డామిట్! కధ అడ్డం తిరిగింది

Publish Date:Feb 9, 2015

Advertisement

 

బీహార్ రాష్ట్ర రాజకీయాలు సస్పెన్స్ థ్రిల్లర్ సినిమాలా సాగిపోతున్నాయి. గత ఎన్నికలలో తమ జే.డి.(యు) పార్టీ ఓటమికి నైతిక బాధ్యత వహిస్తూ అప్పటి ముఖ్యమంత్రి నితీష్ కుమార్ తన పదవికి రాజీనామా చేసి, ఆ కుర్చీలో తనకు అత్యంత విధేయుడయిన జితన్ రామ్ మంజీని కూర్చోబెట్టి రిమోట్ తో పరిపాలన చేయాలనుకొన్నారు. మొదట్లో జితన్ రామ్ విధేయత చూపినా కుర్చీలో కుదురుకొన్నాక, తనపై పెత్తనం చేస్తున్న నితీష్ కుమార్ ని చూసి చిరాకుపడటం మొదలుపెట్టారు. కానీ ఆయన అంత త్వరగా సెటిల్ అయి తనకే జర్కులిస్తారని ఊహించని నితీష్ కుమార్ మళ్ళీ  ‘నా కుర్చీ నాకిచ్చేయమని’ పేచీ మొదలుపెట్టారు. ఒకసారి ఆ కుర్చీలో కూర్చొంటే మళ్ళీ ఎవరికీ లేవబుద్ధి కాదని ఆయనకీ తెలుసు. ఆయన కూడా ఆ ఇదితోనే కుర్చీ కావాలని పేచీ పెడుతున్నారు. కానీ ఆ కుర్చీబాగా అలవాటయిపోవడంతో జితన్ రామ్ మంజీ చస్తే అందులో నుండి లేవనని బిగదీసుకొని కూర్చొండిపోయారు.

 

ఇంత ప్రేమగా ‘కుర్చీ ఇచ్చేయమని అడుగుతున్నా జితన్ రామ్ వినకపోవడంతో ఇక లాభం లేదనుకొని నితీష్ కుమార్ అటువైపు నుండి నరుక్కు రావడం మొదలుపెట్టారు. పేరుకి శరద్ యాదవ్ జేడీ (యూ) పార్టీకి అధ్యక్షుడే కానీ ఆయనని, పార్టీని కూడా నడిపేది తనే గాబట్టి యం.యల్యే.లందరినీ సమావేశానికి హాజరయ్యి తనను వారి శాసనసభా పక్ష నేతగా ఎన్నుకోమని నితీష్ కుమార్ హుకుం జారీ చేయడం, వారు వెంటనే ఆయననే ఎన్నేసుకోవడం చకచకా జరిగిపోయాయి.

 

కానీ జితన్ రామ్ కూడా గురువును మించిన శిష్యుడే. కనుక వెంటనే మంత్రి వర్గాన్ని సమావేశపరిచేసి అందరూ తనకు మద్దతు ఈయకపోతే ప్రభుత్వాన్ని రద్దు చేసి పడేద్దామని ప్రపోస్ చేసారు. కానీ ఏడుగురు తప్ప అందరూ దానిని అప్పోస్ చేయడంతో, హుటాహుటిన డిల్లీ వెళ్లి మోడీని కాంటాక్టు చేసి చూసారు. ఆయన ఏమి హామీ ఇచ్చారో ఏమో గానీ డిల్లీ నుండి తిరిగి వచ్చిన తరువాత జితన్ రామ్ హనుమంతుల వారిలా రెచ్చిపోయారు.

 

“నితీష్ కుమార్ కి అధికార దాహం బాగా ఎక్కువయిపోయిందని, అందుకే ఎంచక్కా నడుస్తున్నతన ప్రభుత్వాన్ని కూలద్రోసే ప్రయత్నాలు చేస్తున్నారని, ఆయనకు చట్టం, రాజ్యాంగం వంటివాటి మీద బొత్తిగా నమక్కం గౌరవం లేవంటూ” చీల్చి చెండాడేశారు. ఆయన్ని పార్టీ నుండి సస్పెండ్ చేయడానికి ఆ మాత్రం చాలదూ? అనుకొంటూ తక్షణమే శరద్ యాదవ్ చేత వేలి ముద్ర వేయించేసి పార్టీ నుండి బయటకి సాగనంపేసారు.

