ఆయేషా కేసులో హైకోర్టు ఎత్తిచూపిన లోపాలేంటి? పోలీసుల వెర్షనేంటి?

Publish Date:Apr 5, 2017

Advertisement

ఆయేషా కేసులో సత్యంబాబును ఖాకీలు అన్యాయంగా ఇరికించారంటూ హైకోర్టు  తేల్చడం, కేసును దర్యాప్తు చేసిన అధికారులపై క్రమశిక్షణా చర్యలు తీసుకోవాలంటూ ఆదేశించడంతో పోలీసులు ఇరకాటంలో పడ్డారు. అసలు నేరస్థులను తప్పించేందుకు, వాస్తవాలను కప్పిపుచ్చి, కోర్టును తప్పుదోవ పట్టించేందుకే ఆయేషాపై అత్యాచారం జరిగిందన్న వాదనను పోలీసులు తెరపైకి తెచ్చారని హైకోర్టు వ్యాఖ్యానించడం... పోలీస్‌శాఖకే పెద్ద ఎదురుదెబ్బ. అంతేకాదు ఆయేషాను సత్యంబాబే చంపాడనడానికి తగిన ఆధారాలు చూపలేదన్న హైకోర్టు... ఎవరో ఒకరిని నేరస్తునిగా చూపాలన్న దిశగానే దర్యాప్తు సాగిందని పోలీసులను కడిగిపారేసింది. నిందితులను పట్టుకునే ఉద్దేశంతో దర్యాప్తు చేయలేదంటూ హైకోర్టు చేసిన వ్యాఖ్యలు... మొత్తం పోలీస్‌ వ్యవస్థ విశ్వసనీయతనే ప్రశ్నించేలా చేశాయి. సత్యంబాబుపై గతంలో ఉన్న కేసులను కోర్టులు కొట్టేసినప్పటికీ, అతడ్ని కరుడుగట్టిన నేరస్తుడిగానే పోలీసులు చిత్రీకరించడాన్నిహైకోర్టు తప్పుబట్టింది.

 

సరిగ్గా నడవలేని సత్యంబాబు.... 8 అడుగుల గోడను రెండుసార్లు ఎక్కిదిగి, రెండోసారి రోకలి బండను ఓ చేత్తో పట్టుకుని ఆ గోడను ఎక్కి ఆయేషా గదికి వెళ్లాడన్న పోలీసుల వాదనపై ధర్మాసనం విస్మయం వ్యక్తంచేసింది. ఐదున్నర అడుగుల ఎత్తు, 50 కేజీల బరువున్న వ్యక్తి, ఒక చేత్తో రోకలి బండను పట్టుకుని, ఒంటి చేత్తో 8 అడుగుల గోడను ఎక్కడం ఎలా సాధ‌్యమని ప్రశ్నించింది. ఇది సూపర్‌మ్యాన్‌ మాత్రమే చేయగల ఫీట్ అంటూ పోలీసులకు చురకలేసింది. అలాగే సాక్షుల వాంగ్మూలాలు, ఛార్జిషీట్లోని విషయాలు పరస్పర విరుద్ధంగా ఉన్నాయంది. అంతేకాదు ఆయేషాను చంపాక నిందితుడు ఆమె గదిలోనే కూర్చుని తాపీగా లేఖ రాసినట్లు పోలీసులు చెబుతున్న కథనం నమ్మశక్యం లేదంది.

 

అయినా అంతసేపు నిందితుడు ఆయేషా గదిలోనే ఉంటే, అక్కడున్న 55మందిలో ఒక్కరైనా గమనించారా అంటూ పోలీసులను ప్రశ్నించింది. మానవనైజం ప్రకారం ఘోరమైన చర్యకు పాల్పడితే, సహజంగా ఎవరైనా ఘటనాస్థలం నుంచి వెంటనే పారిపోతారని వ్యాఖ్యానించింది. అలాగే ఆయేషాను చంపేశాక రెండుసార్లు అత్యాచారానికి పాల్పడ్డాడన్న వాదనను కూడా ధర్మాసనం తప్పుబట్టింది. చనిపోయిన, స్పృహలోలేని స్థితిలో మహిళ ఉన్నప్పుడు మర్మాంగాలకు గాయం కాకుండా సంభోగం జరపడం సాధ్యం కాదని వైద్యశాస్త్రం చెబుతోందని, పోస్టుమార్టం రిపోర్ట్‌లో ఆయేషా శరీరంపై గానీ, మర్మాంగంపై గానీ ప్రతిఘటనకు సంబంధించి ఎటువంటి గాయాలు లేవని తేలిందని, అలాంటప్పుడు ఈ వాదనలోకూడా వాస్తవం లేదని వ్యాఖ్యానించింది.

