జోకర్ల పార్టీగా కాంగ్రెస్.. ఇండోర్ ఈవెంట్‌పై బీజేపీ ఆగ్రహం..!

Publish Date:Sep 20, 2026

Advertisement

రాహుల్ గాంధీ సమక్షంలో మోదీపై మిమిక్రీ.. భగ్గుమన్న బీజేపీ..!

మధ్యప్రదేశ్‌లోని ఇండోర్‌లో కాంగ్రెస్ పార్టీ తాజాగా నిర్వహించిన ''ఛాత్రోంకీ గుంజ్'' కార్యక్రమం రాజకీయంగా తీవ్ర దుమారాన్ని రేపుతోంది. ఈ వేదికపై జరిగిన ఒక స్టాండప్ కామెడీ స్కిట్‌లో దేశ ప్రధాని నరేంద్ర మోడీ హావభావాలను అనుకరిస్తూ కమెడియన్ పుల్కిత్ మణి ప్రదర్శన చేయడం ఇప్పుడు దేశవ్యాప్తంగా పెను వివాదానికి దారితీసింది. ముఖ్యంగా ప్రధాని మోడీని కించపరిచేలా ఉన్న ఈ స్కిట్ జరుగుతున్న సమయంలోనే కాంగ్రెస్ అగ్రనేత రాహుల్ గాంధీ వేదికపైనే ఉండి దాన్ని ఆస్వాదించడం బీజేపీ శ్రేణుల్లో తీవ్ర ఆగ్రహాన్ని రగిలించింది. ఈ సంఘటనపై బీజేపీ జాతీయ నాయకులు, కేంద్ర మంత్రులు ఒక్కసారిగా విరుచుకుపడ్డారు. కాంగ్రెస్ పార్టీ తీరును తీవ్రంగా తప్పుపడుతూ దేశవ్యాప్తంగా విమర్శలు గుప్పిస్తున్నారు.

ఈ వ్యవహారంపై బీజేపీ అధికార ప్రతినిధి సీఆర్ కేశవన్ తీవ్రంగా స్పందిస్తూ కాంగ్రెస్ పార్టీ తీరును నిలదీశారు. ఇలాంటి చౌకబారు, అసభ్యకరమైన ప్రదర్శనలు కేవలం అసభ్య ట్రోల్స్ కి కిందకే వస్తాయని ఆయన మండిపడ్డారు. సమాజంలో కొంచెం కూడా మర్యాద, బాధ్యత తెలిసిన ఏ ఒక్కరూ ఇలాంటి చర్యలను వినోదంగా భావించలేరని ఆయన స్పష్టం చేశారు. రాజకీయ నాయకుడిగా రాహుల్ గాంధీ తనను తాను ఎప్పుడూ సీరియస్‌గా తీసుకోలేకపోవడానికి ఇలాంటి సంస్కృతే కారణమని, అందుకే యువతలో ఆయనకు సరైన ఆదరణ లభించడం లేదని కేశవన్ ఎద్దేవా చేశారు. ఢిల్లీ యూనివర్సిటీ స్టూడెంట్స్ యూనియన్ ఎన్నికల్లో ఏబీవీపీ అఖండ విజయం సాధించడం, కాంగ్రెస్ మద్దతు ఉన్న ఎన్ఎస్‌యూఐ దారుణంగా ఓడిపోవడాన్ని ఆయన ఈ సందర్భంగా గుర్తుచేశారు. అంతేకాకుండా, ఈ కార్యక్రమంలో ఓ వృద్ధ మహిళను ఉద్దేశించి చేసిన అనుచిత వ్యాఖ్యలు మహిళలను అవమానించడమే అవుతాయని ఆయన తీవ్ర ఆక్షేపణ తెలిపారు.