 

ఆ తరువాత గవర్నరు కేశరీ నాద్ త్రిపాటిని కలిసి ‘నేను ముఖ్యమంత్రి కుర్చీలో కూర్చొనేందుకు రెడీ’ అంటూ నితీష్ కుమార్ తన వెనకే వచ్చిన యం.యల్యేలందరినీ ఆయన ముందు నిలబెట్టారు. కానీ గవర్నరు వెంటనే ‘ఒకే’ అనేయకుండా ‘నాకు కొంచెం టైం కావాలని’ చెప్పేసరికి నితీష్ కుమార్ షాక్ అయిపోయారు.

 

నితీష్ కుమార్ అలా బయటకు వెళ్ళగానే, ఇంకా ముఖ్యమంత్రి సీటుని అంటిపెట్టుకొనున్న జితన్ రామ్ మంజీ కూడా రయ్యిమని కారేసుకొని గవర్నరు దగ్గరకు వచ్చి, “మావాళ్ళు అందరూ నాకు హ్యాండిచ్చేసినా, తమరు అనుమతిస్తే ఎక్కడ కావాలంటే అక్కడే నేను నా బలం నిరూపించుకోగలనని” బల్లగుద్దిమరీ చెప్పి వచ్చేసారు.

 

ఇదంతా చూసి నితీష్ కుమార్ చాలా డిస్సప్పాయింట్ అయిపోయారు. ఏదో గాలిలో తేలుతూ వెళ్లి ముఖ్యమంత్రి కుర్చీలో సెటిల్ అయిపోదామనుకొంటే మధ్యలో బీజేపీ అడ్డుపడుతోందని చాలా బాధపడిపోయారు. “బీజేపీకి అధికార దాహం బాగా ఎక్కువయిపోయింది. జితన్ రామ్ మంజీని అడ్డుపెట్టుకొని అధికారం చేప్పట్టాలని అంతగా ఉబలాటం ఉంటే దానికి ఈ డొంక తిరుగుడు అంతా ఎందుకు?” అంటూ తెగ చికాకు పడిపోయారు. “నేను శాసనసభలో పవర్ పాయింట్ ప్రెజంటేషన్ ఇచ్చేందుకు సిద్దంగా ఉన్నానని చెపుతుంటే గవర్నరు దొరవారు పట్టించుకోకుండా ఇంకా టైం కావాలంటే దానర్ధం ఏమిటి?” అంటూ ఎక్కడో డిల్లీలో ఉన్న మోడీని, అమిత్ షాకి కూడా వినిపించేలా గద్గద స్వరంతో ప్రశ్నించారు.

 

ఆయన బాధ చూసి వాళ్ళు కరగలేదు. గానీ బీజేపీ అధికార ప్రతినిధి షా నవాజ్ హుస్సేన్ కొంచెం ఇస్ట్రాంగుగానే రియాక్ట్ అయ్యారు. “నితీష్ కుమార్ కి పదవీ కాంక్ష ఉందనే సంగతి ఎన్డీయే నుండి బయటపడినప్పుడే తెలుసు. కానీ ఉట్టికి ఎగురలేనమ్మ స్వర్గానికి ఎగురుతానన్నట్లుగా రాష్ట్రంలో పార్టీని గెలిపించుకోలేక ముఖ్యమంత్రి కుర్చీలో నుండి దిగిపోయిన పెద్దమనిషి ఏవిధంగా ప్రధానమంత్రి అయిపోదామని కలగన్నారో...ఏమో..మళ్ళీ అది తన వల్లకాదని తెలుసుకొని ముఖ్యమంత్రి కుర్చీలో సెటిల్ అయిపోదామని ప్రయత్నిస్తున్నాడు. అసలు న్యాయం, ధర్మం, చట్టం, రాజ్యాంగం వంటి వాటి మీద ఆయన గారికి నమ్మకం ఉంటేగదా?” అంటూ పాత జ్ఞాపకాలన్నిటినీ త్రవ్వి పోశారు.

 

“గవర్నరు దొరవారు శాసనసభను సమావేశపరిచేందుకు అనుమతిచ్చిన తరువాత మా పార్టీ ఏమి చేయబోతుందో మీకే అర్ధం అవుతుంది” అని ఒక మంచి క్లూ కూడా ఇచ్చేసారు. అది చూసి జితన్ రామ్ మంజీ తెగ సంతోషపడిపోతుంటే, నితీష్ కుమార్ ‘డామిట్ కధ అడ్డం తిరిగింది’ అని తెగ బాధపడిపోతున్నారు.

 

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.