 

ఈ కేసు దర్యాప్తులో పోలీసులు సరిగా వ్యవహరించలేదని, సాక్షుల వాంగ్మూలాలు కూడా ఒకదానికొకటి పొంతన లేకుండా ఉన్నాయంది. అంతేకాదు ఆయేషా తల్లి ఆరోపిస్తున్న వ్యక్తికి, కోర్టు అనుమతించినా పోలీసులు ఎందుకు నార్కో పరీక్ష నిర్వహించలేదని హైకోర్టు ప్రశ్నించింది. అసలు నేరస్థులను తప్పించడం కోసం పోలీసులు కట్టుకథలు అల్లారని, దాన్నే కింది కోర్టు నమ్మిందని ధర్మాసనం వ్యాఖ్యానించింది. ఓవరాల్‌గా సత్యంబాబు నేరం చేసినట్లు ఒక్క ఆధారాన్ని కూడా పోలీసులు చూపలేకపోయారన్న డివిజన్‌ బెంచ్‌... ఈ కేసుతో సత్యానికి ఎలాంటి సంబంధంలేదని, అకారణంగా ఇరికించారని అభిప్రాయపడింది. అసలు దోషులను వదిలేసి, ఒక అమాకుడిపై అభియోగాలు మోపి, జైలుపాలు చేయడాన్ని అమానవీయమైన చర్యగా హైకోర్టు అభివర్ణించింది. 

 

హైకోర్టు వ్యాఖ్యలపై ఇరకాటంలో పడ్డ పోలీసులు... కేసు ఎందుకు వీగిపోయిందో తెలుసుకునే పనిలో పడ్డారు. న్యాయ సలహాలు తీసుకుంటున్నారు. పైగా సత్యంబాబును నిర్దోషిగా విడిచిపెట్టడమే కాకుండా, పోలీసులనే తప్పుబట్టడంతో ఈ కేసు మరింత సవాలుగా మారింది. అయితే సత్యంబాబు నూటికి నూరుపాళ్లు దోషేనంటున్న పోలీసులు... అన్ని ఆధారాలు సమర్పించినా కేసు వీగిపోవడాన్ని జీర్జించుకోలేకపోతున్నారు. పైగా దర్యాప్తు జరిగిన తీరునే హైకోర్టు తప్పుబట్టడంతో.... కేసును తిరగదోడేందుకు రంగం సిద్ధంచేస్తున్నారు.

 

తన తల్లిని, చెల్లిని ఎన్‌కౌంటర్‌ చేస్తానని బెదిరించడం వల్లే గత్యంతరంలేక చేయని నేరాన్ని అంగీకరించినట్లు సత్యంబాబు చేసిన ఆరోపణలను పోలీసులు కొట్టిపారేస్తున్నారు. డీఎన్‌ఏ టెస్ట్‌ ఆధారంగానే సత్యంబాబుని అరెస్ట్ చేశామని, ప్రపంచంలో ఒకరి డీఎన్‌ఏతో మరొకరి డీఎన్‌ఏ సరిపోదని, అంతేకాదు ఆయేషాను తానే చంపినట్లు స్వయంగా సత్యంబాబే అంగీకరించాడని ఆనాడు కేసును ఇన్వెస్టిగేట్‌ చేసిన స్పెషల్‌ ఆఫీసర్‌ రంగనాథ్‌ చెబుతున్నారు. ఆయేషా కేసులో తాము ఎలాంటి ఒత్తిళ్లు ఎదుర్కోలేదన్న రంగనాథ్‌.... ప్రజలకు వాస్తవాలు తెలియాల్సిన అవసరముందంటున్నారు. సత్యంబాబును ఇరికించామనేది అబద్ధమన్నారు. సాంకేతికంగా కేసును హైకోర్టు కొట్టేసినా సుప్రీంకోర్టులో ఏం జరుగుతుందో చూడాలన్నారు. ప్రస్తుత విజయవాడ పోలీస్‌ కమిషనర్‌ గౌతమ్‌ సవాంగ్‌ కూడా సత్యంబాబే నిందితుడు అంటున్నారు. సాంకేతికంగా అన్ని ఆధారాలు కోర్టు ముందుంచామని, అయితే కేసు వీగిపోవడంతో... హైకోర్టు తీర్పుపై న్యాయ సలహాలు తీసుకుంటున్నట్లు చెప్పారు. అయితే దర్యాప్తు జరిగిన తీరునే హైకోర్టు తప్పుబట్టడంతో బలమైన, సాంకేతిక ఆధారాల కోసం పోలీసులు మళ్లీ ప్రయత్నాలు మొదలుపెట్టారు. 

