సమస్యల పరిష్కారం కోసం నియోజకవర్గానికి రూ. కోటి.!

Publish Date:Sep 8, 2026

Advertisement

రాష్ట్రంలో ప్రజాసమస్యల పరిష్కారానికి, క్షేత్రస్థాయిలో పాలనా వ్యవస్థను మరింత వేగవంతం చేయడానికి ఆంధ్రప్రదేశ్ ప్రభుత్వం కీలక నిర్ణయం తీసుకుంది. అమరావతి వేదికగా జరిగిన తెలుగుదేశం పార్టీ అత్యున్నత నాయకత్వ సమావేశంలో ముఖ్యమంత్రి నారా చంద్రబాబు నాయుడు ఒక ముఖ్యమైన ప్రకటన చేశారు.

రాష్ట్రంలోని ప్రతి శాసనసభ నియోజకవర్గ పరిధిలో ఎదురవుతున్న చిన్నపాటి సమస్యలను సత్వరమే ఎలాంటి జాప్యం లేకుండా పరిష్కరించేందుకు వీలుగా  ప్రతి నియోజకవర్గానికి ప్రత్యేకంగా  కోటి రూపాయల చొప్పున ఆర్థిక వనరులు కేటాయిస్తున్నట్లు  వెల్లడించారు.  మంగళగిరిలోని పార్టీ కేంద్ర కార్యాలయంలో రెండు రోజుల పాటు  జరిగిన లీడర్‌షిప్ ట్రైనింగ్ కాంక్లేవ్‌లో ప్రజాప్రతినిధులు, పార్టీ శ్రేణులను ఉద్దేశించి ముఖ్యమంత్రి ప్రసంగించారు. 

ఈ సందర్భంగా బొబ్బిలి శాసనసభ్యుడు బేబినాయన తమ ప్రాంతంలోని మౌలిక వసతులు, ఇతర చిన్న సమస్యల పరిష్కారానికి నిధుల అవసరం ఉందని కోరారు. దీనికి స్పందించిన చంద్రబాబు  వెంటనే ఆ నియోజకవర్గానికి కోటి రూపాయల నిధులు కేటాయిస్తున్నట్లు సభలో ప్రకటించారు. ఈ నిధులను సద్వినియోగం చేసుకుని ప్రజలకు తక్షణ ఉపశమనం కలిగించాలనిఆదేశించారు.  కేవలం నిధుల కేటాయింపు మాత్రమే కాకుండా, ఎంపీలు తమ పరిధిలోని ఎంపీలాడ్స్ నిధులను సమర్థవంతంగా వినియోగించుకోవాలని చంద్రబాబు సూచించారు. 

ప్రాధాన్యతా క్రమాన్ని అనుసరించి అసెంబ్లీ నియోజకవర్గాల అభివృద్ధికి ఆ నిధులను కేటాయించాలని, ఎంపీలు,  ఎమ్మెల్యేలు సమన్వయంతో ముందుకు సాగాలన్నారు. ప్రజలతో  మమేకమై పనిచేసే నాయకులకు మాత్రమే సమాజంలో శాశ్వత గుర్తింపు, గౌరవం లభిస్తాయన్నారు.   ప్రజలతోనూ,  పార్టీ కేడర్‌తోనూ ఏర్పడే బలమైన మానసిక బంధమే రాజకీయ విజయాలకు అసలైన పునాది అని చంద్రబాబు ఉద్ఘాటించారు.

రాబోయే స్థానిక సంస్థల ఎన్నికలను దృష్టిలో ఉంచుకుని, ప్రభుత్వం సాధిస్తున్న విజయాలు, అమలు చేస్తున్న సంక్షేమ పథకాలను ప్రజల్లోకి విస్తృతంగా తీసుకువెళ్లాలని పిలుపునిచ్చారు. ప్రభుత్వ పనితీరు పట్ల ప్రజల్లో వ్యక్తమవుతున్న సానుకూల దృక్పథాన్ని రాబోయే ఎన్నికల్లో ఓట్ల రూపంలో మలచుకోవడానికి నేతలు శ్రమించాలని నిర్దేశించారు.  ఈ కాంక్లేవ్ లో స్వర్ణాంధ్ర విజన్ 2047 బృహత్తర ప్రణాళికపై కూడా విస్తృతమైన చర్చ జరిగింది.  ప్రతిపక్షాల నుంచి వస్తున్న నిరాధార ఆరోపణలను, దుష్ప్రచారాలను ఎప్పటికప్పుడు తిప్పికొట్టాల్సిన బాధ్యత పార్టీ శ్రేణులపై ఉందని చంద్రబాబు గుర్తుచేశారు. 