కేంద్ర పార్లమెంటరీ వ్యవహారాల మంత్రి కిరణ్ రిజిజు కూడా సోషల్ మీడియా వేదికగా రాహుల్ గాంధీపై తీవ్రస్థాయిలో ధ్వజమెత్తారు. కాంగ్రెస్ పార్టీ పూర్తిగా దిగజారిపోయిందని, ఇప్పుడు ఆ పార్టీ ఒక 'కామెడియన్లు, జోకర్ల పార్టీ'గా మారిపోయిందని ఆయన ఎక్స్‌లో తీవ్ర వ్యాఖ్యలు చేశారు. మరోవైపు కేంద్ర విద్యాశాఖ మంత్రి ప్రహ్లాద్ జోషి స్పందిస్తూ, ఈ స్కిట్ ముసుగులో ప్రధాని మోడీ దివంగత తల్లిని కూడా అవమానించేలా మాట్లాడటం చాలా హేయమైన చర్య అని మండిపడ్డారు. ఢిల్లీ ముఖ్యమంత్రి రేఖా గుప్తా తదితర ప్రముఖులు సైతం రాహుల్ గాంధీ నాయకత్వ శైలిని, ఆయన సమక్షంలో ఇలాంటి ఘటనలు జరగడాన్ని తీవ్రంగా తప్పుపట్టారు. యువతలో రాజకీయ చైతన్యం తీసుకురావాల్సిన విద్యార్థి వేదికలను కాంగ్రెస్ పార్టీ ఇలాంటి వ్యక్తిగత విమర్శలకు, చౌకబారు రాజకీయాలకు వేదికగా మార్చుకోవడంపై దేశవ్యాప్తంగా పెద్ద ఎత్తున చర్చ జరుగుతోంది.

 

 

 

[ Rahul Gandhi, PM Modi mimicry, Indore event controversy, BJP backlash, Chhatron Ki Goonj, CR Kesavan, PM MODI, BJP, Kiren Rijiju, Comedian Pulkit Mani, Telugu One, Telugu News ] 


 

By
en-us Political News

  
 పెట్టుబడులు, పరిశ్రమల స్థాపనలో నెలకొన్న పేటీ నేపథ్యంలో అధికారుల తొలగింపు ప్రాధాన్యత సంతరించుకుంది. ఈ నేపథ్యంలోనే ఆంధ్రప్రదేశ్ మంత్రి నారా లోకేష్  సోషల్ మీడియా వేదికగా షేర్ చేసిన పోస్టు హల్ చల్ చేస్తోంది.
రాజస్థాన్ లోకల్ బాడీ ఎన్నికలలో ప్రతిపక్ష కాంగ్రెస్ అద్భుత ఫలితాలను సాధిస్తూ.. పరిశీలకులను విస్మయపరుస్తోంది.   జిల్లా పరిషత్, పంచాయతీ సమితి ఎన్నికల లెక్కింపులో కాంగ్రెస్ దూసుకుపోతుండటం రాష్ట్ర రాజకీయాల్లో సంచలనం సృష్టిస్తోంది.
జమ్మూ కశ్మీర్ సరిహద్దు ప్రాంతాల్లో ఉగ్ర  కదలికలు, సిక్కిం గగనతలంలో చైనా యుద్ధ విమానం సంచారం వంటి పరిణామాలను చూపుతున్నారు. ఈ పరిణామాలు దేశ భద్రతా వర్గాల్లో   చర్చకు దారితీశాయి. 
వయోభారం,  ఇతర అనారోగ్య సమస్యలు, శ్వాస తీసుకోవడంలో ఇబ్బందులు కారణంగా ఆమె మరణించినట్లు కుటుంబ సభ్యులు తెలిపారు.
ప్రపంచ భౌగోళిక రాజకీయాల్లో భారత్ ఒక  సైడ్ ప్లేయర్ గా మారిపోయిందని రాహుల్ చికాగో  వర్సిటీ వేదికగా వ్యాఖ్యానించారు.  గతంలో అంతర్జాతీయ వేదికలపై స్వతంత్ర దృక్పథంతో వ్యవహరించిన దేశం..  ప్రస్తుత పరిస్థితుల్లో తన ప్రభావాన్ని కోల్పోయి పక్కకు తప్పుకుందని  విమర్శించారు.
మైసూరులో విలేకరుల సమవేశంలో మాట్లాడిన  వచ్చే ఎన్నికల బరిలో  తాను ఉండబోననీ, ఇది ఖాయమనీ కుండబద్దలు కొట్టారు. తన వయసు,   ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. 
జాతీయ జెండాను నేలపై ఉంచకూడదనే స్పృహతో దానిని   తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్  మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. 
 అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది.  ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది.  అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది.
కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు.  ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. 
ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా  తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. 
ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు.  
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.