ఎస్వీ మ్యూజియంను ప్రారంభించిన సీఎం చంద్రబాబు.!

Publish Date:Sep 16, 2026

Advertisement

తిరుమల పుణ్యక్షేత్రంలో శ్రీవారిని దర్శించుకోవడానికి వచ్చే భక్తులకు ఆధ్యాత్మిక అనుభూతిని మరింత ఇనుమడింపజేసేలా ఏర్పాటు చేసిన అత్యాధునిక ఎస్వీ మ్యూజియంను ఆంధ్రప్రదేశ్ ముఖ్యమంత్రి నారా చంద్రబాబు నాయుడు బుధవారం (సెప్టెంబర్ 16) ప్రారంభించారు. శ్రీవారి సార్వభౌమత్వాన్ని, తిరుమల చరిత్రను, అరుదైన సాంస్కృతిక విశేషాలను భావితరాలకు అందించాలనే ఉద్దేశంతో ఈ మ్యూజియాన్ని ప్రపంచస్థాయి ప్రమాణాలతో ముస్తాబు చేశారు.ఈ ప్రారంభోత్సవ కార్యక్రమంలో  ముఖ్యమంత్రి చంద్రబాబు నాయుడుతో పాటు   మంత్రులు అనం రామనారాయణ రెడ్డి, అనగాని సత్యప్రసాద్ తదితరులు పాల్గొన్నారు.

ఈ సందర్భంగా మ్యూజియం ప్రాంగణంలో ఏర్పాటు చేసిన వివిధ గ్యాలరీలను చంద్రబాబు పరిశీలించారు. వర్చువల్ రియాలిటీ టెక్నాలజీ ఆధారిత శ్రీవారి దర్శన అనుభూతిని ముఖ్యమంత్రి స్వయంగా వీక్షించి, మ్యూజియం పనితీరును అడిగి తెలుసుకున్నారు. భక్తులకు ఎలాంటి అసౌకర్యం కలగకుండా అన్ని రకాల ఆధునిక సాంకేతిక పరిజ్ఞానాన్ని ఇక్కడ జోడించినట్లు అధికారులు వెల్లడించారు.జీ ప్లస్ 3 అంతస్తుల విశాలమైన భవనంలో రూపుదిద్దుకున్న ఈ ఎస్వీ మ్యూజియంలో మొత్తం 19 ప్రత్యేక గ్యాలరీలు, సుమారు 14 వేలకు పైగా అరుదైన కళాఖండాలను ప్రదర్శనకు ఉంచారు. ముఖ్యంగా బాపు, కృష్మారావు వంటి ప్రసిద్ధ కళాకారులు తీర్చిదిద్దిన అద్భుతమైన వర్ణచిత్రాలు, దశావతారాల ఘట్టాలు, విరాట్ పురుషుని రూపాలు సందర్శకులను ఎంతగానో ఆకట్టుకునేలా ఉన్నాయి. అలాగే, తాళ్లపాక అన్నమాచార్యులు రాగి రేకులపై నిక్షిప్తం చేసిన పవిత్ర భక్తి గీతాలు, చరిత్రకు సాక్ష్యంగా నిలిచే పురాతన నాణేలు, తిరుమల గత వైభవానికి సంబంధించిన అరుదైన ఛాయాచిత్రాలు ఇక్కడ ప్రత్యేక ఆకర్షణగా నిలిచాయి.  

సందర్శకుల సౌకర్యార్థం ఈ మ్యూజియంలో మోషన్ సెన్సార్ లైటింగ్ వ్యవస్థను అమర్చారు. దీనివల్ల మ్యూజియంలో ఎక్కడైతే సందర్శకులు ఉంటారో అక్కడ మాత్రమే లైట్లు వెలిగేలా అత్యాధునిక ఆటోమేటెడ్ సాంకేతికతను వాడారు. భక్తుల రాకపోకల కోసం హైస్పీడ్ ఎలివేటర్లు, విశాలమైన ఏసీ గ్యాలరీలు, అత్యాధునిక విశ్రాంతి గదులు, తాగునీటి వసతి  ఏర్పాటు చేశారు. భద్రతా చర్యల్లో భాగంగా మ్యూజియం లోపలికి మొబైల్ ఫోన్లు, కెమెరాలు, బ్యాగులు, పాదరక్షలను అనుమతించబోమని, వాటిని భద్రపరుచుకోవడానికి ప్రత్యేకంగా లాకర్ సౌకర్యం కల్పించామని టీటీడీ అధికారులు తెలిపారు.  

వార్షిక బ్రహ్మోత్సవాల వేళ ఈ మ్యూజియం ప్రారంభంకావడం   ప్రాధాన్యత సంతరించుకుంది. తిరుమలకు విచ్చేసే భక్తులు కేవలం స్వామివారి దర్శనంతో సరిపెట్టుకోకుండా, ఇక్కడి చారిత్రక నేపథ్యాన్ని, సాంస్కృతిక సంపదను కళ్లకు కట్టినట్లు తెలుసుకునేలా ఈ ప్రాజెక్ట్‌  రూపకల్పన చేశారు. ఇదే పర్యటనలో భాగంగా రిలయన్స్, భారత్ సంస్థలు విరాళంగా అందించిన 32 ఎలక్ట్రిక్ బస్సుల జెండా ఊపి ప్రారంభించారు. తిరుమలలో పర్యావరణ పరిరక్షణకు, కాలుష్య నియంత్రణకు ఈ ఈవీ బస్సుల ప్రయాణం ఎంతగానో దోహదపడుతుందనడంలో సందేహం లేదు.భవిష్యత్తులో తిరుమలకు వచ్చే పర్యాటకులు, భక్తుల సంఖ్య మరింత పెరగనున్న నేపథ్యంలో, వారికి మెరుగైన వసతులు అందించడమే లక్ష్యంగా పాలకమండలి ముందుకు వెళ్తోంది. డిజిటల్ మరియు వర్చువల్ అనుభవాలను జోడించడం ద్వారా యువతను, ఆధ్యాత్మిక ప్రియులను ఈ మ్యూజియం విశేషంగా ఆకట్టుకుంటుందని అంచనా వేస్తున్నారు.  


[Tirumala SV Museum,  Chief Minister Chandrababu Naidu,  Tirumala Brahmotsavam,  TTD Museum inaugurated Tirumala, Telugu One]

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.