ఎల్ నినో ఎఫెక్ట్.. రైతులకు అండగా సీఎం చంద్రబాబు యాక్షన్ ప్లాన్..!

Publish Date:Sep 20, 2026

Advertisement

ధరలు అదుపులో పెట్టేందుకు అధికారులకు ముఖ్యమంత్రి కీలక ఆదేశాలు..!

ఎల్ నినో ప్రభావంతో రాష్ట్రంలో తలెత్తే పరిస్థితులను ఎదుర్కొనేందుకు ఆంధ్రప్రదేశ్ ప్రభుత్వం అప్రమత్తమైంది. ఎల్ నినో ప్రభావం, తీసుకోవాల్సిన ముందస్తు చర్యలు, యాక్షన్ ప్లాన్ అమలుపై ముఖ్యమంత్రి చంద్రబాబు నాయుడు సమీక్ష నిర్వహించారు. వివిధ శాఖల ఉన్నతాధికారులు, జిల్లా కలెక్టర్లు, అధికారులు, ఉద్యోగులు, ఆర్ఎస్కే సిబ్బందితో టెలీకాన్ఫరెన్స్ నిర్వహించిన సీఎం.. ఎల్ నినో ప్రభావాన్ని ఎదుర్కొనేందుకు సమన్వయంతో పనిచేయాలని దిశానిర్దేశం చేశారు. ఎల్ నినో ప్రభావం కేవలం వ్యవసాయ రంగానికే పరిమితం కాదని, అన్ని వ్యవస్థలపై ప్రభావం చూపే అవకాశం ఉందని చంద్రబాబు అన్నారు. రైతులను ఆదుకోవడంతో పాటు నిత్యావసర వస్తువుల ధరలు పెరగకుండా చర్యలు తీసుకోవాలని సూచించారు. బియ్యం, ఉల్లి, పామాయిల్, కందిపప్పు ధరలను అదుపులో ఉంచేందుకు అధికారులు ప్రత్యేక దృష్టి పెట్టాలని ఆదేశించారు.

గోడౌన్లలో ఉన్న బియ్యం నిల్వలను పరిశీలించి.. అవసరానికి అనుగుణంగా మార్కెట్‌లోకి విడుదల చేసే చర్యలు చేపట్టాలని సీఎం సూచించారు. ఉల్లి ధరలను నియంత్రించేందుకు ఇప్పటికే వివిధ ప్రాంతాల నుంచి కొనుగోళ్లు చేస్తున్నామని తెలిపారు. భవిష్యత్ డిమాండ్‌కు అనుగుణంగా ఉల్లి సాగును ప్రోత్సహించాలని చెప్పారు. పామాయిల్, కందిపప్పు ధరలను నియంత్రించేందుకు ఇప్పటికే తీసుకున్న నిర్ణయాలను వేగంగా అమలు చేయాలని ఆదేశించారు. డిమాండ్‌కు అనుగుణంగా పంటల సాగుపై రైతుల్లో అవగాహన కల్పించాలని చంద్రబాబు సూచించారు. వర్షాభావాన్ని తట్టుకునే పంటలు, పప్పుధాన్యాలు, చిరుధాన్యాల సాగును ప్రోత్సహించాలని చెప్పారు. సంప్రదాయేతర ప్రాంతాల్లోనూ ఉల్లి, మిరప వంటి పంటల సాగును ప్రోత్సహించాలని సూచించారు. పంటల బీమా చేయించినందున.. పంట నష్టం జరిగితే రైతులకు బీమా పరిహారం అందేలా చర్యలు తీసుకోవాలని ఆదేశించారు.

కిచెన్ గార్డెన్లను ప్రోత్సహించాలని సీఎం సూచించారు. స్వయం సహాయక బృందాల ద్వారా కూరగాయల సాగును విస్తరించగలిగితే.. కూరగాయల ధరలను కూడా కొంతమేర నియంత్రించవచ్చని తెలిపారు. కేంద్ర ప్రభుత్వం అందించే కనీస మద్దతు ధర పథకాలపై కేంద్రంతో సమన్వయం చేసుకోవాలని అధికారులకు సూచించారు. హైరిస్క్ ప్రాంతాల్లోని ఉద్యాన పంటలను రక్షించేందుకు కేటాయించిన రూ.190 కోట్లను సమర్థవంతంగా వినియోగించాలని చంద్రబాబు ఆదేశించారు. రైతులను ఎల్ నినో ప్రభావం నుంచి కాపాడటంతో పాటు తాగునీరు, పశువులకు నీరు, పశుగ్రాసం అందుబాటులో ఉండేలా ముందస్తు చర్యలు చేపట్టాలని సూచించారు. మల్చింగ్‌కు అవసరమైన విత్తనాలు, ఇతర వనరులను రైతులకు అందుబాటులో ఉంచాలని చెప్పారు.