రాష్ట్ర అభివృద్ధిని అడ్డుకోవాలని చూసే శక్తుల కుట్రలను ప్రజలకు ఎప్పటికప్పుడు వివరిస్తూ, ప్రభుత్వ విధానాలను సమర్థంగా ప్రజలకు చేరవేయాలని సూచించారు. పార్టీ యంత్రాంగాన్ని మరింత ఉత్సాహపరిచేందుకు ఇలాంటి ఉన్నత స్థాయి లీడర్‌షిప్ సమావేశాలను ఇకపై ప్రతి మూడు నెలలకొకసారి క్రమం తప్పకుండా నిర్వహిస్తామని ఆయన ప్రకటించారు.  ఈ తరహా ప్రత్యేక నిధుల కేటాయింపు మరియు దిశానిర్దేశం వల్ల స్థానిక స్థాయిలో పెండింగ్‌లో ఉన్న చిన్నచిన్న ప్రజా సమస్యలకు వేగంగా మోక్షం లభిస్తుందని రాజకీయ పరిశీలకులు భావిస్తున్నారు. రానున్న కాలంలో జరగబోయే స్థానిక సంస్థల ఎన్నికల సమరానికి పార్టీ శ్రేణులను మానసికంగా, వ్యూహాత్మకంగా సన్నద్ధం చేయడంలో ఈ కాంక్లేవ్ అత్యంత కీలకమైన వేదికగా మారుతుందని భావిస్తున్నారు. ప్రభుత్వ అధినాయకత్వం తీసుకుంటున్న ఈ చర్యలు క్షేత్రస్థాయిలో పార్టీ పటిష్టతకు మరింత ఊతమిస్తాయని అంచనా వేస్తున్నారు. 

[Rs crore To Every Constituency, CM Chandrababu Naidu, TDP Leadership Conclave, Amaravati News, AP Constituency Funds, Swarna Andhra Vision 2047, Telugu One]

