శిస్తే పిల్లల్లో దేశభక్తి మరింత పెరుగుతుందని చెప్పారు.

‘భారతీయం’ అనే భావన స్వాతంత్ర్య ఉద్యమ కాలంలోనే బలపడిందని చాగంటి వివరించారు. సైమన్ కమిషన్‌కు వ్యతిరేకంగా దేశవ్యాప్తంగా జరిగిన ఉద్యమాలను గుర్తుచేస్తూ.. భారతదేశానికి సంబంధించిన నిర్ణయాలను భారతీయులే తీసుకోవాలనే ఆకాంక్ష అప్పట్లో బలంగా వ్యక్తమైందన్నారు. ఇలాంటి చారిత్రక ఘట్టాలను పిల్లలకు వివరించాల్సిన అవసరం ఉందన్నారు.

అండమాన్‌లోని కాలాపాని జైలు వంటి ప్రదేశాలు స్వాతంత్ర్య సమరయోధులు అనుభవించిన కష్టాలకు సాక్ష్యాలుగా నిలిచాయని చెప్పారు. గాంధీజీ, నెహ్రూ, లాలా లజపతిరాయ్, టంగుటూరి ప్రకాశం పంతులు, పొట్టి శ్రీరాములు వంటి మహనీయుల జీవితాలను చదివితే స్వాతంత్ర్యం ఎంతటి త్యాగాల ఫలితమో అర్థమవుతుందన్నారు. పిల్లలకు స్వాతంత్ర్య సమరయోధుల జీవిత చరిత్రలను చదివించాలని, చారిత్రక ప్రదేశాలను సందర్శించేలా ప్రోత్సహించాలని సూచించారు.

విద్యార్థుల వేషధారణలు.. ఆకట్టుకున్న సందేశాలు..!

‘భారతీయం’ కార్యక్రమంలో విద్యార్థులు స్వాతంత్ర్య సమరయోధులు, ప్రముఖుల పాత్రల్లో కనిపిస్తూ దేశభక్తి సందేశాలను అందించారు. మహాత్మా గాంధీ, జవహర్‌లాల్ నెహ్రూ, సర్దార్ వల్లభ్‌భాయ్ పటేల్, లాల్ బహదూర్ శాస్త్రి, డాక్టర్ బి.ఆర్. అంబేద్కర్, అబ్దుల్ కలామ్, మోక్షగుండం విశ్వేశ్వరయ్య, దుర్గాబాయి దేశ్‌ముఖ్, ఎం.ఎస్. సుబ్బలక్ష్మి, తరిగొండ వెంగమాంబ, డొక్కా సీతమ్మ, సచిన్ టెండూల్కర్ తదితరుల పాత్రల్లో విద్యార్థులు ఇచ్చిన సందేశాలు ఆకట్టుకున్నాయి.

‘భారతీయం’లో పాల్గొన్న మంత్రి లోకేష్..!

కార్యక్రమానికి విద్యాశాఖ మంత్రి నారా లోకేష్ ముఖ్య అతిథిగా హాజరయ్యారు. వేదపండితుల ఆశీర్వచనాలు అందుకున్నారు. చాగంటి కోటేశ్వరరావు లోకేష్‌కు వేద ఆశీర్వచనం అందించారు. కంచి కామకోటి పీఠం 68వ పీఠాధిపతి శ్రీ చంద్రశేఖరేంద్ర సరస్వతీ మహాస్వామి రచించిన ‘దేవుని స్వరం’ పుస్తకాలను ఆయనకు బహుకరించారు. అనంతరం సత్సంగం సభ్యులతో లోకేష్ ముచ్చటించారు. కార్యక్రమంలో భారతమాతకు 108 మంత్రాలతో పుష్పాంజలి సమర్పించారు. భారతీయతను ప్రతిబింబించే శబ్దాలు, స్వరాలతో ‘వందేమాతరం’ గీతాలాపన చేస్తూ వినూత్నంగా భారతమాతకు హారతులు ఇచ్చారు.

మాజీ సైనికుడి అనుభవాలు..!

మాజీ సైనికుడు డా. కిరణ్ కుమార్ భారత సైన్యంలో తాను అందించిన సేవలు, అనుభవాలను విద్యార్థులతో పంచుకున్నారు. దేశ రక్షణ కోసం ఆయన చేసిన సేవలను అభినందిస్తూ మంత్రి లోకేష్ ఘనంగా సత్కరించారు. అనంతరం విద్యార్థులకు మెమెంటోలు అందజేశారు. భారతీయ సంస్కృతి, సంప్రదాయాలు, ఆధ్యాత్మికతతో పాటు దేశభక్తి, సేవాభావం, సైనికుల త్యాగాలపై విద్యార్థుల్లో అవగాహన కల్పించడమే లక్ష్యంగా ‘భారతీయం’ కార్యక్రమం కొనసాగింది.

 

 


[ Chaganti Koteswara Rao, Bharateeyam, Kakinada, Freedom Struggle, Indian Independence, Patriotism, Indian Culture, Freedom Fighters, Nara Lokesh, Andhra Pradesh, Students, Vande Mataram, Indian Heritage, Nationalism, Kakinada Rural ]

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.