రాష్ట్రవ్యాప్తంగా వర్షాభావ పరిస్థితులను దృష్టిలో ఉంచుకుని ఇప్పటికే సిద్ధం చేసిన కంటింజెన్సీ ప్లాన్‌ను సమర్థవంతంగా అమలు చేయాలని సీఎం ఆదేశించారు. 5.21 లక్షల హెక్టార్లకు పప్పుధాన్యాలు, చిరుధాన్యాలు, పచ్చిరొట్ట ఎరువులు సరఫరా చేశామని, 1.31 లక్షల క్వింటాళ్ల విత్తనాలను 80 శాతం సబ్సిడీతో అందించామని అధికారులు తెలిపారు. ఖరీఫ్ కంటింజెన్సీ ప్రణాళిక కోసం రూ.60 కోట్లు సిద్ధం చేసినట్లు వెల్లడించారు. అధికారులు క్రమం తప్పకుండా క్షేత్రస్థాయిలో పర్యటించి పరిస్థితులను పర్యవేక్షించాలని చంద్రబాబు సూచించారు. స్థానిక సంస్థల ఎన్నికల ప్రక్రియ ఉన్నప్పటికీ.. ప్రజాప్రతినిధులు గ్రామాల్లో పర్యటిస్తూ ఎల్ నినో ప్రభావం, ప్రత్యామ్నాయ పంటలు, వర్షాభావ పంటల ప్రయోజనాలపై రైతులకు అవగాహన కల్పించాలని చెప్పారు.

నీటి వనరుల నిర్వహణపైనా సీఎం ప్రత్యేకంగా దృష్టి పెట్టారు. వర్షాధార పంటలు, ప్రకృతి వ్యవసాయానికి ప్రాధాన్యత ఇవ్వాలని సూచించారు. వర్షాలను సద్వినియోగం చేసుకోవడంతో పాటు వీబీ-జీ రామ్-జీ పనులను అనుసంధానం చేసుకుంటూ జలధార కార్యక్రమాన్ని ముమ్మరం చేయాలని ఆదేశించారు. కర్నూలు, నంద్యాల, అనంతపురం జిల్లాల్లో పంటలపై ఎల్ నినో ప్రభావం ఎక్కువగా కనిపిస్తోందని అధికారులు సీఎంకు వివరించారు. హంద్రీ-నీవా ద్వారా చివరి భూములకు కూడా నీరు అందించామని, ప్రస్తుతం తాగునీటికి ఇబ్బందులు రాకుండా చర్యలు తీసుకుంటున్నామని చంద్రబాబు తెలిపారు.

ముందస్తు చర్యల వల్లే ఎల్ నినో వంటి పరిస్థితుల్లోనూ హంద్రీ-నీవా కాల్వల్లో నీరు అందుబాటులోకి వచ్చిందని సీఎం అన్నారు. రూ.3,500 కోట్ల వ్యయంతో 100 రోజుల్లో హంద్రీ-నీవా కాల్వల్లో నీటిని పారించగలిగామని తెలిపారు. విపత్తుల సమయంలో వాటి ప్రభావం ప్రజలపై పడకుండా చూడటం ప్రభుత్వాల బాధ్యత అని చంద్రబాబు స్పష్టం చేశారు. ప్రజాప్రతినిధులు, అధికారులు, రైతులు, సాగునీటి సంఘాలు సమన్వయంతో పనిచేయాలని సూచించారు. ఎల్ నినోను సవాలుగా స్వీకరించి తాత్కాలిక, మధ్యంతర ప్రణాళికలతో ముందుకు సాగాలని అధికారులను ఆదేశించారు.

 

 

 

[ AP CM Chandrababu, El Nino Effect, Andhra Pradesh, Amaravati, El Nino Action Plan, AP Farmers, Agriculture, Crop Damage, Crop Insurance, Contingency Plan, Rabi Crops, Kharif Season, Rice Prices, Onion Prices, Palm Oil Prices, Dal Prices, Kitchen Gardens, Horticulture Crops ]


 

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.