రాజకీయ వివాదానికి కేంద్రబిందువుగా.. టెక్సాస్‌లో హనుమంతుడి విగ్రహం.!

Publish Date:Sep 22, 2026

Advertisement

అమెరికాలోని టెక్సాస్ రాష్ట్రంలో ఏర్పాటు చేసిన భారీ హనుమంతుడి విగ్రహం రాజకీయ చర్చకు, రచ్చకు కేంద్ర బిందువుగా మారింది.  హిందూ సమాజ భ ఐక్యత, సేవాభావానికి ప్రతీకగా ఉన్న ఈ విగ్రహంపై కొందరు    అభ్యంతరాలు వ్యక్తం చేస్తున్నారు. మరోవైపు.. ఇండియన్  అమెరికన్లు తమ మత విశ్వాసాలను స్వేచ్ఛగా ఆచరించే హక్కును సమర్థిస్తూ స్పందిస్తున్నారు. ఈ పరిణామాలు అమెరికాలో మత స్వేచ్ఛ, వలసలు, సాంస్కృతిక వైవిధ్యం, రాజకీయ ధోరణులపై మరోసారి చర్చకు తెరలేపాయి.  

 టెక్సాస్ రాష్ట్రం షుగర్‌ల్యాండ్‌లోని అష్టలక్ష్మీ దేవాలయం ప్రాంగణంలో 90 అడుగుల ఎత్తైన భారీ హనుమాన్ విగ్రహాన్ని ఏర్పాటు చేశారు.  స్టాచ్యూ ఆఫ్ యూనియన్ గా పిలిచే  ఈ విగ్రహం  ఆధ్యాత్మిక గురువు చిన్నజీయర్ స్వామి సంకల్పంతో ఏర్పాటైంది. 2024 ఆగస్టు 18న ప్రత్యేక ఆధ్యాత్మిక కార్యక్రమాల మధ్య విగ్రహ ప్రతిష్ఠ జరిగింది. అమెరికాలోని హిందూ సమాజానికి ఇదో  ఆధ్యాత్మిక కేంద్రంగా నిలుస్తోంది.  హనుమంతుడి విగ్రహం ఏర్పాటైనప్పటి నుంచీ హిందూయేతర వర్ాల నుంచి అభ్యంతరాలు వ్యక్తమౌతునే ఉన్నాయి. 

2025లో టెక్సాస్‌కు చెందిన రిపబ్లికన్ నాయకుడు అలెగ్జాండర్ డంకన్ ఈ విగ్రహంపై చేసిన వ్యాఖ్యలు వివాదానికి   ఆజ్యం పోశాయి. హిందూ దేవుడి విగ్రహాన్ని వ్యతిరేకిస్తూ ఆయన చేసిన వ్యాఖ్యలపై హిందూ అమెరికన్ ఫౌండేషన్ అభ్యంతరం వ్యక్తం చేసింది. వాటిని హిందూ వ్యతిరేక విద్వేష వ్యాఖ్యలుగా అభివర్ణిస్తూ రిపబ్లికన్ పార్టీ దృష్టికి తీసుళ్లింది.  ఈ పరిణామం మత విశ్వాసాలు, ఇతర మతాల పట్ల గౌరవం, అమెరికా రాజ్యాంగం కల్పించిన మత స్వేచ్ఛ వంటి అంశాలపై చర్చకు తెరలేపాయి. 


తాజాగా హనుమంతుడి విగ్రహంపై సోషల్ మీడియాలో  వైరల్ అవుతున్న వ్యాఖ్యలు మరోసారి వివాదాన్నిలైమ్ లైట్ లోకి తీసుకువచ్చాయి.  యూట్యూబర్ జెస్సీ హ్యూస్, టెక్సాస్‌లోని 90 అడుగుల హనుమంతుడి విగ్రహాన్ని కూల్చివేస్తామనే అర్థం వచ్చేలా సోషల్ మీడియాలో చేసిన పోస్టు కలకలం రేపింది.  ఆ యూట్యూబర్ వ్యాఖ్యలపై హిందూ అమెరికన్లు అభ్యంతరం వ్యక్తం చేశారు. ఒక మతానికి చెందిన ఆరాధనా స్థలాన్ని, దేవతా విగ్రహాన్ని లక్ష్యంగా చేసుకోవడం మత స్వేచ్ఛపై ప్రశ్నలు లేవనెత్తుతుందని వారు ఆందోళన వ్యక్తం చేస్తున్నారు. 

