బొత్స జనసేన వైపు చూస్తున్నారా?

Publish Date:Oct 20, 2018

Advertisement

 

బొత్స సత్యనారాయణ.. తెలుగు రాజకీయాల్లో పెద్దగా పరిచయం అవసరంలేని పేరు. ఉమ్మడి తెలుగు రాష్ట్రంలో కాంగ్రెస్ సీనియర్ నేతగా బొత్స బాగానే గుర్తింపు తెచ్చుకున్నారు. పీసీసీ అధ్యక్షుడిగా, మంత్రిగా పనిచేసారు. ఇలా రాష్ట్రస్థాయి నేతగా పేరుతెచ్చుకున్న బొత్స రాష్ట్ర విభజన అనంతరం కాస్త డల్ అయ్యారు. విభజనతో రాష్ట్రానికి తీరని అన్యాయం చేసిందంటూ ఏపీ ప్రజలు ఆ సమయంలో కాంగ్రెస్ మీద బాగా ఆగ్రహం వ్యక్తం చేసారు. దీంతో మెజారిటీ కాంగ్రెస్ నేతలు ఆ పార్టీకి దూరమయ్యారు. కొందరు పూర్తిగా రాజకీయాలకే దూరమైతే.. కొందరు ఇతర పార్టీలలో చేరారు. వారిలో బొత్స ఒకరు. ముందుగా బొత్స టీడీపీలో చేరాలని చూసినా అటునుండి సరైన రెస్పాన్స్ రాకపోవడంతో.. ఇక వైసీపీలో చేరారు. అయితే ఇప్పుడు వైసీపీలో కూడా బొత్స సంతృప్తిగా లేనట్టు తెలుస్తోంది.

బొత్సకు వైఎస్ రాజశేఖర్ రెడ్డితో కలిసి పని చేసిన అనుభవముంది. కానీ జగన్ తన సీనియారిటీకి తగిన గౌరవం ఇవ్వడంలేదని బొత్స భావిస్తున్నారట. రాష్ట్రస్థాయి నేతగా పేరుతెచ్చుకున్న తాను వైసీపీలో చేరాక జిల్లా నేత స్థాయికి దిగజారానని బొత్స ఫీల్ అవుతున్నారట. బొత్స అంతలా ఎందుకు ఫీల్ అవుతున్నారంటే దాని వెనుక కొన్ని కారణాలు ఉన్నట్టు తెలుస్తోంది. విజయనగరం జిల్లాలో పాదయాత్ర చేస్తూ.. పలు నియోజకవర్గాలకు అభ్యర్థులను ప్రకటించిన జగన్.. తన నియోజకవర్గం వచ్చేసరికి తన పేరు చెప్పకుండా వెళతాడా?.. తాను తీసుకువచ్చిన 'కోలగట్ల వీరభద్రస్వామి'కి ముందే టిక్కెట్‌ ఇచ్చి తనకు ఇవ్వరా?.. ఎంత అవమానం?..  అని బొత్స ఫీల్ అవుతున్నారట. అంతేకాదు తన సంగతే ఇలా ఉంటే ఇక తన కుటుంబసభ్యుల టిక్కెట్ల సంగతేంటి? వారికి టిక్కెట్లు కష్టమేనా అని ఆవేదన చెందుతున్నారట. అసలే ఎన్నికలు దగ్గరికి వస్తున్నాయి. తనకి, తన కుటుంబానికి సీట్ల కేటాయింపు విషయంలో తగిన ప్రాధాన్యత ఇవ్వకపోతే అవసరమైతే పార్టీ మారే ఆలోచనలో కూడా ఉన్నారట బొత్స. టీడీపీలో డోర్స్ ఓపెన్ అయ్యే అవకాశం తక్కువ కాబట్టి జనసేనవైపు చూస్తున్నారట. మరి బొత్స నిజంగానే వైసీపీలో తగిన ప్రాధాన్యత దక్కట్లేదని ఫీల్ అవుతున్నారా? అసలు ఆయనకు వైసీపీని వీడి జనసేనలో చేరే ఆలోచన ఉందా?.. అసలే పవన్ పార్టీలో చేరికల గురించి ఆచితూచి అడుగులు వేస్తున్నారు. మరి అలాంటి పవన్.. బొత్స పార్టీలో చేరతానంటే ఎలా రియాక్ట్ అవుతారు? ఇవన్నీ తెలియాలంటే కొంతకాలం వేచి చూడాల్సిందే.

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.