సీఎం చంద్రబాబు సమక్షంలో టీడీపీలో చేరిన మజ్జి శ్రీనివాసరావు..!

Publish Date:Sep 8, 2026

Advertisement

ఉత్తరాంధ్ర రాజకీయాల్లో అనూహ్య పరిణామం చోటుచేసుకుంది. విజయనగరం జిల్లాలో వైసీపీకి కీలక నేతగా ఉన్న మజ్జి శ్రీనివాసరావు అలియాస్‌ చిన్న శ్రీను ఆ పార్టీకి గుడ్‌బై చెప్పి తెలుగుదేశం పార్టీలో చేరారు. వైసీపీ సీనియర్ నేత, ఎమ్మెల్సీ బొత్స సత్యనారాయణ మేనల్లుడైన చిన్న శ్రీను టీడీపీలో చేరడం రాజకీయ వర్గాల్లో సంచలనంగా మారింది. ముఖ్యమంత్రి చంద్రబాబు నాయుడు ఆయనకు పసుపు కండువా కప్పి పార్టీలోకి సాదరంగా ఆహ్వానించారు. చిన్న శ్రీనుతో పాటు ఆయన కుమార్తె సిరి సహస్ర, పలువురు అనుచరులు కూడా టీడీపీ తీర్థం పుచ్చుకున్నారు.

టీడీపీలో చేరికకు ముందు మంగళవారం సాయంత్రం చిన్న శ్రీను వైసీపీకి రాజీనామా చేశారు. విజయనగరం జిల్లా వైసీపీ అధ్యక్ష పదవితో పాటు పార్టీ ప్రాథమిక సభ్యత్వానికి కూడా రాజీనామా చేస్తున్నట్లు వైసీపీ అధినేత వైఎస్‌ జగన్‌మోహన్‌రెడ్డికి లేఖ పంపారు. ఆ వెంటనే టీడీపీ అధినేత చంద్రబాబు సమక్షంలో పసుపు కండువా కప్పుకున్నారు.

ప్రస్తుతం చిన్న శ్రీను విజయనగరం జిల్లా పరిషత్‌ ఛైర్మన్‌గా కొనసాగుతున్నారు. ఉత్తరాంధ్రలో వైసీపీకి కీలక బాధ్యతలు నిర్వహించిన ఆయన.. విజయనగరం జిల్లాలో పార్టీ వ్యవహారాల్లో చురుగ్గా వ్యవహరించారు. అలాంటి నేత పార్టీని వీడటం వైసీపీకి గట్టి ఎదురుదెబ్బగా రాజకీయ పరిశీలకులు భావిస్తున్నారు. బొత్స కుటుంబంలో కీలక రాజకీయ నేతగా ఉన్న చిన్న శ్రీను వైసీపీని వీడటం ఆ పార్టీతో పాటు బొత్స సత్యనారాయణ రాజకీయ ప్రాబల్యంపైనా చర్చకు దారితీసింది. కొంతకాలంగా చిన్న శ్రీను వైసీపీ కార్యక్రమాలకు దూరంగా ఉంటుండటంతో ఆయన పార్టీ మార్పుపై ఊహాగానాలు వినిపించాయి.


చిన్న శ్రీను పార్టీని వీడటానికి బొత్స సత్యనారాయణతో ఉన్న అంతర్గత విభేదాలే కారణమన్న ప్రచారం రాజకీయ వర్గాల్లో సాగుతోంది. అయితే తన రాజీనామాకు వ్యక్తిగత కారణాలే ఉన్నాయని చిన్న శ్రీను పేర్కొన్నట్లు సమాచారం. అసలు కారణాలు ఏమైనప్పటికీ.. బొత్స కుటుంబానికి చెందిన కీలక నేత టీడీపీలో చేరడం మాత్రం విజయనగరం రాజకీయాల్లో కొత్త సమీకరణాలకు తెరతీసింది.స్థానిక సంస్థల ఎన్నికలకు రాజకీయ పార్టీలు సిద్ధమవుతున్న సమయంలో చిన్న శ్రీను టీడీపీలో చేరడం ప్రాధాన్యత సంతరించు కుంది. విజయనగరం జిల్లాలో తన రాజకీయ పట్టును మరింత బలోపేతం చేసుకోవాలని వైసీపీ ప్రయత్నిస్తున్న తరుణంలో ఆ పార్టీ జిల్లా అధ్యక్షుడే పార్టీని వీడటం ఇబ్బందికర పరిణామంగా మారింది. 

మరోవైపు చిన్న శ్రీను చేరికతో విజయనగరం జిల్లాలో టీడీపీ మరింత బలపడిందనే అభిప్రాయం వ్యక్తమవుతోంది. ఆయన వెంట వచ్చిన అనుచరుల సంఖ్య, జిల్లాలో ఆయనకు ఉన్న రాజకీయ పరిచయాలు రానున్న రోజుల్లో టీడీపీకి ఎంతవరకు ఉపయోగపడతాయనేది ఆసక్తికరంగా మారింది. చిన్న శ్రీను పార్టీ మార్పుతో విజయనగరం జిల్లాలో రాజకీయ సమీకరణాలు మారనున్నాయా? వైసీపీకి ఇది ఎంతమేర నష్టం కలిగించనుంది? టీడీపీకి ఆయన చేరిక ఎంతవరకు కలిసొస్తుంది? అనేది ఇప్పుడు ఉత్తరాంధ్ర రాజకీయాల్లో హాట్‌టాపిక్‌గా మారింది.

 

 

 

 (Majji Srinivasa Rao, Chinna Srinu resignation, YSRCP Vizianagaram, Botsa Satyanarayana nephew, Vizianagaram ZP Chairman, AP Politics Latest News, Telugu One, Telugu News)


 

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.