హనుమంతుడి విగ్రహంపై వచ్చిన వ్యాఖ్యల నేపథ్యంలో అమెరికా సైన్యంలో పనిచేసిన రుచిర్ బక్షి స్పందించారు. ఆఫ్ఘనిస్థాన్, ఇరాక్‌లలో విధులు నిర్వహించిన హిందూ అమెరికన్ సైనికుడైన ఆయన..  తన మతాన్ని లక్ష్యంగా చేసుకుని విద్వేషపూరిత వ్యాఖ్యలు చేయడంపై అభ్యంతరం వ్యక్తం చేశారు.దేశం కోసం యుద్ధ ప్రాంతాల్లో సేవలందించిన తనలాంటి వ్యక్తులు తమ మత విశ్వాసాల కారణంగా అవమానాలను ఎదుర్కోవాల్సి రావడం బాధాకరమని పేర్కొన్నారు.  టెక్సాస్ లో హనుమంతుడి విగ్రహం చుట్టూ సాగుతున్న వివాదం కేవలం ఒక మతపరమైన అంశంగా కాకుండా, అమెరికాలో నివసిస్తున్న మైనారిటీ వర్గాల హక్కులు, మత స్వేచ్ఛ, సామాజిక సమానత్వం వంటి అంశాలను కూడా తెరపైకి తెచ్చింది. 

అమెరికాలోని హిందూ సంస్థలు, ఇండియన్ అమెరికన్లు  ఈ తరహా వ్యాఖ్యలను మతపరమైన అసహనానికి సంకేతాలుగా అభివర్ణిస్తున్నారు. హిందూ దేవతలపై అవమానకర వ్యాఖ్యలు చేయడం, దేవాలయాలను లక్ష్యంగా చేసుకోవడం వంటి పరిణామాల పట్ల ఆందోళన వ్యక్తం చేస్తున్నారు.  అయితే, అమెరికా సమాజంలో భిన్న మతాలు, సంస్కృతులు కలిసిమెలిసి జీవిస్తున్న నేపథ్యంలో పరస్పర గౌరవం, చర్చ, చట్టబద్ధమైన పరిష్కారాల అవసరం ఎంతైనా ఉందని అంటున్నారు.  

[Texas Hanuman Statue, Hanuman Statue America, Statue Of Union, Hinduism  America, Indian Americans, Texas Politics, Religious Freedom]

By
en-us Political News

  
 పెట్టుబడులు, పరిశ్రమల స్థాపనలో నెలకొన్న పేటీ నేపథ్యంలో అధికారుల తొలగింపు ప్రాధాన్యత సంతరించుకుంది. ఈ నేపథ్యంలోనే ఆంధ్రప్రదేశ్ మంత్రి నారా లోకేష్  సోషల్ మీడియా వేదికగా షేర్ చేసిన పోస్టు హల్ చల్ చేస్తోంది.
రాజస్థాన్ లోకల్ బాడీ ఎన్నికలలో ప్రతిపక్ష కాంగ్రెస్ అద్భుత ఫలితాలను సాధిస్తూ.. పరిశీలకులను విస్మయపరుస్తోంది.   జిల్లా పరిషత్, పంచాయతీ సమితి ఎన్నికల లెక్కింపులో కాంగ్రెస్ దూసుకుపోతుండటం రాష్ట్ర రాజకీయాల్లో సంచలనం సృష్టిస్తోంది.
జమ్మూ కశ్మీర్ సరిహద్దు ప్రాంతాల్లో ఉగ్ర  కదలికలు, సిక్కిం గగనతలంలో చైనా యుద్ధ విమానం సంచారం వంటి పరిణామాలను చూపుతున్నారు. ఈ పరిణామాలు దేశ భద్రతా వర్గాల్లో   చర్చకు దారితీశాయి. 
వయోభారం,  ఇతర అనారోగ్య సమస్యలు, శ్వాస తీసుకోవడంలో ఇబ్బందులు కారణంగా ఆమె మరణించినట్లు కుటుంబ సభ్యులు తెలిపారు.
ప్రపంచ భౌగోళిక రాజకీయాల్లో భారత్ ఒక  సైడ్ ప్లేయర్ గా మారిపోయిందని రాహుల్ చికాగో  వర్సిటీ వేదికగా వ్యాఖ్యానించారు.  గతంలో అంతర్జాతీయ వేదికలపై స్వతంత్ర దృక్పథంతో వ్యవహరించిన దేశం..  ప్రస్తుత పరిస్థితుల్లో తన ప్రభావాన్ని కోల్పోయి పక్కకు తప్పుకుందని  విమర్శించారు.
మైసూరులో విలేకరుల సమవేశంలో మాట్లాడిన  వచ్చే ఎన్నికల బరిలో  తాను ఉండబోననీ, ఇది ఖాయమనీ కుండబద్దలు కొట్టారు. తన వయసు,   ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. 
జాతీయ జెండాను నేలపై ఉంచకూడదనే స్పృహతో దానిని   తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్  మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. 
 అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది.  ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది.  అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది.
కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు.  ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. 
ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా  తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. 
ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.