రాబోయే కాలంలో కాబోయే హోంమంత్రిని: అంబటి ప్రకటన.. ఓ రేంజ్ లో ట్రోల్ చేస్తున్న నెటిజనులు.!

Publish Date:Oct 19, 2026

Advertisement

జగన్ హయాంలో  ఆయన కేబినెట్ లో పని చేసిన  మంత్రులందరూ పుంగనూరు పుడింగి పెద్దిరెడ్డి వినా 2024 అసెంబ్లీ ఎన్నికల్లో ఘోర పరాజయాన్ని చవిచూశారు. ఈ పరాజయం  వారు ఐదేళ్ల పాటు అందించిన పాలనా తీరుకు అద్దంపుడుతుందనడంలో సందేహం లేదు.  జగన్ కేబినెట్ లో అంబటి రాంబాబు ఒకరు.  జగన్ హయాంలో అంబటి  నీటిపారుదల శాఖ మంత్రిగా పనిచేశారు.

ఆ పదవిలో ఉన్నప్పుడు, కీలకమైన పోలవరం ప్రాజెక్టు గురించి కనీస సమాచారం కూడా చెప్పలేకపోయారంటే, అప్పటి పాలన తీరు, అంబటి వ్యవహారశైలి ఎలా ఉండేదో ఇట్టే అర్ధమౌతుంది. అంబటి అప్పట్లో తన శాఖకు సంబంధించి విషయపరిజ్ణానంలేకపోవడం ద్వారానే కాదు..  నిరంతరం చంద్రబాబు నాయుడుని, పవన్ కళ్యాణ్‌ని దూషించడం ద్వారా కూడా ప్రజా వ్యతిరేకతను మూటగట్టుకున్నారు. అపఖ్యాతి పాలయ్యారు. పాలయ్యారు. ఇది స్వయంగా ఆయనకే కాదు.. వైసీపీకి కూడా తీరని నష్టాన్ని చేకూర్చి పెట్టింది.  

 అటువంటి అంబటి ఇప్పుడు పోలీసుల సమక్షంలోనే.. వచ్చే ఎన్నికల్లో జగన్ మళ్లీ ముఖ్యమంత్రి అయ్యాక తాను  హోం మంత్రిగా ఉంటానని బాహాటంగా ప్రకటించారు. ఆయన ప్రకటన ఇప్పుడు పొలిటికల్ సర్కిల్స్ లో హాట్ టాపిక్ గా మారింది. గతంలో ఇరిగేషన్ మంత్రిగా పోలవరం ప్రాజెక్టు ఏమిటో నాకు  అర్ధం కాదని బాహాటంగా చెప్పిన ఆయన ఇప్పుడు.. 2029 ఎన్నికలలో వైసీపీ గెలిచి జగన్ సీఎం అయితే.. తాను హోంమంత్రిని అవుతానంటూ చేసిన ప్రకటన అంబటి అవగాహనారాహిత్యానికి, రాజకీయ అపరిపక్వతకు నిలువెత్తు నిదర్శనంగా పరిశీలకులు విశ్లేషిస్తున్నారు.  

ఆయన రాజకీయ అపరిపక్వత, అవగాహనా రాహిత్యాన్ని పక్కన పెడితే.. అంబటి తనను తాను కాబోయే హోంమంత్రిగా ప్రకటించుకోవడం వైసీపీకి స్థానిక ఎన్నికల వేళ ప్రతికూలతకు కారణమౌతుందని పరిశీలకులు అంటున్నారు. ఇరిగేషన్ మంత్రిగా వెలగబెట్టింది చాలకనా, నిత్యం దూషణల పర్వంతో చెలరేగిపోయే అంబటి ఇప్పుడు పోలీసు మంత్రిని అవుతానంటూ చెప్పుకుంటున్నారన్న విమర్శలు వెల్లువెత్తుతున్నాయి. మంత్రి బాధ్యతాయుతంగా, గౌరవప్రదంగా వ్యవహరించాలి. కానీ అంబటి రాంబాబు వంటి వారు, తాము మళ్లీ హోం మంత్రి పదవిలోకి వస్తానంటూ ప్రకటించుకోవడం పార్టీకి ప్రతికూలంగా మారడం తథ్యమని నెటిజనులు అంటున్నారు. పైగా అంబటి రాంబాబు ప్రకటన ఆయనలో ఉన్న అధికార దాహాన్ని బయటపెట్టిందని చెబుతున్నారు.  


[Ambati Rambabu Home Minister Comments, YCP, Andhra Pradesh Politics, Local Body, Elections, dverse, Conditions, Telugu One]

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.