మెడికల్ మాఫియాకు ముకుతాడు: కేంద్రాన్ని ఆదేశించిన సుప్రీం.!

Publish Date:Oct 29, 2026

Advertisement

దేశంలో ప్రైవేట్ ఆసుపత్రులు,  ఫార్మా సంస్థలు కలిసి సాగిస్తున్న ఔషధాల దందా, ధరల దోపిడీపై దేశ అత్యున్నత న్యాయస్థానం సుప్రీంకోర్టు కన్నెర్ర చేసింది.  సామాన్య ప్రజల ప్రాణాలతో చెలగాటమాడుతూ, అత్యవసర ప్రాణ రక్షక మందులపై విపరీతమైన ధరలను వసూలు చేస్తున్న తీరుపై సుప్రీం ధర్మాసనం అసహనం, అసంతృప్తి వ్యక్తం చేసింది.   క్యాన్సర్ వంటి ప్రాణాంతక వ్యాధుల మందులు, వైద్య సామాగ్రిపై  ప్రైవేట్ ఆసుపత్రులు భారీ ఎత్తున లాభాలను గడిస్తున్న తీరును సర్వోన్నత న్యాయస్థానం తప్పుబట్టింది. ఈ మేరకు కేంద్ర ప్రభుత్వం అవలంబిస్తున్న ధరల నియంత్రణ విధానాలపై ప్రశ్నలు సంధిస్తూ నిలదీసింది. 

విచారణ సందర్భంగా ఒక నిర్దిష్టమైన ఉదాహరణను ప్రస్తావించిన సుప్రీం ధర్మాసనం.. మార్కెట్‌లో  1,100 రూపాయలకు అభ్యమయ్యే యాంటీ క్యాన్సర్ ఔషధాన్ని  ఒక ప్రముఖ ప్రైవేట్ ఆసుపత్రి రోగికి ఏకంగా రూ.1.30 లక్షలకు విక్రయించిందని కోర్టు తీవ్రంగా తప్పుబట్టింది. మందుల కొనుగోలు ధరలకు మరియు ఆసుపత్రులు రోగులపై వేస్తున్న బిల్లులకు మధ్య ఇంతటి భారీ వ్యత్యాసం ఉండటం ఇసుమంతైనా సమర్థనీయం కాదని కుండబద్దలు కొట్టింది ఆరోగ్య రంగాన్ని  లాభాపేక్షతో వ్యాపార కేంద్రాలుగా మారుస్తున్నారని, దీనివల్ల పేద, మధ్యతరగతి ప్రజలు ప్రాణాలు కోల్పోయే దుస్థితి దాపురించిందని వ్యాఖ్యానించింది.

ఈ రకమైన విపరీతమైన  దోపిడీ ధోరణులు   రోగులను ఆర్థికంగా కుంగదీయడమే కాకుండా, వైద్య వృత్తి పవిత్రతనే మంటగలుపుతున్నాయని  పేర్కొంది. నాన్ షెడ్యూల్డ్ ఔషధాల ధరల నియంత్రణ విషయంలో కేంద్ర ప్రభుత్వం అనుసరిస్తున్న విధానాలు లోపభూయిష్టంగా ఉన్నాయని తప్పుపట్టింది. ప్రజల ఆరోగ్యాన్ని రక్షించాల్సిన బాధ్యత ప్రభుత్వాలపై ఉందని, ఆసుపత్రులు ఇష్టానుసారంగా ధరలు పెంచకుండా  నిబంధనలను ఎందుకు అమలు చేయడం లేదని  నిలదీసింది.

మెడికల్ మాఫియా కార్యకలాపాలు కేవలం మందుల దుకాణాలకే పరిమితం కాకుండా, పెద్ద కార్పొరేట్ ఆసుపత్రుల నెట్‌వర్క్‌ల ద్వారా వ్యవస్థీకృత నేరంగా మారుతున్నాయని ఆందోళన వ్యక్తం చేసింది.  రోగుల బలహీనతలను ఆసరాగా చేసుకుని అనవసర  వైద్య పరీక్షలు నిర్వహించడం, అధిక ధరలకే మందులు కొనుగోలు చేసేలా ఒత్తిడి చేయడం వంటి అనైతిక పద్ధతులకు పాల్పడుతున్న వారిపై కఠిన చర్యలు తీసుకోవాలని సుప్రీంకోర్టు కేంద్రాన్ని ఆదేశించింది. ఫార్మా కంపెనీలు, ఆసుపత్రుల అనైతిక మార్కెటింగ్ పద్ధతులను అరికట్టేందుకు  మార్గదర్శకాలను రూపొందించాలని ఆదేశించింది.

