2019లో షా బెంగాల్‌ని కొడితే… మోదీకి ఏ బెంగా లేనట్టే!

Publish Date:Aug 11, 2018

Advertisement

ఇప్పుడు దేశంలో మోదీ తరువాత అందరి దృష్టి ఆకర్షించేది అమిత్ షానే! మనకు ఉప ప్రధాని ప్రస్తుతం లేకపోవచ్చుగానీ… అమిత్ షా హడావిడి డిప్యూటీ పీఎం రేంజ్లోనే వుంది! ఆయన కేవలం రాజ్యసభ సభ్యుడు, అధికార పక్షం జాతీయ అధ్యక్షుడు. కానీ, ఏ రాష్ట్రానికి షా వచ్చినా కోలాహలం మామూలుగా వుండటం లేదు. మోదీ ప్రధాని హోదాలో వస్తే ఎంత జాగ్రత్తగా వుంటారో… ఆయా రాష్ట్రాల నేతలు, పోలీసులు… అమిత్ షాకు అదే స్థాయిలో ప్రాముఖ్యతనిస్తున్నారు. పొగిడేవారు పొగిడినా, తిట్టే వారు తిట్టినా ఇప్పుడు అమిత్ షాను మాత్రం పట్టించుకోకుండా వుండే స్థితి లేదు. అలా ఒక రాష్ట్రం తరువాత మరో రాష్ట్రంలోకి బీజేపీ యాగాశ్వాన్ని ముందుండి నడిపిస్తున్నారు షా!

 

 

అమిత్ షా తన చాణక్యంతో గోవా మొదలు త్రిపుర దాకా కాషాయ కమలాన్ని వికసింపజేయటం మెచ్చుకోదగ్గదే అయినా ఆయన ఎంచుకుంటున్న మార్గాలు చాలా వివాదాస్పదం అవుతున్నాయి. కాంగ్రెస్ లాంటి ప్రతిపక్షాలు దుమ్మెత్తిపోస్తున్నాయి. పార్టీ విస్తరణ కోసం షా ఎంతకైనా దిగజారతారని తిట్టిపోస్తున్నాయి. అదే సమయంలో బీజేపీ నేతలు తమ నేతని విపరీతంగా పొగిడేస్తూ మురిసిపోతున్నారు. ఇక బీజేపీకి రెబెల్స్ గా వుంటోన్న యశ్వంత్ సిన్హా, అరూణ్ శౌరీ, శత్రుఘ్న సిన్హా లాంటి వారు కూడా షా మీద గుర్రుగానే వున్నారు. ఎందుకంటే, మోదీ అసలు బలమంతా అమిత్ షానే కాబట్టి…

 

 

జమ్మూ కాశ్మీర్లో మెహబూబా ముఫ్తీ మొదలు యూపీలో మాయవతి వరకూ చాలా మంది తిరుగులేని నాయకురాళ్లని అమిత్ షా ముప్పతిప్పలు పెడుతున్నారు. అతి పెద్ద పార్టీగా బీజేపికి వున్న వెసులుబాటు, కేంద్రంలో అధికారం తమ చేతిలో వుండటం వంటి అనుకూల అంశాల కారణంగా ఆయన ఆడింది ఆటగా నడుస్తోంది. అయితే, కేవలం బెంగాలీ దీదీ మమత మాత్రం టఫ్ ఫైట్ ఇస్తున్నారు. దేశ వ్యాప్తంగా మోదీ, షాలకు వ్యతిరేకంగా ధైర్యంగా పోరాడుతున్న అతి కొద్ది మందిలో ఆమె ఒకరు!

 

మమతా బెనర్జీ తరువాత ప్రాంతీయ నేతల్లో ఆమెలా కేంద్రానికి వ్యతిరేకంగా నిలుస్తున్నది మన చంద్రబాబు లాంటి బాగా అనుభవం వున్న వారు మాత్రమే! మోదీ, షా కుట్రల్ని అర్థం చేసుకుని పావులు కదపటం సీబీఎన్ లాంటి వారికైతేనే చెల్లుతుంది. జగన్, పవన్, కేసీఆర్ లాగా చాలా రాష్ట్రాల్లో ఆయా పార్టీల అధినేతలు అయిష్టాంగానైనా బీజేపీతో వివాదాలకి దూరంగా వుంటున్నారు. మహారాష్ట్రలో ఉద్ధవ్, ఒడిషాలో నవీన్ పట్నాయక్, బీహార్లో నితీష్, తమిళనాడులో పళని, పన్నీర్ సెల్వం… వీళ్లంతా కమలానికి అవసరమైనప్పుడు సాయం చేయటం ఇష్టపూర్వకంగా కాదని ఎవరైనా చెప్పేయగలరు! దేశం మొత్తంలో తమని మొండిగా ఎదుర్కొంటోన్న శక్తుల్లో మమతా బెనర్జీపై తీవ్రంగా దృష్టి సారించారు మోదీ, అమిత్ షా. కారణం ఆమె రాష్ట్రంలో బీజేపీకి కాస్త అనుకూల వాతావరణం వుండటమే.

