పాదయాత్రలతో పాపాలను కడిగేసుకోగలిగితే...

Publish Date:Mar 12, 2015

Advertisement

 

బొగ్గు కుంభకోణం కేసులో వచ్చేనెల 8న కోర్టు ముందు స్వయంగా హాజరు కావాలని మాజీ ప్రధాని డా. మన్మోహన్ సింగ్ కి సీబీఐ ప్రత్యేక కోర్టు నిన్న నోటీసులు జారీ చేయడంతో కాంగ్రెస్ పార్టీ ఉలిక్కిపడింది. ఆయనతో బాటు కుమార్ మంగళం బిర్లా, బొగ్గు శాఖ మాజీ ప్రధాన కార్యదర్శి పిసి.ఫారెక్, హిండాల్కో కంపెనీ, దానికే చెందిన మరో ఇద్దరు అధికారులకు సీబీఐ ప్రత్యేక కోర్టు నిన్న నోటీసులు జారీ చేసింది. 2005 సం.లో డా. మన్మోహన్ సింగ్ బొగ్గు శాఖను నిర్వహిస్తున్నప్పుడు, ఒడిషా రాష్ట్రంలోతలబిర-2 బొగ్గు గనులలో హిండాల్కో కంపెనీకి 15 శాతం వాటాను కేటాయించడం జరిగింది. బొగ్గు గనుల కేటాయింపులలో భారీ కుంభకోణం జరుగుతోందనే సంగతి గ్రహించిన సుప్రీంకోర్టు బొగ్గు గనుల త్రవ్వకాల కోసం కేంద్ర ప్రభుత్వం మంజూరు చేసిన దాదాపు 147 లైసెన్సులు రద్దు చేసి, వాటిపై విచారణ చెప్పట్టమని ఆదేశించింది. కోర్టు ఆదేశాల మేరకు సీబీఐ ప్రత్యేక కోర్టుని ఏర్పాటుచేసి విచారణ మొదలుపెట్టింది. ఆ కోర్టు మొట్ట మొదటగా డా. మన్మోహన్ సింగ్ వైపే వేలెత్తి చూపడం విశేషం.

 

కాంగ్రెస్ అధ్యక్షురాలు సోనియాగాంధీ ఈరోజు డిల్లీలో పార్టీ ప్రధాన కార్యాలయం నుండి తన యంపీలు, సీనియర్ నేతలతో కలిసి డా. మన్మోహన్ సింగ్ కి మద్దతు తెలుపుతూ ఆయన ఇంటివరకు పాదయాత్ర చేసారు. ఆ తరువాత ఆమె మీడియాతో మాట్లాడుతూ “డా. మన్మోహన్ సింగ్ నిష్కళంకమయిన వ్యక్తి అని యావత్ దేశానికే కాదు యావత్ ప్రపంచానికి కూడా తెలుసు. అటువంటి వ్యక్తిపై సీబీఐ ఇటువంటి నిందారోపణలు చేయడం కోర్టుకి హాజరుకమ్మని నోటీసులు జారీ చేయడాన్ని మేము తీవ్రంగా ఖండిస్తున్నాము. కాంగ్రెస్ పార్టీ ఆయనకు పూర్తి మద్దతుగా ఉంటుంది. అవసరమయితే ఆయన కోసం న్యాయ పోరాటం చేయడానికి కూడా మేము సిద్దం,” అని తెలిపారు.

 

డా. మన్మోహన్ సింగ్ ఎటువంటి అవినీతికి పాల్పడరని అందరికీ తెలుసు. కానీ ఆయన బొగ్గు మంత్రిత్వ శాఖను నిర్వహిస్తున్నప్పుడు అందులో జరిగే అక్రమాలకు ఆయన బాధ్యుడుకాడని చెప్పలేము. ప్రధాన కార్యదర్శి నేతృత్వంలో జరిగిన సమావేశంలో తీసుకొన్న నిర్ణయాలకు ఆయన ఆమోదముద్ర వేసి, ఇప్పుడు అందుకు తను బాధ్యుడినికానని ఆయన వాదించడం అసమంజసం. అదీగాక బొగ్గు గనుల కేటాయింపులో చాలా అవినీతి జరుగుతోందని ఆ సమయంలో ప్రతిపక్షాలు చాలా గట్టిగా హెచ్చరించాయి కూడా. అయినా అదేమీ పట్టించుకోకుండా ఆయన ఆమోదముద్ర వేశారంటే ఖచ్చితంగా అందుకు బాధ్యత వహించాల్సిందే.

 

ఆయన స్వయంగా ఎటువంటి నేరమూ చేసి ఉండకపోవచ్చును. ఆ కుంభకోణంలో ఎటువంటి లబ్ది పొంది ఉండకపోవచ్చును. కానీ అవినీతి జరుగుతోందని ఖచ్చితంగా తెలిసిన తరువాత కూడా ఆయన ఆమోదముద్ర వేయడం అంటే అవినీతికి ఆమోదముద్ర వేసినట్లే. కనుక ఇటువంటి పాదయాత్రల వలన ఆయనకు అంటుకొన్న ఈ అవినీతి మసి తొలగిపోదు. పైగా ఇప్పుడు ఆయనకు మద్దతుగా సోనియాగాంధీ చేప్పట్టిన పాదయాత్ర వలన యావత్ ప్రపంచానికీ కూడా ఈ సంగతి కాంగ్రెస్ పార్టీయే స్వయంగా డప్పు కొట్టుకొని మరీ చాటింపు వేసుకొన్నట్లయింది. ఈ కుంభకోణంలో నిందితులుగా పేర్కొనబడిన ఆరుగురు వ్యక్తులు కూడా తాము ఎటువంటి తప్పు చేయలేదని, ఎటువంటి అవినీతికి పాల్పడలేదని చెప్పుకొంటున్నారు. మరయితే ఇన్ని వేలకోట్ల అవినీతికి పాల్పడింది ఎవరు? దేశ సంపదని అంతా బొక్కేసింది ఎవరు?

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.