 

అయితే దొంగ ఫోరెన్సిక్‌ రిపోర్ట్‌లు ఇఛ్చేందుకు అప్పటి ల్యాబ్‌ డైరెక్ట్‌ వెంకన్న లంచం తీసుకుంటూ ఏసీబీకి పట్టుబడటంతో సత్యంబాబు నివేదికపైనా అనుమానాలు రేకెత్తాయి. పైగా ఆయేషా హత్య జరిగిన రాత్రి సత్యంబాబు ఇబ్రహీంపట్నంలోని ఓ చర్చిలో ప్రార్ధనల్లో పాల్గొన్నట్లు అనేకమంది సాక్ష్యమిచ్చారు. దీనికి పోలీసుల దగ్గర సమాధానం లేదు. ఇక హైకోర్టు కూడా పోలీసుల దర్యాప్తులో డొల్లతనాన్ని, అనేక లోపాలను ఎత్తిచూపింది. అయితే పోలీసులు... సుప్రీంకోర్టు మెట్లు ఎక్కుతుండటంతో ఈ కేసు మళ్లీ ఎలాంటి మలుపులు తిరుగుతుందో చూడాలి.

By
en-us Political News

  
ఈ పుస్తకం కేవలం ఆమె ఆత్మకథగానే కాకుండా,   దేశ రాజకీయాలలో కీలకమైన మలుపులు, కుటుంబ బంధాలు, అంతర్గత సంఘర్షణలను సైతం బహిర్గతం చేసింది.  ఈ నేపథ్యంలో ఆమె ఆత్మకథ పుస్తకంలోని అంశాలపై, అందులో ప్రస్తావించిన వివాదాస్పద విషయాలు, అప్పటి రాజకీయాలలో వాటి ప్రభావంపై ఎడతెగని చర్చ జరుగుతోంది.  
రోజుల వ్యవధిలో రాష్ట్రంపై దాడి చేసిన అర్నాబ్, మురసు తుపానులను ఎదుర్కొనడంలోనూ చంద్రబాబు వినూత్న  ఆలోచనలు, వేగవంతమైన నిర్ణయాలు ప్రమాద తీవ్రతను గణనీయంగా తగ్గించడంలో కీలక పాత్ర పోషించాయి.   ప్రతికూల వాతావరణ పరిస్థితుల్లోనూ ఏమాత్రం తడబాటు లేకుండా, ప్రణాళికాబద్ధంగా వ్యవహరించడం ద్వారా ఆయన తన ప్రత్యేకతను మరోసారి చాటుకున్నారు. 
2019 ఎన్నికలు, ఆ తరువాత 2021 స్థానిక ఎన్నికలలో తిరుగులేని విజయాలను దక్కించుకున్న వైసీపీ, ఆ తరువాత 2024 ఎన్నికలలో ఘోర పరాజయం పాలైంది. ఈ పరాజయానికి కొనసాగింపు అన్నట్లుగా తాజాగా జరిగిన మునిసిల్, పరిషత్ ఎన్నికలలో కూడా ఘోరాతి ఘోరంగా పరాజయం పాలైంది.
రాష్ట్రానికి ముఖ్యమంత్రి కావాలనుకునే వ్యక్తి.. రాష్ట్రంలో మాత్రం వారిని ఒక రోజే, మహా అయితే రెండు రోజులకు మించి మకాం వేయరు. ఇలా వచ్చి అలా బెంగళూరు వెళ్లిపోతుంటారు.  
ఈ ఎన్నికల సంగ్రామంలో ఒకప్పుడు రాష్ట్రంలో ఏకఛత్రాధిపత్యం వహించిన కాంగ్రెస్ పార్టీ  సోదిలోకి కూడా కనిపించకపోవడం పొలిటికల్ సర్కిల్స్ లో హాట్ టాపిక్ గా మారింది. అలాగే ఈ ఎన్నికలలో కాంగ్రెస్ దయనీయ పరిస్థితిపై ఆ పార్టీ రాష్ట్ర అధ్యక్షురాలు షర్మిల మౌనంపై ప్రశ్నలు వెల్లువెత్తుతున్నాయి.
2024 ఎన్నికలలో జగన్ కు తేరుకోలేని పరాభాం ఎదురైంది. వైనాట్ 175, వైనాట్ కుప్పం నినాదాలు మరుగున పడిపోయాయి. సొంత అడ్డా పులివెందులలో జగన్ మెజారిటీ గణనీయంగా తగ్గింది. కడప జిల్లాలోనూ పలు అసెంబ్లీ నియోజకవర్గాలు కూటమి వశమయ్యాయి. అలా   2024 ఎన్నికల్లో   జగన్ పార్టీ ఊహించని విధంగా ఘోర ఓటమిని చవిచూడటమే కాకుండా, కనీసం ప్రతిపక్ష హోదాను కూడా దక్కించుకోలేకపోయింది.