గత సంవత్సర కాలంలో అయిదుసార్లు బెంగాల్ లో పర్యటించిన అమిత్ షా అక్కడి స్థానిక నేతలకి పెద్ద టార్గెట్టే ముందు పెట్టారు. 42 ఎంపీ సీట్లలో మనకు 22 తప్పకుండా రావాలని అంటున్నారట. తాజాగా ఇవాళ్ల కూడా యువ సమ్మేళనం అనే పేర భారీ ర్యాలీ ఏర్పాటు చేసి అందులో ప్రసంగించేందుకు కోల్ కతా చేరుకున్నారు షా. అసోమ్ లో వివాదాస్పదంగా మారిన జాతీయ పౌర రిజిస్టర్ బెంగాల్లో కూడా అమలు చేస్తామని బీజేపీ అధ్యక్షుడు హామీ ఇవ్వచ్చంటున్నారు. అదే జరిగితే మమత మరింత ఆగ్రహంతో ఊగిపోవచ్చు. ఎందుకంటే, బంగ్లాదేశ్ నుంచి వచ్చిన అక్రమ పౌరులు చాలా మంది ఆమె పార్టీకి ఓటు బ్యాంక్ గా మారారని రాజకీయ విశ్లేషకులు చెబుతుంటారు. అంతే కాదు, ముస్లిమ్ ఓటర్లలో తన ఇమేజ్ పెంచుకునే వ్యూహంతో కూడా మమతా బెనర్జీ బీజేపీపై తీవ్ర దాడి చేస్తున్నారు. ఎన్ఆర్సీ వ్యవహారాన్ని సుప్రీమ్ కోర్టు పర్యవేక్షిస్తున్నా మమతా బెనర్జీ అనుమానాలు వ్యక్తం చేస్తూ కమలదళం మైనార్టీల్ని టార్గెట్ చేస్తోందంటూ ప్రచారం చేస్తున్నారు. ఇదంతా ఆమె తన పుట్టలో వేలు పెడుతున్న కాషాయదళంపై అసహనంతోనే చేస్తున్నారు…

 

 

మమతా బెనర్జీ అధికారంలోకి వచ్చాక బెంగాల్ కమ్యూనిస్టులు చాలా బలహీనమయ్యారు. వాళ్లు కనుచూపు మేరలో తిరిగి అధికారం చేపట్టే సూచనలు కనిపించటం లేదు. జనం కూడా దశాబ్దాల తరబడి వారికి అధికారం కట్టబెట్టి నిరాశకి లోనయ్యారు. అందుకే, బెంగాల్ లో తృణమూల్ అంటే గిట్టని వారంతా బీజేపీ వైపు చూస్తున్నారు. కొన్ని వర్గాల ఓటర్లు, అనేక మంది నేతలు ఇప్పుడు అమిత్ షా నేతృత్వంలో దీదీని గద్దె దింపాలని కంకణం కట్టుకున్నారు. ఇలాంటి అనుకూల వాతావరణం కారణంగానే అమిత్ షా బెంగాల్ సీఎంతో ప్రత్యక్ష యుద్ధానికి సై అంటున్నారు. ఆయన ర్యాలీకి పోలీసులు అనుమతి ఇవ్వకపోతే తనని అరెస్ట్ చేసినా కోల్ కతా వచ్చి తీరుతానని హెచ్చరించి పర్మిషన్ సంపాదించుకున్నారు. ఇంతలా అమిత్ షా టార్గెట్ చేసిన రాష్ట్రం మరేదీ లేదనే చెప్పాలి… మమతని బెంగాల్లో దెబ్బతీయటం ద్వారా కేవలం స్థానికంగానే కాదు… బీజేపీకి జాతీయంగా కూడా లాభం వుంది. మోదీకి ధీటైన ప్రధాని అభ్యర్థిగా ఇప్పుడు ఎవరూ లేరు. రాహుల్ అంటూ ప్రచారం జరుగుతున్నా ఆయన ఇంకా చాలా దూరం పరుగెత్తాల్సి వుంది.

ఇక రాహుల్ తరువాత మోదీ, షా తమకు ప్రమాదకరంగా భావిస్తోంది మమతా బెనర్జీనే! అందుకే, ఆమెను ఆమె స్వంత రాష్ట్రంలోనే తక్కువ ఎంపీ సీట్లకు పరిమితం చేసి దిల్లీలో విలువ తగ్గించాలని వ్యూహం పన్నారు. ఒకవేళ అమిత్ షా ప్రయత్నాలు ఫలించి మమతా బెనర్జీ ఇరవై మంది ఎంపీలకే పరిమితం అయితే… అది ప్రతిపక్షానికి పెద్ద దెబ్బే! కాంగ్రెస్ సహా అన్ని పార్టీల్ని ఏకతాటి పైకి తేగల నాయకత్వం దాదాపుగా ఇంకెవరి వద్ద వుండదు.అప్పుడు 2019లోనూ అనివార్యంగా సాధ్యమైనన్నీ ఎక్కువ పార్టీలు మోదీ నాయకత్వంలో పని చేయటానికి సిద్ధపడతాయి. ఇంత ఎఫెక్ట్ వుంటుంది కాబట్టే మమతా బెనర్జీ కోటలో కత్తి దూయటానికి షా సర్వ శక్తులూ ఒడ్డుతున్నారు!  

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.