ఇలాంటి దోపిడీ ధోరణులకు అడ్డుకట్ట వేయకపోతే సామాన్యులకు వైద్యం   అందని ద్రాక్షగా మారుతుందని ఆందోళన వ్యక్తం చేసిన సుప్రీం కోర్టు.. ఔషధాల ధరల నియంత్రణపై ప్రభుత్వం స్పష్టమైన, పారదర్శకమైన విధానాన్ని తీసుకురావాలని సూచించింది. పేదలకు సరసమైన ధరల్లో నాణ్యమైన వైద్యం అందేలా చూసేందుకు చట్టపరమైన చర్యలు అవసరమని నొక్కిచెప్పింది. ఈ కేసుకు సంబంధించి తదుపరి విచారణనువాయిదా వేస్తూ..  సమగ్ర నివేదికను సమర్పించాలని కేంద్రానికి ఆదేశాలు జారీ చేసింది.  సుప్రీంకోర్టు చేసిన ఈ వ్యాఖ్యలు దేశవ్యాప్తంగా వైద్య మరియు ఆరోగ్య రంగంలో తీవ్ర చర్చనీయాంశంగా మారాయి. ప్రైవేట్ ఆసుపత్రుల దోపిడీకి అంకుశం వేసేలా అత్యున్నత న్యాయస్థానం తీసుకుంటున్న ఈ చర్యలు సామాన్యులకు  ఊరటనిస్తాయని పరిశీలకులు అంటున్నారు.  


[Supreme Court On Medicine Overpricing, Private Hospitals Markups, Medical Mafia, Cancer Drugs Pricing,  Healthcare Pricing Regulation India, Telugu One]

By
en-us Political News

  
 పెట్టుబడులు, పరిశ్రమల స్థాపనలో నెలకొన్న పేటీ నేపథ్యంలో అధికారుల తొలగింపు ప్రాధాన్యత సంతరించుకుంది. ఈ నేపథ్యంలోనే ఆంధ్రప్రదేశ్ మంత్రి నారా లోకేష్  సోషల్ మీడియా వేదికగా షేర్ చేసిన పోస్టు హల్ చల్ చేస్తోంది.
రాజస్థాన్ లోకల్ బాడీ ఎన్నికలలో ప్రతిపక్ష కాంగ్రెస్ అద్భుత ఫలితాలను సాధిస్తూ.. పరిశీలకులను విస్మయపరుస్తోంది.   జిల్లా పరిషత్, పంచాయతీ సమితి ఎన్నికల లెక్కింపులో కాంగ్రెస్ దూసుకుపోతుండటం రాష్ట్ర రాజకీయాల్లో సంచలనం సృష్టిస్తోంది.
జమ్మూ కశ్మీర్ సరిహద్దు ప్రాంతాల్లో ఉగ్ర  కదలికలు, సిక్కిం గగనతలంలో చైనా యుద్ధ విమానం సంచారం వంటి పరిణామాలను చూపుతున్నారు. ఈ పరిణామాలు దేశ భద్రతా వర్గాల్లో   చర్చకు దారితీశాయి. 
వయోభారం,  ఇతర అనారోగ్య సమస్యలు, శ్వాస తీసుకోవడంలో ఇబ్బందులు కారణంగా ఆమె మరణించినట్లు కుటుంబ సభ్యులు తెలిపారు.
ప్రపంచ భౌగోళిక రాజకీయాల్లో భారత్ ఒక  సైడ్ ప్లేయర్ గా మారిపోయిందని రాహుల్ చికాగో  వర్సిటీ వేదికగా వ్యాఖ్యానించారు.  గతంలో అంతర్జాతీయ వేదికలపై స్వతంత్ర దృక్పథంతో వ్యవహరించిన దేశం..  ప్రస్తుత పరిస్థితుల్లో తన ప్రభావాన్ని కోల్పోయి పక్కకు తప్పుకుందని  విమర్శించారు.
మైసూరులో విలేకరుల సమవేశంలో మాట్లాడిన  వచ్చే ఎన్నికల బరిలో  తాను ఉండబోననీ, ఇది ఖాయమనీ కుండబద్దలు కొట్టారు. తన వయసు,   ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. 
జాతీయ జెండాను నేలపై ఉంచకూడదనే స్పృహతో దానిని   తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్  మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. 
 అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది.  ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది.  అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది.
కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు.  ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. 
ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా  తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. 
ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.