గతంలో రాష్ట్రంలో బీఆర్ఎస్ అధికారంలో ఉన్న సమయంలో ఆ పార్టీపై తీవ్ర స్థాయిలో విమర్శలు గుప్పించిన అమిత్ షా తన తాజా పర్యటనలో మాత్రం బీఆర్ఎస్ పై విమర్శల పదును తగ్గించారు. ఇందుకు కారణం తెలంగాణలో బీజేపీ పరిస్థితి ఒక అడుగు ముందుకు రెండడుగులు వెనక్కు అన్న చందంగా మారడమేనని పరిశీలకులు విశ్లేషిస్తున్నారు.
రాజకీయ అవసరం కోసం తన సింగిల్ నినాదాన్ని మడిచి జేబులో పెట్టుకుని ఇండియా కూటమితో కలిసి నడవడానికి రెడీ అయిపోయారు.  జాతీయ స్థాయిలో వైసీపీ వైఖరి ఏమిటన్నది ఇప్పటి వరకూ బాహాటంగా స్పష్టత ఇవ్వని జగన్.. లోపాయికారీ మద్దతు మాత్రం మోడీ నాయకత్వంలోని ఎన్డీయే కూటమికే ఇస్తూ వచ్చారు.
కాగా కేటీఆర్ మారిన ధోరణి రాజకీయ ప్రాధాన్యత సంతరించుకుంది. ఆయన మారారా? గతంలో తాను చేసిన విమర్శలు మరిచారా అన్న చర్చ జరుగుతోంది. ఏపీలో, జాతీయ స్థాయిలో రాజకీయ పరిస్థితుల నేపథ్యంలో కేటీఆర్ జగన్ తో మైత్రి కంటే.. చంద్రబాబుకు, తెలుగుదేశం పార్టీకీ దగ్గరవ్వడమే తెలంగాణలో బీఆర్ఎస్ కురాజకీయంగా ఒకింత మేలు జరుగుతుందన్నభావనతోనే కేటీఆర్ స్వరం మార్చారని పరిశీలకులు అంటున్నారు.  
పులివెందుల, కడప వంటి చోట్ల వైపీపీని ఎంత అధికార పార్టీ అయినా తెలుగుదేశం అడ్డుకునే పరిస్థితి ఉండదు. ఇది అందరికీ తెలిసిన సత్యమే అయినా ఏకగ్రీవం అన్న సాంకేతిక కారణాన్ని చూపి వైసీపీ అధికార దుర్వినియోగం ఆరోపణలు చేస్తోంది.
దర్యాప్తు సంస్థల నుంచి కేంద్ర ఎన్నికల సంఘంవరకూ అన్నిటిపైనా ప్రజా విశ్వాసం ఒకింత మసకబారింది. రాజ్యంగ సంస్థల విశ్వసనీయత దెబ్బతింది. పార్లమెంటు,  , ఎన్నికల సంఘం, కేంద్ర దర్యాప్తు సంస్థల తీరు పట్ల ప్రజలలో అసహనం ప్రస్ఫుటంగా కనిపిస్తోంది.
తాజాగా స్థానిక ఎన్నికల వేళ  ఉప ముఖ్యమంత్రి పవన్ కల్యాణ్ నేతృత్వంలోని జనసేన పార్టీ తీరు, దూకుడు పట్ల పెద్ద ఎత్తున చర్చ ఆరంభమైంది.  పార్టీ   నిర్వహణకు సంబంధించిన కొన్ని అంశాలు సోషల్ మీడియాలో ప్రతికూల ప్రచారానికి దోహదం చేస్తున్నాయి.  ముఖ్యంగా, జనసేన పార్టీకి చెందినవిగా చెప్పుకునే కొన్ని సోషల్ మీడియా ఖాతాల ద్వారా కూటమి ఐక్యతను దెబ్బతీసే పోస్టులు కనిపించడం సంచలనం సృష్టిస్తోంది.  
ఆ రెబల్స్ ను పోటీ నుంచి ఉపసంహరింప చేసుకునేలా బుజ్జగించడమో, హెచ్చరించడమో చేయాల్సిన బాధ్యత తెలుగుదేశం, జనసేన అధినాయకత్వంపై ఉంది. అది పొత్తు ధర్మం కూడా. కానీ ఈ పొత్తు ధర్మాన్ని పాటించే విషయంలో తెలుగుదేశం మాత్రమే ముందుకు వచ్చింది. జనసేన నుంచి పొత్త ధర్మం పాటిస్తున్న దాఖలాలు కనిపించడం లేదు. 
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.