By
en-us Political News

  
ఎండల తీవ్రత, ఎల్ నినో ఎఫెక్ట్ తో జలాశయాల్లో నీటి మట్టాలు తగ్గుతుండటంతో తిరుమలలో భక్తులకు తాగునీటి సమస్యలు తలెత్తకుండా తిరుమల తిరుపతి దేవస్థానం  అప్రమత్తమైంది. ముందు జాగ్రత్తగా నీటి పొదుపు, సమర్థవంతమైన నీటి యాజమాన్య చర్యలను ప్రారంభించింది
మూడు వేల కోట్ల రూపాయల బకాయిలు విడుదల చేసినట్లు అసెంబ్లీ వేదికగా వెల్లడించామనీ   ఆ హామీకి ప్రభుత్వం పూర్తిగా కట్టుబడి ఉందని మంత్రి లోకేశ్  స్పష్టం చేశారు. చెల్లింపుల ప్రక్రియ సాగే కొద్దీ బడ్జెట్ అంచనాలు సవరించబడతాయని చెప్పారు.
హత్యాయత్నం  కేసుల్లో నిందితులుగా ఉన్న రౌడీ షీటర్లను పోలీసులు అరెస్ట్ చేయకుండా వదిలేయడం వల్లే ఇలాంటి దాడులు జరుగుతున్నాయన్న బీటెక్ రవి,  పోలీసులు తక్షణమే కఠిన చర్యలు తీసుకోకపోతే అధికార పార్టీలో ఉన్నప్పటికీ తానే స్వయంగా డీఎస్పీ కార్యాలయం ఎదుట రోడ్డుపై బైఠాయించి నిరసన తెలపాల్సి వస్తుందని ఆయన హెచ్చరించారు.
బనగానపల్లెలోని ఎంపీడీవో కార్యాలయానికి చేరుకున్న ఇందిరా రెడ్డి, ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. ఈ సందర్భంగా కూటమికి చెందిన పలువురు నాయకులు, కార్యకర్తలు పెద్ద సంఖ్యలో హాజరై ఆమెకు మద్దతు పలికారు.  
వాటి ద్వారా ఎంతమంది కార్మికులకు నిజమైన ఉపాధి లభిస్తోంది, మొబైల్ యాప్, నైపుణ్య శిక్షణ ఎలా అమలవుతాయనే అంశాలపై ఇప్పుడు సర్వత్రా ఆసక్తి నెలకొంది. కేవలం వసతి కేంద్రంగానే కాకుండా సమర్థవంతమైన ఉపాధి వేదికగా లేబర్ అడ్డాలను నిలబెట్టడమే తమ లక్ష్య మని ముఖ్యమంత్రి చంద్రబాబు చెబుతున్నారు.
మూడో విడత ఎన్నికలకు సంబంధించి  నవంబర్ 21న రిటర్నింగ్ అధికారులు ఫారమ్-1 ద్వారా నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు  అభ్యర్థుల నుంచి నామినేషన్లు స్వీకరిస్తారు.   నామినేషన్ల పరిశీలనను నవంబర్ 24న చేపట్టనున్నారు.
తన వ్యక్తిగత, వృత్తిపరమైన ప్రతిష్ఠను దెబ్బతీసేందుకు కొందరు కావాలనే కల్పిత కథనాలను ప్రచారం చేస్తున్నారని, ఇలాంటి నిరాధార ఆరోపణలను తాను చట్టబద్ధంగా ఎదుర్కొంటానని ఆమె ఆ ప్రకటనలో విస్పష్టంగా పేర్కొన్నారు. 
1999 డిసెంబర్ 28న పనులు ఆరంభమయ్యాయి. ఆ రోజు నుంచి టీటీడీ అధికారులు చెప్పిన రెండు నెలల గడువుకు కేవలం 49 రోజులే మిగిలింది. అంటే తిరుమలకు నీటిని తరలించే విషయంపై జరిపిన మేధో మథనం 11 రోజుల్లో ముగిసింది. సరిగ్గా 1999 డిసెంబర్ 28 నుంచి కౌంట్ డౌన్ మొదలైంది.  
ఏపీ భూ ఉపరితలంపై నుంచి వీస్తున్న పొడి గాలుల కారణంగా అక్వాన్ తుపాను తీవ్రత కోల్పోయింది. ప్రస్తుతం ఇది తీవ్ర వాయుగుండంగా మారింది. రేపటికి ఇది మరింత బలహీనపడి శుక్రవారం (నవంబర్ 20)  నాటికి  సాధారణ వాయుగుండంగా మారి తీరాన్ని దాటే అవకాశం ఉందని వాతావరణ శాఖ పేర్కొంది.
నవంబర్ లో బంగాళాఖాతంలో తుపాను ఏర్పడిందన్న వార్త వింటే ఆంధ్రప్రజలకు దివిసీమ, కోనసీమ ఉప్పెనలే గుర్తుకు వవస్తాయి. 1977 నవంబర్ 19న దివిసీమ ఉప్పెన, 1996 నవంబర్ 6న కోనసీమ ఉప్పెన లు రాష్ట్ర తీర ప్రాంతాలను అతలాకుతలం చేశాయి. వందలాది ప్రాణాలను హరించాయి. ఊళ్లకు ఊళ్లు తుడిచిపెట్టుకు పోయాయి. 
గత ఆరు గంటల వ్యవధిలో గంటకు  3 కిలోమీటర్ల వేగంతో కదులుతున్న అక్వాన్ తుపాను,   చెన్నైకి 590 కిలోమీటర్లు, మచిలీపట్నం,  విశాఖపట్నాలకు 620 కిలోమీటర్లు, ఒడిశాలోని గోపాల్‌పూర్‌కు 750 కిలోమీటర్ల దూరంలో కేంద్రీకృతమై ఉంది.  
 తుపాను తీరం దాటే సమయంలో సముద్రం  అల్లకల్లోలంగా మారుతుందనీ, అలలు సాధారణం కంటే కనీసం   రెండు మీటర్ల ఎత్తు వరకు ఎగసిపడే అవకాశం ఉందని వాతావరణ శాఖ హెచ్చరించింది. అలాగే తుపాను తీరం దాటే సమయంలో 160 కిలోమీటర్లకు మించిన వేగంతో పెనుగాలులు వీస్తాయనీ పేర్కొంది.  
ఆంధ్రప్రదేశ్ సీఎం చంద్రబాబునాయుడు ఆర్టీజీసీఅధికారులు, ఉన్నతాధికారులతో టెలీకాన్ఫరెన్స్ తో పరిస్థితిని సమీక్షించారు.  తుపాను కదలికలు,  తీవ్రత,  రాష్ట్రంపై ఆ తుపాను ప్రభావం తదితర అంశాలపై ఆయన అధికారులతో చర్చించారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.